Ka Nupepa Kuokoa, Volume LV, Number 27, 6 July 1917 — E Hele e Hoopaa i ka Inoa [ARTICLE]

E Hele e Hoopaa i ka Inoa

Ma ka la hope o ka mahina o lulai rrei, e noho niai ai ka papa hoopaainoa o na kane apau e noho ana maloko nei o keia Teritore, no lakou na makahiki mawaena o ka iwakalua-kumaniakahi ame ke kanakolu-kuniamakahi, i kulike ai me ke kuahaua a ka Peresidena Wilson, o ka loaa ana mai nei i Honolulu nei ma keia pule; nolaila ua lilo i hana na kela ame keia kanaka opio, me ka nana ole ia o kona lahui, ka hele ana ae e hoopaa i ko lākou mau inoa, no ka ana i ke kanawai, i hooholoia mai nei maloko o ka ahaolelo lahui. He keehina hoomakaukau keia ma ka aoao o Amerika Huipuia, i kona mau makaainana, ina aole ia no ka hoouna ana aku i ke kaua, aka no na hana apau i makemakeia ai 110 keia mua aku, elike me ia e oili ae ana. Malia paha e lilo ana ke kaua, i kiimu no kekahi poe e maka'u ai, a e hoao ai e imi i na kumu e hoopakele ae ai ia lakou, mai ka hoopaa ana aku i ko lakou mau inoa; he mea oiaio no ia, me keia lahui kanaka ,oiai aole kakou i maa i ke kaua, aka nae, aole no e lawe wale ia ana na kanaka opio i ke kaua, me ko lakou a'o ole ia a loaa ka makaukau ma kela oihana, aka C hoohalaia ana kekahi manawa nui tutpono, ma ka hoomakaukau ana ia la'kou, ma ka oihana kaua moana, a kaua aina paha, a ina no ko lakou hele ole i ke kaua, o ia iho la no; aka he hana nae na na makaainana kupaa apau, ka hoikeike ana ae i k'o lakou makee, e hana aku no ko lakou aina, a e hoopakele ae hoi i ko lakou niau ohana, mai ka hōopoinoia mai e na enenii. ITe nui a lehulehu na hana i konoia mai ai na makaainana Amerika apau e hooko aku iloko o keia wa kupilikii, a ina ua makemakeia mai kakou, e hele i ke kaua, e noho paha mahope nei ,e lawelawe aku i na hana e pono ai ka lahui, ame ke aupuni, he hana kipi i ke aupuni ko kakou hoole ana aku e hooko ia mau hana; e konoia ai kakou apau, e lilo i poe ku-e mau aku i na enemi o ke aupuni, a no ka palekana hoi o na ola ame ko kakou mau waiwai. :o: Elike me ka papale, e kau ana iluna o ke poo, ka hiki wale no i ka makani ke puhi a haule ilalo. pela iho la no ka oihana aupuni i loaa i ke kanaka. He ohu ia i kau ae no ka manawa o elua makahiki, a kaili hou ia aku mai iaia mai; nolaila e aho no kahi hana i loaa me ka uuku o ka uku, me ka lawelawe mau ana nae i na manawa apau. me ka hopohopo ole no ka hoopauia mai, koe wale no o ka hewa o kau hana. »+* Ke hookapuia mai nei ka waiona i na kanaka o ka oihana koa, ame ka oihana kaua o Amenka Huip'uia; ika nana aku, o keia ka oj.iH hikimua, no ka hoea mai, i ka wa e hooliloia aku ai o Hawaii i Teritore maloo, e nana aku nae kakou, i ka nee ana o ke au o ka manawa!