Ka Nupepa Kuokoa, Volume LV, Number 27, 6 July 1917 — Pehea no hoi Keia Mau Hana Kolohe! [ARTICLE]

Pehea no hoi Keia Mau Hana Kolohe!

Ma ka pule aku nei i hala, i paa ae ai ia mau Ilawaii i ka hopuia, me ke kauia ana o ka hoopa'i, he hookahi haneri dala pakahi, no ka epa, ke kolohe ame ka pulapu wale ana aku i kekahi poe, me na manao hoopilikia, ma ka hoolilo ana ia laua iho, he makai, ka hana hoi, e pono ole ai, e hoomauia aku e kekahi poe kanaka Hawaii e ae e noho mai nei, me ka manao e loaa mai kekahi mau pomaikai ia lakou ma ia hana. Eia ka hihia o ia keiki Hawaii ke w r aiho mai nei maloko o ka aha apana Amerika maanei, no ke kolohe no, e pulapu ana i ka poe apau i manaoia, e loaa inai na dala mai ia lakou mai, ma kela ano hookahi no, e hoolilo ana he kanaka 110 ke aupuni, a ina 110 ka maopopo loa o ke ku o ka hewa iaia, e hoea mai ana i ka manawa ana e auamo ai i na hopena ehaeha, o kana mau hana, ka hana hoi a ke Kuokoa nei ,e a'o ikaika aku nei i na kanaka opio, e waiho aku i na liana ku-e a hakihaki kanawai, he mau hanā ia e hookau mai ai i na hopena hoehaeha maluna o lakou, a maluna o ko lakou mau ohana. E huli, a e hooikaika, e loaa i mau hana kupono, me ka hilahila ole, no ka haahaa a no ka ikaika paha o na hana e loaa mai ana, he hookahi mea nui, o ka loaa mai o ke dala me ka hoopono, e pono ai ka ohana, ame ka noho ana; e hookaawale mai na hana lealea mai ,e hookaawale mai na puulu mai o ka poe piliwaiwai ame ka poe kolohe, pela wale no, e alako ole ia aku ai iloko o na hana e pilikia ai, a e poino ai. Pehea ka loihi o ka hele lanakila ana o kekahi poe, e malama mau ana i na hana kolohe o na ano like ole, me ka ohi ana i na pomaikai ma ke ano loaa hew*a mai, e hoea mai ana no he la no lakou e auamo ai i na hopena awahia o ka lakou mau hana; aole e lilo na pomaikai i loaa hewa aku ia lakou, i mea e hoopakele ae ai ia lakou, mai ka pilikia mai; he mea oiaio keia a kakou i ike ai, a i hoomaopopo mau ai, aka o ka hoopaakiki o ka noonoo, o ka hookiekie o na manao, o na mea ia nana i alai .ae i na mea maikai apau, a ma o aku olaila, he poino. Ina eia he poe keiki Hawaii i loaa ole aku i na makai, e lawelaw r e mai nei i- na hana pulapu a kolohe, elike me ka poe i paa ae i ka hopuia, a i ahewa ia hoi e ke kanawai, ano ka manawa, e hookaawale koke mai ia mau hana hewa mai, o ka leo keia o ke ola, ame ka hoopakeleia mai ka poino mai.