Ka Nupepa Kuokoa, Volume LV, Number 27, 6 July 1917 — MA KA LA HOPE O IULAI KA HOOPAA INOA [ARTICLE]

MA KA LA HOPE O IULAI KA HOOPAA INOA

I kulike ai me na mea i hoikeia mai i Hawaii nei, o ka Poa'iua, ka la 31 o ka mahina o lulai nei, ka manawa e noho mai ai o ka papa hoopaainoa, no ka hoopaa ana i na inoa, o na kanaka apau e noho nei maloko o keia Teritoro mai ka iwakalila-kumamakahi makahiki ahiki i ke kanakolu-kumamakahi makahiki, i kulike ai me ke kanawai i hooholoia mai nei maloko o ka_ ahaolelo lahui, a i kulike ai no hoi me ke "kuahnua a ka Peresidena o Amerika Huipuia. Oiai nae he mau pule okoa keia e kakali aku ai, a ka manawa no ka hoopaainoa ana o na kanaka, ua manaoia, e hoolilo ia ana kela la hope o keia mahina, i la kulaia, i liiki ai i na apau ke wāiho aku i ka lakou mau hana, a hele ae ka poe mawaena o ka iwakaW-kumamakahi ame ke ka-nakolu-kumamakahi makahiki, e hoopaa i ko lakou mau inoa. O na Hope Makai Nui, o na wahi like ole, ke komo mai ana ,e kokua, i na papa hoopaainoa, ma ko lakou mau apana iho, a he nui lio hoi na kokua i haawi ae ia lakou iho, ma ke ano he mau maheleolelo, a mau hana e ae paha, a. lakou e lawelawe ai no ke aupuni, me ka uku ole.