Ka Nupepa Kuokoa, Volume LV, Number 27, 6 July 1917 — UA OI AKU NA HANAU ILOKO O IUNE MAMUA O KA PALUA I KO NA MAKE [ARTICLE]

UA OI AKU NA HANAU ILOKO O IUNE MAMUA O KA PALUA I KO NA MAKE

O ka mahina o lune i hala aku la kekahi o na mahina hoohauoli mai i ka nooneio mamuli o ka oi ana aku o na hanau i ko na make, eia nae, aohe no ia he kumu e piha ai ka hakahaka nui o ka lahui Hawaii. I kulike ai me ka hoike papahelu a ka buro hoopaainoa o na mare, hanau ame make o ka papa ola, ua oi aku mamua o ka.palua i na make na hanau iloko o ka mahina aku la o iUne i hala. Iloko aku la ō ia mahina he 240 mau hanau a he 121 mau make. He mahina nui pu no hoi ia o oa mare, aneane ekolu paa mare iloko u ka la hookahi, oia hoi 106 mare iloko o 30 la. Ma ia*hoike ua oi aku na kane i ma> ke mamua o na wahine, oia hoi he kanawalu-kumamaha kane a he kana-kolu-kumamahiku wahine, o na keiki malalo o ka hookahi makahiki ka hapanui o na make, aneane o ka akahi hapaha o ka huina nui, he kanakolu ka nui, a no na keiki malalo o ka elima makahiki he kanakolukumamaiwa ka uui. Ma na lahui o na Kepani ka oi aku o na make i ikeia maloko o ka hoike he kanakolu-kumamalua ka huina, he emi iho nae ia i ko na Hawaii ame ko na hapa Hawaii ke liuiia no ka mea, he iwakalua-kumamahiku Hawaii piha a he umi-kumamalima hapa Hawaii.. No iia Pake he umi-kumamawalu make, umi-kumamakahi Pukiki, he umi Amerika, ekolu Pilipino, hookahi Pelekane a he ekolu o na lahui e ae. Elike me ia i ike mau ia maanei a ma na walii e ae o ka ma'i akepau no ka ma 'i nana e luku nui nei i na lahui like ole. he iwakalua-kumamalua ka nui o ka poe i make ia ano ma'i a mahope aku na ano ma'i e ae.