Ka Nupepa Kuokoa, Volume LV, Number 25, 22 June 1917 — HOPUIA HE KEPANI ME NA KINI OPIUMA [ARTICLE]

HOPUIA HE KEPANI ME NA KINI OPIUMA

Ma ka po o ka Poakahi aku la, i paa ae ai he Kepani, hana paipu nona ka inoa o K. Fujiwara i ka hopuia, no ka malama opiuma, ma o ka loaa pono ana o na kini opiuma, he kanahiku-kumama-lua malalo o kona malu, no lakou ka waiwaiio i kohoia, ma kahi o ka eiwa kaukani dala. Ua hopuia kela Kepani ku-e kanawai, e na makaikiu, ma kona wahi hana, ma ke alanui Beritania; a ma ka Poalua ae, i waiho loa ia aku ai ka lawehala malalo o ka malu o ka Ilamuku Amerika, ma ke ano he lawehala oia na ke aupuni federala. He hookahi kumu o ka loaa pono ana 0 kela Kepani, a i paa ai hoi oia i ka hopuia e na makaikiu, o ia no kona hoao ana e lawe ae i ka opiuma, mai kahi mua i waihoia ai no kahi hou, a kamailio hoopaani wale mai la no ka he Pake iaia, me ka ninau ana mai ina, he puolo opiuma kela, ua loheia mai .nae kela mau olelo e kekahi kanaka Hawaii, a nana i lawe aku a hoike i ka lohe i ka oihana makai, o ka hopena 1 hanaia mai, o ia no ka hoea kino ana aku o na kanaka o ke aupuni, a i ka huliia ana aku oloko o ka hale, ua loaa aku la na kini opiuma, ho kanahikukumamalua, o ka paa no ia o kela Kepani i ka hopuia.

Ma ka hoakaka a na makaikiu, ua olelo okoa aku kela Kepani, no ke kiola ia ana o kela mau kini opiuma iloko o ke kai, mailuna mai o ka mokuahi Tenyo' Maru ma ka huli Koola'u aku nei, a na kekahi mea i kii i kela opiuma a kanu iloko o ke one.

Mai lapana mai ka i loaa mai ai iaia he leka mai kona lloaloha mai, o Yamamoto ka inoa, e kuhikuhi mai ana i kahi i kanuia ai o ka opiuma ma Heeia, ma kahi i hoailonaia me kekahi laau, a i kona holo okoa ana ilaila, i loaa aku ai kela mau kini opiuma, he kanahiku-kumamalua, a ho|hoi mai la no kona wahi, eia ka e paa ana oia i ka hopuia. .

O na kane oloko o na lahui like ole e nohd nei ma keia Teritore, no lakou na makahiki, mai ka iwakalua-kuma-makahi aku. ahiki i ke kanakolu kumamaahi, ua makemakeia lakou e hele ae e hoopaainoa, ma ka maniwa e malamaia ai kela hana ma keia- mahina ae, ma kQ lakou mahele koho pakahi ihQ. :