Ka Nupepa Kuokoa, Volume LV, Number 23, 8 June 1917 — HOALOHALOHA [ARTICLE]

HOALOHALOHA

Mr. Lunahooponopono, Aloha nui:— Ma ka Nupepa Kuokoa o ka Poalima, Mei 25, i ike ia iho ai, ua pauaho mai 0 Mrs. Waolele Kuhia i keia ola ana, nolaila, ke komo pu aku nei maua me oe e ke kane i hooneleia i ka mea aloha, ame na keiki. i hooneleia i ka makua, iloko o ka u pu ana i na luuluu ame na kaumaha no ka mea i hala. Aloha na hoa o ka aina i kaulana i ke one kuikuilima, aloha ka makua o ka aina a'u 1 noho malihini aku ai me ko'u ohana no elima makaliiki a oi aku, aloha na hoa uhaiaholo i na hana a ke Akua, aloha ka lima, kokua o ka ekaleaia o Ewa, aloha ka makua o ia aina malihini, ke kamaaina e hopohopo ole ai oe e ka malihini ke liele a kipa i kona home. He puuwai hamama, he oluolu, he heahea, a he lokomaikai, ua pau ka ,ike ana i kona helehelena ma ke kino, oiai; ua' kii mai la no ka mea Nona ka uhane a waiho'iho la i ke kino na kakou e u aku ma keia aoao o ka lua pa-u o ka make. Aloha no. Ke noi nei ka maua leo pule imua o na Mana lani, e hoomama mai i ko kakou mau kaumaha ame na luuluu, no ka mea Nana no i haawi mai, a Nana no e lawe aku e hoomaikaiia Kona inoa. * ' Ke haawi pu nei i ka hoomaikai Lunahooponopono ame na keiki hooniniu hua kepau o ka papapai. O maua iho no me na waimaka, MR. AME MRS. J. H. I. KEALOHA. Taia, Maui, Mei 30, 1917.