Ka Nupepa Kuokoa, Volume LV, Number 22, 1 Iune 1917 — KUU MEA ALOHA HE KANE UA HALA [ARTICLE]

KUU MEA ALOHA HE KANE UA HALA

Mr. Lunahooponopono, ka Nupepa Kuokoa, ke Kilohana Pookela o ka Laliui Hawaii, Solomon Hanohano:—E ae mai ia'u kou puuwai opio ahonui, no'u hoi a no ka'u wahi puolo hoi kekahi wahi keena kaawale o ka papa oneki helu elua o kou kaa Uwila holomama, a nana hoi ia e aha 'imama aku, a hoea i na Welau o ka Hikina a pulelo loa aku hoi i na weīau o ke Komohana; a na o'u mau kini makamfika hoi ia e ike mai, na hoaloha hoi ame kā ohana o kuu mea aloha he kane ua wehe, ua hookoo i ka pili a maua; aia la ke naue la i ke ala polikua a Kane e booipo ana hoi me Malio, e walea ana 110 paha i ka puni no ana i ke kui ohelo papa; a haalele iho la kela ia'ii me ka ukana luuluu he waimaka e paiauma aku nei nona, no ka mea, o ka'u !"a e haha ae nei, aole iho nei oia. Imi au ia oe e ke aloha, aoT6 'iho nei oe, ne, ua hala, ua nalo, ua 1 puanuanu ka hale, aohe kanaka oloko. ,; Ae, e Kohala aina kaulana i ka makahi Apaapaa aole na maka o kuu mea aloha he kane e kilohi ha-lo a makaikai h'hu i kou mou aekai nani, no ka mea, ua lilo oia i kahi manu kiko wiiipua o ka uka o Olaa, ua paweo na makā, aohe ike wale mai. .

Ae, e Hamakua e i ka makani BD6kololio. aole loa kuu aloha e kiei ho\i i kou mau kualono uliuli lipolipo, no ! kg. mea, ua eena ka manu i ka noho i ka uka anoano o Paliuli, aohe e paa ia'u ke hopu lima aku. Ae, E Hilo Hanakahi hoi e i ka.Ua Kanilehua, aole, aole loa na kapuaiwawae o kuu mea aloha e hehihehi hou i kou mau lihione opiopio. no ka mea ua haalele i Puna na hnaloha, ua imi aku la ia Papalauahi.

E Puna paia ala i ka hala, i ka lae hoi o Kumukahi i ka pukana a ka la ma Haehae, e aloha mai hoi ia'u, no ka mea, ua haehae ke aloha a kuu kane i kuu manawa, a nani no ia'u e kuwa i ke ala me ka waimaka. Luuluu wale!

_E Hopoe i na ale o ka moana, aole kuu aloha e hoolei hou ia oe i na oiwili hala o ka aina o kaua, ua hala ua kaawale oia mai ia" kaua aku, heaha la ka kaua hala nui ana i makawelawela ai ia kaua, ae, he hookahi no hala nui he aloha he ukana luuluii hou i:a ka

puuwai, e uumi iho ana au e nalo, eia nae haina ia ae e ka waimaka.

E Kau Makaha, e ka mea nona keia ioa kaulana; Kau Palahemo, ua hemo ua kaawale, ua moku ke kaula gula a'u i awaiaulu iho ai'a paa me kuu aloha, ua pau hoi kona m&alo hou ana ma na papalina o kou mau huna lepo aloha, no ka mea, aia paha la i ka uka 'o Uwekahuna, e nanea ana paha i ka nana i ka luahine o ka lua. Ua hala ke aloha, ā naue pu no me ka ano'i.

E Kona i ka lai e, Kona Kaiopua i ka la'i, Opuahinano ua malie, 6 ko luhi milimili hoi a ke kupuna let«a-i hoi a ka makua, ua haalele mai oia ia oe, ua hooko-o mai hoi ia'u i ka hoapili o ke anu, ka wela hoi ame ke koekoe, mea wela hoi o ka umauma. Ae, -nau ponoi no e Kona ke Kama, he Kamahuieu hoi na Hiku, ka mea nona ke kawelu holu o Lanihuli, e huli wale no oe ame a'u aohe e loaa ko Kama, ua lilo ia Halaaniani aia, aia la i ka eheu o na manu me Laieikawai, e walea ana paha me na kaikuahine o Aiwohikupua, i ka hoolohe i ke kani hone o ka pu la-i a Kahalaomapuana; mapu ke aloha o kuu kane i kuu puuwai, e hoonana wale ae nei no, pehea la ia e pau ai. <

Aloha oe e Moku o Keawe kahi a kuu aloha i hele mai ai a k>aa au i ka mokupuni Kailila i ka Mole o Lehua. Ae, aloha moku o Kama, ka mea nona ka oi o na mokupuni, e Maui e, o oe, o oe wale no ka oi o na mokupuni, ka heke hoi o na ailana aole kuu aloha e kaahele hou ma kou mau alaloa ame na alapoko, no ka mea, aia no na wahi apau a na kapuai wawae a kuu aloha i hehi ai lee waiho la no, Aloha wale! E ka Moku o Kakuhihewa e, ka mea nona ka haha hewa i ka papai, aole oe e ike hou ana i kuu kane aloha, no ka mea, ua pouli poele kukui o na hale, ua hoohewahewa oia ia kaua, ua palale ka lehelehe he namu ka olelo; aia me oe kuu aloha, aia i ko poli kahi hoopue ai, he pupue anu paha, no ka mea, aole ke aloha ma ka aoao, ka mea e mehana ai. E Manookalanipo e, ka mea nona ka Maikai Kauai Hemolele i ka malie, kfipu kilakila i ke poo o Waialeale, e uwe aku ana au ia oe, no ka mea, o ke aloha a kaua ke hoi a kaua, ua haalele mai oia ia'u, a o kau hoi ia e haawi iho ai i ke aloha o ke kane a kakou, ia' mau hoahanau o kaua, mai Haena, i na Hala o Naue, a i*ka uka hoi o Ke-e, haule mai hoi i Hanalei i ka Ua Loku, kiei mai hoi ia Kalihiwai ame Klauea, kaalo hoi maanei'?o Anehola, i ka pali o Kalalea, halb iho hoi ia Kealia,; hoeia hoi i kā laUlā o Kapaa i ke keenalu o Makaiwa, i ke Kalukalu hoi o Kewa, i ka uka o Pihanaakalani, i na wailele o Waiehu ame Kawelawai huli maanei o Hanamaulw i kti Papaleoomo, nana wale iho hoi ia Kapaia, ia wahi pokii o kaua, mai poina hoi ia Lihue i Malamanui, nana wale iho hoi ia Kapuali ame ke' Kukuipoahaaha o Hulaia, nana aku hoi o ka Ua Noe o Koloa, hoapili o Lawai ame Kalaheo, hoopapa wale iho hoi oe ia Wahiawa ame Maialoa, kauleo pu iho hoi ia Eleele ame Hanapepe i ka uka o Koala

a?ne Manualii. Ae, mai nauauiuka wale iho hoi oe ia Kekupua ame Hooanuanu, aia no ia wahi hoahanau o. kaua ilaila, i kahi kahawai o Muliwaipalaoa, nana aku oe ia Makaweli ame* "Waimea hoapili hemo ole o ka Waiula ame ka Waikea, huli aku oe i ka palahalaha o Kekaha wai opu nui, haawi wale iho hoi i kahi anoai ia Kaunulewa ame ke Kukuilaunuiokona, ahonui mai no oe ia kaua o ka puni aku no hoi koe o ka aina o kaua ia oe i ke kaahele ia i ke aloha o ke kane a kaua, hiki oe i ManaM ka Waili-ula i na kauhale liilii o Kinaloa i ke Onekani o Nohili i ka Pahapaha lei o Polihale, kiei wale aku hoi oe ia Milolii ame ka Puu o Ahi o Aneki, ha-Io a nana aku hoi oe i ke Alahaka o Nualolo ame Koamano e prioe la. i kahi moana o Pipi, huli ae hoi oe Kalalau i na Ko a ka Aalahina i ka Puu o ahi o Kamaile.

Ae, pau aku la, aloha ka ua ame ka makani, aloha na la welawela o ka Makalii, aloha hoi na la puanuanu o ka hooilo. Luuluu wale ke aloha o kuu kane i kuu houpo!

Ma ka hora 4 p.'m. o ke Sabati Mei 6, 1917, e aneane aku ana no hoi i na hora anoano li'ula o ke ahiahi, i pauaho mai ai i keia ola ana kuu mea alohn he kane Peter Keoahu Pamaiaulu ma ko maua home ponoi ma Ilaniwai, Kewalo. Ua hanauia oia mai ka puhaka mai o Kamauu (w) kona luaui makuahine ame Keoahu (k) kona luaui maknakane, ma Kohanaiki Kona Akau, Kailua, Hawaii, i ka malama o Mei 3, 1863-a ua piha iaia na makahiki he 54 ame 3 la o ka hanu ana i na ea oluolu o keia ao, a moku iho la ke kaula &Uhd-iiiiaemae o ka berita mare mawaenh'" bria ame a'u, a ko iho la ka olelo aka Bukc Nui. Hoi ka lepo i ka iepo< a o ka uhane hoi i ka mea nana i haawi mai. He nui no kona mau hoahanau, eia na'e, ua pau e aku lakou i ka hala mamua, ma ke ala hookahi no a kuu aloha i hele pu aku la, a koe kona pokli kaikaina, oia hookahi wale iho la no koe ame ka ohana.

He kane aloha wahine, he makuakane hoopono oia no ka home, lie heahea a puuwai hamama oia i ka poe apau e kipa aku ana imud o kona alo. aole o ia wale, he mea nui kana poe keiki apau iaia ame na moopuna, ua pili wale ia no na wahi apau o Honolulu nei v a hoea loa aku i na Koolau. he mau hoaloha lehulehu kona ame na halekipa. He haipule oiaio oia no kona Ekaleaia Kalawina, a he lima kokua hoi no na hana laulima iloko o kona hoomana, a he makua hoomanawanui ma ka hana, mnmuli o kona hoomanawanui, i kona haalele ana iho la ia'u ma keia ao, aole loa au i hemahema. he home kana i hoomakaukau no'u do kahi a ko'u mau wawae e ku ai, a pela hoi me kahi waihona no ka malamr ana mai i ko'u ola ame na keiki a moopuna a maua. * He hanalima mikanika kana hana mai kona mau la opio wale mai ahiki i kona pauaho wale ana mai la, a oia kekahi o na limahana kahiko loa iloko o ka Honolulu Iron Works a ua komo a lilo oia i hoahanau no ka Hui Uniona o na poe Limahana Mikanika, o ia hoi. ka Ahahui International Union, No. IG4, Honolulu Iron Workn Moulder; a he lala ku oiaio oia no keia hui a na haole, he hoahanau hoi no ka Ahahui Oiwi mai ka malama mai o Maraki 31, 1902, ame ka Ahahui Poola ame kekahi mau Ahahui lehulehu wale ana i komo ai, He hooko pono hoi i na rula ame na Kanawai o na Ahahui.

Nolaila, ma ko'u aoao ka mea i hoehaeha ia me na haawe kaumaha o ke aloha kane, ke haawi aku nei au i ka'u mau hoomaikai palena ole i na ahahui a kuu kane aloha i komo ai, no ka oukou mau hana aloha ia'u no kuu mea aloha, a pela hoi me ka oukou mau makana pua i papahi pu mai ai ma kana huakai hope loa, a pela hoi me na hoaloha, na lakou mai keia mau makana pua: Mrs. M. R. DeCaires ame Mr. ame. Mrs. J, Janett, ame na hoaloha no apau i haawi mai i ka lakou mau makana pua. ame ka ohana e lawe aku i ka'u mau hoomaikai me ke aloha pu iloko o ko knkou Haku kiekie loa ma ka lani, a pela no hoi me na kaa hoolewa, ke haawi pu aku nei au i na hoomaikai i na hoaloha na lakou ia mau lima kokua o ke aloha. Nolaila, o ka'u ia e hoomaikai ae nei ma ka inoa o ko kakou Makua lani, no Kona haawi ana mai ia kakou i na hooluolu ame na hoomaha ana, nolaila he mana Kona ma na lani kiekie loa, he malu hoi ma ka honua nei, he aloha i na kanaka. Ke hooki nei au me ka. mahalo nui i ka Lunahooponopono ame na keiki hoonoho hua o ka papapai, Owau iho no me ka luuluu, MRS. KEALA P. K. PA. Ilaniwai St., Kewalo, Honolulu.