Ka Nupepa Kuokoa, Volume LV, Number 21, 25 May 1917 — HE LEKA HOOMAIKAI [ARTICLE]

HE LEKA HOOMAIKAI

I na makaainana koho baloka o ke Kalana o Hawaii:—Ma keia, makemake au e haawi aku i ka'u mau hoomaikai ana a nui i na makaaitiana i hookipa mai ia'u, me ka hauoli ame ke ohaoha, ma ka'u huakai hele aku nei imua o oukou e Hawaii Komohana ame Hawaii Hikina. Oiai mamuli o ka liaiki o ka manawa, aole oukou apau loa i lohe i ko'u leo, aka, o na makaainana i lohe i ko'u leo ma Hawaii Komohana ame Hawaii Hikina, ua hoike mai oukou ma na heluna baloka a'u i ike iho ai, ua lawe oukou i ka'u mau olelo a ua manaoio oukou ia'u. No ia mea ke hauoli nei ko'u uhane i keia la, a no ke kumu ua hoike ae oukou ma ko oukou mau'baloka, ua pau ko ou*kou h-ilinai ana i keia mau mahoe a i elua, a eia oukou apau loa ke kau mai nei ko oukou mau maka maluna o ka oukou kauwa haahaa loa. nei. Ke haawi hou aku nei i ka'u mau hoomaikai ana ia oukou, o na makaainana koho haloka apau o ke Kalana o Hawaii ame' ka Oliana- o ka home. Owau no me ke aloha, ka oukou kauwa haahaa loa, BERNARD KELEKOLIO. lainamakaainana, Hawaii- Hikina. —: Ma ka Poakolu o keia piile ae ka La Kau Pua, e hoomaha ana na keiki o keia keena ma ia la, oiai he la kulaia aupuni ia. ■