Ka Nupepa Kuokoa, Volume LV, Number 17, 27 April 1917 — HE WAHI MA'I HOI KEIA E PAHOLA NEI I KA AINA [ARTICLE]

HE WAHI MA'I HOI KEIA E PAHOLA NEI I KA AINA

E Mr. Lunahooponopono, ina paha ia e hiki, ahiki ole o ka mua i loaa o ka maua moopua 4, o ka hunona aku, 0 ka maua moopuna 5 aku o ka maua kaikamahine, 13 makahiki, a owau pu no hoi kekahi o ke ano o keia ma'i, he kunu holo apuni ka eha, umii a pana ma ke poo, a pii mai ka naenae a nonolo ka puu, au e koho iho ai he ma'i ha-no, mailoko mai no o k.e anu lee lta* kau nei a'u i keia wa, he ma'i no ko'u, aole no i ola keia poe i loaa, eia no ke moe mai nei o ka alani ame ka wai kahi mea hiki o ka poe opio, e moe ana lakou me ke komo ole hookahi mea, a hala ka pule, ke komo ka alani, he hoailona ia e ala mai ana. He puhili ka huaale a ke kauka, me ka malama pono wale no. Hoonaha ka aila, hoopulo'ulo'u, a upi mau, mawaho ae keia o ka ke kauka, ina paha 1 loaa kekahi i keia ano ma'i ē pono e malama, lahilahi mai ka hele ana, pomaikai, ina i pau pono nai ka hele aUa i nui ke aho o ka poe opio ka'u hoomanawanui. Ua ike mua paha kekahi poe i keia ma'ilele ma ka ea o ka aina. Ko Laie mau hanau hou i lohi loa keia hoike o ia keia: Hanau na Mrs. Emele Naihe, he bebe kane, Maraki 29, no Laie nei. Hanau na Mrs. Helene Nahulu he bepe (w), Aperila. Hanau na Mrs. Hiku Jamea ha bebe (k), Aperila 2. Hanau o' MrB. Hape Pononui, Aperila 3, 1917. Pehea ana la kuu wahi hoaloha oiaio, Sam Kamakaia i ka wa e noho lunahooikaika ana, no Satana, ua hala ia mahope. Ke kakoo like nei kaua i ka pono—ke pii nei o Laie he mau haneii o na opio, mai kanalua oe ia Hawaii uuku, e hiki mai ana he hauoli nui no kaua, elike me lakobo i noho ai me kana ohana ma Aigubita, a piha he mau haneri tausani, a hoihoi ko Akua i Kanaana ina e mau ko lakou hoolohe, a hoopono, ua mau no ka pii ana, e hooulu ana i ka Euanelio mau loa i ko kar Hale o Iseraela, oiai he 79 makahiki i koe pau ka Poaono o ka Honua, a Sabati aku ka honua. J. A. KAHIONA. j