Ka Nupepa Kuokoa, Volume LV, Number 16, 20 ʻApelila 1917 — KOMO KOLOHEIA KA HALEKOA MA KILO [ARTICLE]

KOMO KOLOHEIA KA HALEKOA MA KILO

ī kulike ai me keka^imeahou mai Hilo mai, e hoakaka ana ia, i ke komo ia ana ae oloko o ka halekoa o Hilo, e kekahi mea kolohe, eia nae o kahi o ka laki, o ia no ka ole o kekahi poino, a ua holo aku kq kololie i ka wa pono loa, mamuaMū lāa hoea ana mai o na makai, e paa ai oia i ka hopuia. Iloko o keia manawa onene o ka aina, ua hooholo ae ke komite maluhia o Hilo e hoonohoia he mau kiai hale oihana, no ka makaala ana, mai ka hoopoinoia aku e ka poe manao kolohe, a ua koe ka halekoa, aole he fnau kiai i hoonohoia. : O ke kanaka pulumi hale, wale no ka mea nana e makaala i ka halekoa> a ma kela po Sabati, ma ka hora umi oia i haalele iho ai i ka halekoa, me ke pani ana i na puka a pau, aka nae, iaia o ka hala ana mai, ua hoea aku la ke kolohe, a kukulu he pahu malalo ae o ka puka aniani, a ma kela puka aniani i komo aku ai ka mea aihue iloko o ka halekoa. He elua mau hoaloha o ke kanaka pulumi hale, i ike i ke konmo ana o ke kolohe iloko o ka halekoa, he mau mea no i kauohaia aku e ka mea pulumi ihale, e makaala i ka halekoa, i ko laua ike ana i ka mea aihue, he hookalii o laua i holo aku e kii i ka mea pulumi hale, a noke ae la hoi kekahi i ke kahea, o ka wa no ia i oili hou mai ai o ka aihue iwaho, a holo aku la a nalowale, me ka paa ole i ka hopuia. Ua hoopiolokeia aku ka noonoo 6 na makai i ka wa i hoea aku ai o ka lohe, no komo aihue ia ana oloko o ka halekoa, a hoouna awiwi iit aku la na makai ilaila, ua hala e aku* nae ke kolohe.