Ka Nupepa Kuokoa, Volume LV, Number 15, 13 ʻApelila 1917 — EHA I KA EHA LIMA OLE A KE ALAOHA. [ARTICLE]

EHA I KA EHA LIMA OLE A KE ALAOHA.

I ka Lunahooponopono o "ke Kuokoa, Anoai kaua: —E oluolu oe e hookomo iho ma kahi kaawalo o kau Elele Ahailonolono i ka maua.wahi kau ne la-maluna. Me ka naau i mokumokuahua i ko aloha, ame ka minamina no hoi i ka maua lei moopuna Benjamin rascal Jr. ua hala, ua nalo, ua pau ko iaaua miHmili ana iaia, ua mae ka pua i manao ia nana e hoohauoli mai i ko maua mau h\ hapauea, auwe lihalilia wale! He ekolu wale no la i hoomaopopo ia ui ka ma'i maluna o ka maua lei, a hala wale aku la no, i ka la G o Maraki i ka hora -3:30, o ka wanaao. Ua hanauia mai ka lei moopuna ii maua mai ka puhaka mai o Benjamin Tascal ame Ida Kaualoku i ka la 24 o Okatoba, 1915, a ua piha iaia ka hookahi makāhiki, eha mahina, ame umi la ma keia ao inea a kuu aku la, moo i ka moe kau a moe hooilo. Wahi a loba, "0 ke kanaka i hanauia e ka wahin<?J he hapa kona mau la, a ua piha me na ptfpjlikia." Nolaila, aohe mana, aohe ike e ae i ka lu 0 ka Haku e lioea mai ai. E hoomaikaiia ka Makua Maua loa, ka Mea nana i haawi mai, a nana no 1 lawe hou aku, aohe mana ma ka honua e hiki ke paa mai, E hauoli a e hoomaikai mau ia Kona inoa, ame Ko> īia mana. Ke hoomaikai nei maua i ka ohana ame na hoaloha i akoakoa pu mai me maua iloko o ko maua la o ke kaumaha a me ka lakoū mau makana pua no ka hoohiwahiwa ana i ke kino lepo o ka niaua moopuna hele loa. O maua no, me ke alōlia paumako, PETER PASCAL, MRS. A. M. PASCAL