Ka Nupepa Kuokoa, Volume LV, Number 15, 13 April 1917 — MALAMAIA HE ANAINA PULE MA PUOWAINA Hoomanaoia ke Ala Hou Ana o ka Haku e ko Honolulu Nei Mau Ahahui PIHA KELA ANAINA WE NA MANAO ULUMAHIEHIE Akoakoa na Ahahui Lehulehu Maluna o ka Piko o Puowaina me ka Bana [ARTICLE]

MALAMAIA HE ANAINA PULE MA PUOWAINA

Hoomanaoia ke Ala Hou Ana o ka Haku e ko Honolulu Nei Mau Ahahui

PIHA KELA ANAINA WE NA MANAO ULUMAHIEHIE

Akoakoa na Ahahui Lehulehu Maluna o ka Piko o Puowaina me ka Bana

Mauka ae nei o ka puu o Puowaina, ma ke kakahiaka o ke Sabati aku la i hala, i malamaia ae ai he halawai haipule kakahiaka, e na ahahui like ole o ke kulanakanhale nei, no ka hoomanao ona, i ke ala ana o ka Haku, mai ka ma*ke mai, he anaina hoi ,i hoea aku mawaena o ka hookahi kaukani me ellma haneri ame ka elua kaukani. 0 keia ka halawai nui hookahi i ike ia ,oiai no nae, he malamaia no ka halawai haipule kakahiaka hoomanao na keia la, ma na makahiki aku nei i hala, he kakaikahi loa nae ka poe i hoea aku raa ia mau anaina, o keia ke anaina nui hookahi, a e oi aku ana paha i keia mau makahiki ae, ina e mau na manao ohohia iloko o na ahahui no keia ano hana. Malaila ae ka bana puhiohe Hawaii ame ka bana o na koa, kahi i laulima pu ai ma na hana o kela anaina haipulq hoomanao, pela hoi me ka Mei.i ame kekahi poe koikoi oloko nei c ka aina, me ka loaa maoli o na manao ohohia i na mea apau no kela hana 1 ka hoea pono ana ae o ka manawa i ka hora ehiku o kela kakahiaka, i hoomaka mai ai ka Bana Hawaii e paani i kekahi mele haipule, a ia kuu ana iho o ka lakou paani ana mai, ua pana'iia aku la e ka bana o na koa, a ma ka pau ana o ka paani ana a kela bana, i lawe ae ai o Frank S. Scudder i ka hoomalu ana i kela anaina. He elua mau himeni i meleia aku o ke analna, me na manao ulumahiehie o ka piha hoi'hoi, malalo o ke alakai ana a Bev. Akaiko Akana; alaila alakai mai la o C. J. Day i ke anaina ma ka heluhelu i kekahi mau pauku oloko 0 ka Palapala Hemolele, me ka pualu like o ke anaina ma kekahi wahi, alaila pualu like na mea apau i ka pule a ka Haku. I ka pau ana o ka pule, ma ka pualu like ana a na mea apau, i mele mai ai na haumana o ke kula Mills i kekahi himeni, malalo o ke alakai ana a ka Rev. Akaiko Akana. Na Mr. Horn i haawi mai i kekahi haiolelo hooni uhane, e pili ana i ke alaihou ana o lesu Kristo mai ka make mai; e hoakaka piha ana hoi i ke ola ana o Kristo, mai kona manawa mai he umi-kumamalua makahiki; e hooko'iko'i ana hoi i kana kamailio ana, no na ehaeha ame na kaumaha, i auamoia e leBu, oiai oia i ka mala o Getesemane ame kona kauliaia ana ma ke ke 'a ma ka puu o Kalewale. Ma na ano apau, ua maluhia aiaoli kela anaina haipule i malamaia, a aole hoi he mau hookeke, a he mau mea mai*kai ole i ikeia, aka ua ku i ka nani, me ka maemae na mea i -hanaia ma kela kakahiaka, e lilo aku ai i hana maa, ma keia hope aku. — Ma ka po o ka Poaha o ,ka pule aku nei i hala, mahOpe iho o ka loaa ana mai o ka lono kelekalapa i keia kulanakauhale, no ke kaua mawaena o Amerika me Kelemania, i kaa koke ae ai na mokuahi Kelemania maanei nei, malalo o ka hoomalu ana a ka oihana koa, a ua pau na aliimoku ame na luina i ka hopuia ne ka hoihoi ia ana aku maloko o kahi hoomalu o na limahana, malalo o ke kiai ana a na koa. »« i O George W. Kauiaaakaole kekahi moho e alualu ana no ke kulana lunaI kiai ma ka aoao Demokarata mai ka j Apana Elima mai, elike me ka lono I oiaio i hoikeia mai.