Ka Nupepa Kuokoa, Volume LV, Number 12, 23 March 1917 — HE LEKA HOAKAKA. [ARTICLE]

HE LEKA HOAKAKA.

Ma ka.pule aku nei i liala, aole he loli o ke kulana ma na mea e pili ana i ka waiubata ame na huamoa o na mokupuni. He nui ka makemakeia o na huamoa, nia kahi o ke 40 a 43c. No keia manawa, ua olohelohe maoli ka makeke i na moa, a ina e hoounaia mai ana na moa i keia mau la aku, aole ana e nele ka pau koke i ka lilo. O na meaulu maka, elike me ka papapa (string), pi, kulina, ohia ame ke ka'ukama/ lie nui ka makemakeia. lla emi iki mai ke kumukuai o ka laiki, mamuli mai o ke eni o ke kumukuai o na laiki ,o Kaleponi ame lapana, e hoOkomoia mai nei. He mea kanalua ole ka olelo ana ae, ina aole e loaa ana he mau kokua ana i ka poe kanu laiki maanei nei ma keia mua aku, kekahi o na oihana ano nui iloko nei o ka aina, e ualohia aku ana ia, a e kupilikii ana na ona, o na aina kanu laiki, ka poe e uku nei i na uku hoolimalima kiekie, mamuli o ka maopopo ōle i ke ano o na mea e kanu aku ai. O ka nalohia ana aku o keia oihana, o ka nalohia pu ana aku ia o kekahi o na ai ano nui o Ha-

waii nei, e halawai ai ka lahui me ka pilikia, i ka \va e holo mai ai na Hawaii nei ponoi iho, e hanai i kona mau kanaka. Ua ili aku ke koi'ko'i maluna o na kanaka o keia Teritore, ka hoohoilioi ana i keia oihana kanu laiki maanei nei, ina no ia he inau keneka oi hou ae ka pii imua o ka mea a lakou e uku ana i ka laiki o Kaleponi. E hoomanao e hoea mai ana no he manawa, e hiki ole ai ke kuai aku i na laiki maiwaho mai. O ka loaa ana o kekahi ike, ua J»«wa he laiki maanei nei, iloko o ka manawa o ka pilikia, he mea hooluolu mai ia i ika manao. Eia ma ka makeke nei he nui wale o na pu, me ke kumukuai makepono. na kahi o ka 2 ame 2% keneka o ka paona. Oiai aoie he mau pu kini s o ka makeke i keia manawa, aole he kanalua ana no ka liikiwawe o ka pau o keia mau pu. me keia kumukuai makepono. Eia ka makeke ma ke kulana maikai loa iloko o keia manawa, a ua hiki ke malama i kekahi huina nui o na ano meaui like ole, ame na i'o holoholona. Ke pii hou ae nei ke kumukuai o ka ai a na holoholona. A. T. LONGLEY, Lunanui o ka Makeke.