Ka Nupepa Kuokoa, Volume LV, Number 12, 23 March 1917 — NA MEAHOU O KE KAHUA MA'I. [ARTICLE]

NA MEAHOU O KE KAHUA MA'I.

Ma ka la 10 o Maraki, ua lele he Pukiki i ka pali i loaa ole ka inoa i ka mea kakau. Penei kahi moolelo i hoikeia mai i ka mea kakau: Ma ka la i hoikeia, he la feabati ia, ua. hele aku la kela pukiki i kekahi mea ilio, no ka pii pu ana i ka pali, no ke alualu ana i kekahi .kao kane nui ana i ike mua ai, oiai, ua paa mua mai he mau kao, kane ame wahine, a ke paa nei ia mau kao, o ke kao i koe he hao i oi ae kona nui i na kao i paa, nolaila ua makemake ]oa ikela keiki Pukiki e loaa kela kao. Ma ke kakahiaka, mahope o ka pau ana o ka aina kakahiaka, ua hooaiakaukau no ka pii ana, ua au'a aku ke kaikuaana, aole e pii ,aole nae he hoolohe ia mai ka leo o ke ola; ua hele aku la no; ua alualu no nae ke kaikuaana mahope ahiki i ke one o Pauhi, noho oia ilaila, nana i ka pii o kona pokii, oiai he paalole kona e komo ana. Ua ike aku no kela kaikuaana i ke alualu ana o ka ilio i ke kao, aole nae i maopopo i ke kaikuaana, o ia paha ke kao a kona pokii i mak&make ai, o kana mea i ike aku o ka lele ana mai o kona pokii a liaule i kekahi wahi, ike aku la oia i ke ala ole ae, manao iho la oia ua make. Ua hoi aku oia ihope e hoike ai i ka nuhou hookaumaha noonoo, a ua pii aku ka oihana makai me ka lehulehu o na ma'i, a i ana o ke kino make, | e lei ana no i # ka a-i ke kaula, ama ke j poo ka eha ku)tonukonu i make ai, la- | weia mai ahiki i kona home. He ma'i i oia no ka moku hope mai nei, he elua I laua. | Ua weheia iho nei he ahamele ma | Kalaupapa Social Hall, ma ka la 14 o Maraki, e ka hoomana o na La Hope; he ahamele no ka pono o ka luakini o I ia hoomana, e ku nei ma ke kahua ma'i j nei; a no ka loaa ole mal o Ra pepa hoike o na hana, aole ka mea kakau e huai pau aku i na mea i hanaia, a ma ka mea a ka mea kakau i hoomaopopo ai, ke hoikeia aku nei no ka poe heluhelu o ke Kuokoa.

Ma ka hora 6:30 p. m., ua weheia na •hana ma ka hoolauna ana mai a ka lunahoomalu o na hana o ka po, Mr. Abr. Paniani i ke anaina ,a i ka pau ana o na olelo hoolauna a ka lunahoomalu, ua pii ae ka paku, a ikeia aku la ka poe e ku mai ana, me he mau moa uakea la, e ku mai ana iwaena i ohu i na wehi o ke kuahiwi ,e hoomalamalamaia ana e na kukui uwila o na waihooluu like ole, e hoopuni ana i kahi o na hana, ua hopio ia na kukui e ae; he nui ka nani; pa'ipa'i nui ia. He mau himeni-kū pa-kahi, pa-lua, a pela aku; na hookani pila o na ano like ole; he tabalo no Liliuokalani; na pualikaua o Tureke me Pelekane. O ke tabalo no Liliuokalani, oiai oia e noho ana i kona nohoalii, e luhe ana kahili ,e mele ana na haia wahine; he nai ka nani! O ke tabalo hooipoipo ia mea nani, oiai hoi ka wahine (Annie Davies), ma kekahi aoao, a o Hoolapa Liilii ma kekahi aoao o ka awai, aia he boke pua ma ka lima o ka wahine i hoopiliia i 1 kona puuwai; na ka wahine i huli hele mai me ka himeni ana a loaa ke kane a noho pu; nui ka nani! He mau tabalo e ae no, me ka nani no, a he mau hana hoomakeaka, a he nui wale aku i pau pono ole i keia makapeni. He poe Tureke ma ko lakou home, ua komo mai ka poe Pelekane a lawe pio ia, ua komo mai na Pelekane me ko lakou aahu ulaula, me ka pahi e nuku | peu ana; pa'ipa'i nui. ia. Ua loaa mai la ka lono i ka mea kakau, ua lawe ae la ke Senatoa Baldwin he $15QP no na wawae ku 'i o ka poe 'wawae poomuku o ke kahua ma'i nei; he kumuhana a ka mea kakau i waiho aku ai i ka lialawai niakaainana o ke kahuna ma'i nei, e noi ana i ka ahaolelo i $1000, i kū-eia mai e ka poe aloha ole i ka poe wawae ole, aka, he okoa ka ke Akua alakai ana, a hookomo ae la i ke kanaka opu aloha, a hoikeia mai la ka lono hoohauoli, oial o ka mea kaAau, he muumuu oia. Ke haawi aku nei i na hoomaikai ana i na mana lani. Kou oiaio, S. K. MAIALOHA, Maraki 16, 1917. . .