Ka Nupepa Kuokoa, Volume LV, Number 12, 23 Malaki 1917 — KA HANA A KA INO MA MAUNALUA. [ARTICLE]

KA HANA A KA INO MA MAUNALUA.

Oiai o ka ikaika o ka haule ana o ke kuaua, a o ka halana ia o na wahi haahaa ka pilikia, a ko ke kulanakanliale nei poe i ike ma ka Poakahi nei, ame ia po ana iho, o ka ikaika hoi o ka pa ana a ka makani ka mea i ikeia ma Maunalua ae nei, ke hele la a pakele wale iho no ke ola o kekahi poe mai ka make mai, mamuli o ka hiolo ole ana o ka hale. Iloko o ka nanea i ka pa'uhia i ka hiamoe ma kela po Poakahi, me ka noo« noo ole ae i ka pilikia ame ka poino, i puhiia aku ai ka piula oluna o kaupoku 0 ka hale o kekahi kanaka Hawaii ma* laila, a lele aku la no kahi i ole, a na ka malamalama o ka uwila, o ka olapa ana ae, a pa aku la maluna o ka mea e hiamoe oluolu ana iloko, i haawi aku i ka ike iaia, ua hamaaaa oluna o kaupoku o kona hale. He manawa ia no na manao pioloke, no ka pilikia, eia nae malaila iho la no, pau ka hana a ka makani maluna o kona liale, a i ke ao ana ae, i hele aku ka hana e huli i kela piula aole he loaa iki; ua manaoia nae ua puhiia aku e ka makani a haule iloko o ke kai, ma kahi he ekolu paha haneri i-a ka mamao. Aole nae kela o ka poino wale no a ka makani i hana aku ai i na kauhale ma Maunalua, aka nia kekahi hale okoa aku, he hale hou no o ka hanaia ana, aole i loihi ae nei, ua honee pu ia ka lanai o ka hale a kaawale mai ke kino aku, he mau kapua'i ka mamao, a ku olohelohe wale mai la no ke kino o ka hale nona iho. He eha ka nui o ka poe e hianaoe ana maloko o ka hale ma kela po, o kahi nae o ka laki, maloko no lakou o ke kino ponoi mai o ka hale kahi i hiamoe ai, a o na ukana lehulehu ame na meaai, o na ukana ia o kela lanai, o ia mau mea apau, ua hiolo aku a hiolo mai; a he hana nui hoi ka hoihoi hou ana ae i kela lanai a pili me ka maikai, elike me ia i kinohi. j 0 ka lokoi'a keia o Maunalua, ua na-! ha pu i ka wai ,a ola na kanaka o ia j Kaha ma ke ao ana ae i ka Poalua, i ka hele e hopuhopu i na amaama, ame ke awa, elike me na mea i hoikeia mai 1 keia keena. O kekahi mahele wale no nae keia no na poino a ka ua ame ka makani i hana iho ai i kela mau la aku nei, me he mea la, he mau poino like no o ia ano hookahi i loaa aku ma kekahi mau wahi e ae.