Ka Nupepa Kuokoa, Volume LV, Number 11, 16 Malaki 1917 — POKE IA KA MANA HOOKOHU O KE KIAAINA [ARTICLE]

POKE IA KA MANA HOOKOHU O KE KIAAINA

Ma ka'hooholo ana o ka hale o na lunamakaainana i ka bila i hookomoia ae e ka Lunamakaainana Paschoal, ma ka holuhelu ekolu ia ana, ma ka Poalima aku nei i hala, e pili ana i ka mana hookohu o ke Kiaaina, i na hoa o ka papa lunakiai, i ka wa e hakahaka ai, ua kailiia mai la kela mana i haawiia iaia malalo o ke kanawai, a komo aku la ia mana iloko o ka lima o ka papa lunakiai, ke lilo keia bila i kanawai. Ma ke kanawai e ku nei i keia manawa, i ka wa e hakahaka ai kekahi wahi iloko o na papa lunakiai o na Kalana o Hawaii, Maui ame Kauai, ua ke Kiaaina e hoopiha ia mau wahi hakahaka; oiai nae, ma na mea e pili ana i ke Kulanakauhale a Kalana o Honolulu nei, ua haawiia kela mana hookohu i ka Meia, me ke apono ana mai o ka papa o na lunakiai. Ua hookomoia ae kela bila kanawai e ka Lunamakaainana Paschoal, e poke ana i ka mana o ke Kiaaina, mamuli o na mea oiaio i ikeia, ma ka wa i hookoliuia aku ai o Kauka Raymond, i hoa no ka papa o na lunakiai, i ka wa i waiho hakahaka ai kekahi noho o ka papa o na lunakiai, mamuli o ka waiho ana mai o ka Lunakiai Pali i kona noho ana he hoa no ka papa, a hookohuia aku Ia o Kauka Raymond, oiai nae ua alualu o Kauka Raymond i kela kulana ma ke koho baloka' a haule. Ma kela bila o ka hooholoia ana, e hoakaka ana ia, ina o ka manawa i koe, 0 kekahi hoa o ka papa o na lunakiai i liaalele mai ,a i pau paha ma kekahi mau ano e ae, he hookahi makahiki ia, a o iakui.paha, alaila o ke koho hou ana 1 kekahi mea, e pani aku ai ma kona makalua, ma ke koho baloka ana oo ia, ma kekahi koho baloka kuikawa e malamaia ana; aka hoi, ina ua emi iho malalo o ka makahiki hookahi. ka manawa i koe; o kela hoa o ka papa o na lunakiai i waiho hakahaka ia, alaila o ka papa no o na lunakiai ke kuleana e hoopiha ai ia makalua. Ua lokahi ka hapanui o na hoa o ka hale, ma ka hooholo ana i kela bila, a oiai nae, he bila kela i pili loa aku i kekahi mana o ke Kiaaina, ua oiliili ae na manao kohokoho, no ka vito aaai o ke i ua bila la, i ka manawa | e hoea aku ai imua ona. I