Ka Nupepa Kuokoa, Volume LV, Number 11, 16 Malaki 1917 — HOALOHALOHA NO MRS. J. E. KAMAKAI. [ARTICLE]

HOALOHALOHA NO MRS. J. E. KAMAKAI.

He oiaio wale no na mea i ha'i ia ia kakou, o ko kakoti ola ana he mahu no ' ia, i pua a nalo iho, ua like no hoi me ka pua o ke kula, i mohala i ke kakahiaka ,a mae i ke awakea, a ahiahi, helele'i. 0 ke ao a ka makani i puhi a nalo, pela no ko kakou ola ana. Mawaena paha o ka liora 7 ame ka hora 8 o ke ahiahi Poalima, Feb. 23, i kipa ae ai ka make ma ka home kino o Mrs. Lydia J. E. Kamakai, a hoopili iho la i ka uhane, a waiho mai la na ke kane, na keiki ame makou, kona mau hoa paahana iloko o ka Ekalesia huiia j o Koolau, Kauai, ana i aloha nui ai, e u aku nona mahope nei. ! O Mrs. Lydia J. E. Kamakai, he hoahanau kupaa, makaala, eleu, hoomanawanui me ka pauaho ole, he ake me ka manao nui i ka pono o ha'i. He wahine manao nui i kana kane, he imi nui i ka hoomaemae i ke kino ame ka home; he puuwai hamama; he leo heahea; he limaii hoomohala aku no na mea apaii; he punahele wale no na ame na moopuna iaia. Ua paa ia eia na kulana maemae o ka Ekaleaia, he puuku no ke Kula Sabati o Koolau i huiia, he komite ola no ka Ahahui C. E., ua paa no oia ia kulana a liala wale aku la. Ua waiho iho i na hana ana i hana ai i kumu hoohalike na ka poe mahope aku nei, Nolaila, e hooholoia ,o makou pakahi, o makou i huiia, na hoahanau, Kula Sabati, na lala o ka Ahahui C. E. o ka Ekalesia o Koolau, ke komo pu aku nei j me oe e ke kane i hoonele ia i ka hoapili, hoa kuka, 'no na hana o ka pono a olua i hoomanawanui pu ai, e u pu ana ! me oe, a e auamo pu ana i na ehaeha o keia noho mehameha ana. 0* na ehaeha apau o ka ohana, ke liui aku nei makou a kaana pu ia mau ehaeha apau, a o ka makou pule e hoomama mai ko kakou Haku aloha i na kaumaha apau. E hooholoia i hookahi kope i ke Kuokoa, hookahi i ka Hoaloha. O makou iho no, ma o ko makou komite la, Ekalssia, P. M. Castro, G. M. Huddy, R. D. Lovell; Kula Sabati, Geo. W. Mahikoa, Mrs. P. M. Castro, Mrs. John Hano; C. E., John Hano, Jas. Werner, Mrs. M. G. Huddy. TOKIO, Mar. ]5.—0 ka mokuahi Kelemania i hoololiia ae i mokukaua a o ka moku powa hoi nana i luku i kekahi mau moku kalepa a ikeia ai maloko ka Moana Iniana, a i hoopiholo ai i ka mokuahi Kepani Pukae Maru ma kekahi manawa i hala koke* aku nei ua paa i ka hopuia e na mokukaua Pelekane ame Kepani i hoounaia ai e huli i ua moku Kelemania la, elike me ka lono i loaa ma Inia Beritania mai i nehinei. <