Ka Nupepa Kuokoa, Volume LV, Number 9, 2 March 1917 — AOLE I PAAPIO NA MOKULUU HALIHALI UKANA. [ARTICLE]

AOLE I PAAPIO NA MOKULUU HALIHALI UKANA.

0 ka lono kelekalapa mamua aku nei e pili ana i ka paapio ana o na mokuluu halihali ukana ka Bremen ame ka niokuluu Deut.schland, o Keleir.ania, ua hooleia mai ka oiaio o kela lono, ma o ke kelekalapa o ka Poalima aku la i hala, Feberuari mai Copenhagen mai, e hoakaka ana penei: COPEXHAGEN, Feberuari 23,—A01e i hopupioia ka mokuluu halihali ukana Kelemania ka Bremen, ma kana huakai elua i Atnerika Huipuia, aka ua piholo ia iloko o ka Moana Atelanika iloko o ka ino, oiai ia ma kona alahele no Amorika, i kulike ai me na liOakaka i hiki ke hilinaiia, i loaa mai i ke keena uwea kelekalapa no kekahi mau mahina ae nei i hala. | L a loaa aku he hoikp o keia mea i ke keena o ka hui kelekalapa ma Berlin, no kekahi manawa' ae nei i 'hala, aka nae akahi no a hiki ke hoounaia mai kela lono ma neliinei aku la. jMa kela lono hookahi no, e hoakaka anā ia, aia ka mokuluu Deutschland, ka hoahanāu o ka mokuluu Bremen, i keia niānawa ke hoolako la i na lako i na mokiiluu na lakou e noke mai la i ka luku, ma ke kaua mokuluu a Kelemania ma ka moana. Ma na mea i hoikeia ae, aia ma kahi 0 ka eono mau moku i like me ke Deutschland ame ka Bremen, he mau mokuluu halihali ukāna, ke hana like mai la ma ka hoolako ana i ka ai ame na lako kaua i na moku U ma ka moana Akelanika, na moku na lakou e alai la 1 ka holo ana mai o na moku ma ke alahele e hoea ai i Enelani, Palani anie Bele»iuma, ma ka poai i hookapuia.