Ka Nupepa Kuokoa, Volume LV, Number 9, 2 March 1917 — E MALAMALA ANA HE HALAWAI MAKAAINANA. [ARTICLE]

E MALAMALA ANA HE HALAWAI MAKAAINANA.

Maloko o ka Hale Mele Hou, ma ke ahiahi o keia Sabati ae, Maraki 4, e malamaia ae ai lie halawai makaainana no ka lohe ana i na manao hoakaka e pili ana i ka' bila kanawai i hookomoia aku maloko o keia kau o ka ahaolelo, no ke kāomi aiia i na liana haumia ma Honolulu hei. O ka poe haiolelo i waeia no kelahalawai, oia no ka Lunakanawai W. F. Frear, S. C. Huber, ka loio Amerika, ame Kauka W. C. Hobdy. He halawai kela i kaheaia ē ka ahahui kalepa, ka ahaliui i haawi i kana kakoo ikaika ana ma ka aoao o kela bila; a o ka inanao nui o kela halawai makaainana i manaoia, o ia no ka hoakaka piha ana aku imua o ka lehulehu i ka manao o kela bila kanawai. 0 Mr. Huber ka mea nana e hoakaka mai ana i 'ka ikeia ana o ka maikai 0 kela kanawai, malōko o i ka manawa i hoholoia ai i ka 1909; a o Kauka Hobdy hoi ka mea nana e hoākaka mai ana no ke kupono loa e hooholoia kela bila, oiai he mea nui loa ke ōla o kd lehuleHu. He halawai keia i konoia ai kelā ame keia e hele ae e hoolohe, me ke kaki ole ia he auhau no ka hoolohe ana 1 na manao hoakaka o ka poe haiolelo.