Ka Nupepa Kuokoa, Volume LV, Number 8, 23 February 1917 — KA HOOLAA ANA O KA LUAKINI KAKOLIKA MA KAHUKU. [ARTICLE]

KA HOOLAA ANA O KA LUAKINI KAKOLIKA MA KAHUKU.

Ua wehe mua ia na hana ma ke aliiahi Poaono, hora 7 p. m., mai Honolulu mai, Ewa, Waialua, ame Punaluu i hoonaneaia e ka bana pukiki mai Puuiki, Waialua mai, ua pihaku'i mui ke kaliua i na pukilei, a ua hoomakaia na waiwai o na ano like ole e kuai ma kou hopu ana i ka helu a hookuui» na hana o ia ahiahi ma ka hora 12.

Ma ke kakahiaka Sabati ae, hora 9 ame 10, i hoopihaia mai ai ke kahua e ke Pukiki ame ka Pilipino, Haole ame na Hawaii no hoi, i oi loa aku mamua o elima haneii. Ua hiki mai na kumu Kakolika apau.

I ke kokoke ana i ka manawa e hool«:aia ai ka luakini, i na kahuna i pii aku ai a ku ma ka puka, i wehe ia ae ai ke pani puka, ia manawa i hoolaaia ae ai mn ka pule ame na huaolelo pokole, ame kn himeni ana, a komo aku la na kumu me elua keiki liilii e hoolei ana i na mea ala, a komo aku la ke anaina a piha oloko, a koe kekahi hapa iwaho, i hoonanea ia e ka bana Pukiki, a hoomaka mai la na waiwai like ole e kuai kudala ia; ka moa, kaka, na meaono, na ano like ole, na lihilihi liana lima, pehea la ka nui o na ano like ole a ko'u maka e nana ana, ua maluhia no ke anaina, nani no keia wahi luakini, he $3000 na hoolilo apau loa; i ko'u nana ana a hoomaopopo i ke kulana o ka lahui Pukiki i hiki mai, he poe kuonoono a holomua maoli no, ke kane, ka wahine, na kaikamahine, he maemae maoli no, ame ka nohona kuonoono mamuli o ka hoomanawanui i ka hana. Ua ulu ae na keiki iloko o ka manawa e pii ae ana ka lako a hoonaauaoia keiki, ke kohu haole waoli no na kaikamahine o ke au holomua o ke ano o na aahu like ole, a ua puhi mai la ka bana ia Aloha Oe, o ka hora 5 ponoi ia e ka-p. m. Sabati nei, a hookuuia ke anaina, na piha ku'i no hoi ka pn nie na kaa otomobile no ka hoihoi ana i na malihini. Me Mr. Lunahooponopono, na keiki o kou papapa'i, ka poe heluhelu o ke Kuok« aloha aai loa! J. A. KAHIONA.