Ka Nupepa Kuokoa, Volume LV, Number 8, 23 February 1917 — PIHOLO ILOKO O KE KAI A MAKE [ARTICLE]

PIHOLO ILOKO O KE KAI A MAKE

Ma ka po o ka Poakolu a ao ae ka Poaha o ka pule aku nei i liala, i haule ai ke Kapena H. Bchleter, o ka moku Kelemania >Staatsekretar Kraetke, kekahi o na moku e mo-l*u mai nei iloko ae nei o ke awa, iloko o ke kai a make loa, eia nae aole i loaa iki kona kino make, nhiki i ka auwina la o ka Poaono mai, mahope iho o ka.luu okoa ia ana aku e huli iloko o ke kai. Ma ke kakahiaka o ka Poaha, ka ha'oha'oia ana o kela kapena e na luina o kona moku, i ka nalowale, aka nae, mamuli o ka waiho mokaki o kona mau lole iluna o ka oneki o ka moku, i ala ac ai na manao kohokoho wale, ua lawe okoa ae no kela kapena i kona ola iho, ma ka lele ana iloko o ke kai, a ma kekahi ano e ae paha. Ua hoomaka koke ka huliia ana o kona kino, ma kela kakahiaka Poaha, ma o ke kiolaia ana o na huka kilou nunui iloko o ke kai, e kauoia ai mai kekahi wahi a i kekahi, o ka papa-ku 0 ka uwapo i ku ai o ka moku, aohe nae he mea i loaa iki o ke kino. Ma ka Poalima mai, ua luu maoliia iloko o ke kai, e huli, me ke kapaluu, a 1 ka wa i nanaia ai olalo o ka papa-ku, i ikeia ai ka nenelu o ka lepo ma kekahi wahi, a ma ia mea, i loaa mai ai ka ike i ka wa e haule ai o kekahi mea kaumaha iloko o ke kai, a komo maloko o kela wahi nenelu o ka lepo, e paa loa ana malaila, me ka hiki ole ke lana mai iluna o ka ilikai, a pela no i loaa ole aku i ke kino, i na huka kilou, o ka nokeia ana i ke kau-o i o a ia nei. Ma kela nokeia ana nae i ka huli i loaa aku ai ke kino o kela kapena moku e waiho ana iloko o ka lepo, ia .Toe Kealoha, ke kanaka luu, mawaena o ka moku Staatsekrater Kraetke ame ka Loongmoon. Maluna o ke kino o kela kapena o ka loaa ana aku, he lole moe-po kona e komo ana, a e paa ana no kana uwaki pakeke i ka palule, a ua moe hoi kela uv.aki, raa ka hora umi-kumamalua, me kanaha-kumamalima minuke, me he niea la, o kona manawa no ia o ka lele ana iloko o ke kai mailuna aku o ka moku, a piholo aku la iloko o kfe kai. ' He kapena* opiopio wale no kela, : o kanakolu-kumamalima makahiki, a o kekahi hoi o na kapena o na moku Kelemania e ku mai nei i hiki ole ke holo mamuli o ke kaua. Ua puhiia kona kino make i ke ahi, a ma ka auwina la o ke Sabati nei i malamaia ae ai kona anaina hoolewa, mai ke keena waiho kupapa'u aku o H. Williama.