Ka Nupepa Kuokoa, Volume LV, Number 2, 12 January 1917 — Nuhou Kuloko [ARTICLE]

Nuhou Kuloko

Ua hoopaneeia ka hoopuka ana aku i kekahi mau palapala a na makamaka o ka hoouna ana mai i keia pepa, a loaa kahi kaawale. Ua hoike ae kekahi o na nupepa Kepani i ka hauoli o na Kepani ina e hookohu hou ia mai ana i Kiaaina okoa no Hawaii nei, ma kahi o Kiaaina Pinkham. Ma ka Mauna Loa o ka Poalua nei i hoea mai ai ka Lunakanawai Kaapuni Thompson o Hawaii Komohana no ka hoohala ana he mau la ma keai kulanakauhale. He pouli ko ka mahina, ma ka po o ke Sabati aku nei, me ka ike o na makaainana apau o Honolulu nei, mai kekahi aoao, a i kekahi aoao o ke kulanakauhale. Ua hoike ae o W. C. Achi i kona manao e haawi ana. na kakoo ana e hookapuia ke kuaiia ana o ka waiona ma Hawaii nei, ma keia mua aku, no ka pono o na kanaka Hawaii. Ma ka Poalua nei i hookohu aku ai o Kiaaina Pinkham ia Patrick Cockett o Maui i hoa no ka papa lunakiai o ke Kalana o Maui, a pela pu hoi kona lilo ana i hoa no ka papa komisina hoaie. Ma ka halawai a ka papa lunakiai ma ka po o ka poalua aku la i hala i kohu ku-e ae ai na hoa o ka papa, no ka ae ana aku i ka hanaia aku o ke alanui hou i manaoia ai no ka apana o Puunui. Ma Pepeekeo, Hamakua, Hawaii, i po'iia ai kekahi waapa o ka mokuahi Kaiulani e ka nalu a he hookahi Kepani i make loa, he ekolu hoi i hoehaia, a pakele mahunehune aku ke ola o kekahi, ma ka apua. He bila ka ka Elele Kuhio o ka liookomo ana aku la iloko o ka Ahaolelo Lahui, no ka bookaawaleia ae he liaawina o hookahi miliona dala, no ka liana ana i alanui holopuni no Oaliu nei, no ka oihana koa. He keu no la. ua pau aku nei na la ua, eia no ka ke kakali mai nei, no ka mea, ma ka Poakol.u nei.i hoohanini iho ai na paniwai o Kulanihako'i, i na pakaua eloelo, ke hele la a halanaia kekahi mau wahi haahaa e ka wai. Aole he pepehikanaka ku i ka inainoino nana i hookomo aku i ka lia maeele iloko o ko Honolulu nei poe, elike me ia 1 hanaia aku ai maluna o kekahi mau keiki liilii elua, mauka ae nei o ke Awawa o Alakiki, ma ke kakahiaka o ka Poakahi aku la i hala. Ma ka la Makahiki Hou iho nei, i kulike ai me kekahi meahou o ka hoea ana mai i Honolulu nei, i loaa aku ai ke kino make o kekalii hapa Pukiki o Joseph Pokali ka inoa, ma na kapakai 0 Kainaliu, Kona Akau, Hawaii, a ua kaa aku ke ko'iko'i o ka noii pono ana 1 na kumu i make ai o kela Pukiki maluna o ka Hope Makai Nui Nahale. Ma ka Poakahi nei i apono ae ai ka aha senate oloko o ka Ahaolelo Lahui i ka hookohu o ka Lunakanawai Coke, no ke pani ana aku i kahi i hakahaka o ke kokua lunakanawai oloko o ka aha kiekie o Hawaii nei, a ke kakali aku nei oia, o ka loaa mai o ke kauoha, no kona lawe ae i ka hoohiki oihana. Mamuli o na kokua he nui i haawiia ae e ka Lunakanawai C. C. Conradt o Molokai, ma ka haawi ana mai i ka pahu me ka lawe ana i ke kino o Louisa Kamakahi, mai Pukoo ahiki i Halawa, Molokai, ke haawi aku nei ka ohana o ka mea i make, i ka lakou mau mahalo ame na hoomaikai ana he nui iaia. Ma ka Poaono aku la i hala i apono ae ai ka papa o na lunakiai o ke Kalana o Hawaii i ka hookohu ana aku o ka Lunahoowalu Kauhane ia Joseph Vierra i luna alanui no Hilo Hema, a ia Stephen L. Desha, Jr., i kakauolelo na , ka lunahoemalu o ka papa, ma kahi-o ! Norman K. Lyman, ka mea i. paa i kela mau kulana a elua mamua aku nei. j I j 0 ka hookuku kinipopo peku wawae, mawaena o na koa kiai lahui ame na koa o Amerika, o ka malamaia ana ma ka Poaono aku nei i hala, o kekahi ia o na paio hahana loa i uleleia, »e ka aha'i ana o na keiki o ka pualikoa kiai lahui i ka lanakila, imua o kekahi anaina nui o ka poe makaikai i hoea aku e ike maka i kela hookuku ana. Ma keia Poaha ae, lanuan 18, he halawai makaainana ka ka Ahahui Puuhonua o na Hawaii e malama ae ana ma ka Atkinson Paka, ma Kakaako. E hoea ae ana ka Bana Hawaii malaila, no ka hoonanea ana i ka lehulehu, a e ha&wiia mai ana hoi he mau haiolelo e na lunanui o ka iahahui, ame leekahi po'e eae i koholAī. i '{" "