Ka Nupepa Kuokoa, Volume LIV, Number 50, 15 December 1916 — LAWE O COKE I KANA HOOHIKI OIHANA. [ARTICLE]

LAWE O COKE I KANA HOOHIKI OIHANA.

Imua o«ka Lunakanawai Kiekie Robertson, ma ksi hora umi o ke kakahiaka o ka Poaono aku ia i hala, i lawe ae ai ! ka Lunakanawai Kaapuni Coke i kann j hoohiki oihana, ma ke ano oia ka luna- ; kanawai ekolu o ka aha kaapuni o ka apana hookolokolo ekahi. Oia nei ka mea i hookohuia mai e ka f Peresidena Wilson, i pani ma kahi i waiho hakahakaia iho, ma ka haalele J ana mai o ka Luhakanawai Stewart, he mau mahina ae nei i >hala. Mahope iho o ka lawe ana ae i ka hoohiki oihana, i hoi mai ai ka Lunakanawai Coke, no kona keena, a maluna o kahi e noho ai o ke kahu o ka aha na Lunakanawai Coke, -Ashford ame Whitney, alaila hoomalu mai la o Kakauolelo Kahalepuna i ka aha. O ka hana mua i lawelaweia, o ia no ka heluheluia ana ae o ke komiaina o ka lunakanawai hou, ame kana palapala hoohiki oihana, me ka haawiia ana o ke kauoha, e lilo kela hana i mea lioopaaia ma ka moolelo o ka alia, alaila kakauinoa aku la na lunakanawai a ek(fīu i na hookohu oihana, no na limaliana oloko o. kela aha. Ua aponoia ka palapala waiho oihana a Kakauolelo B. N. Kahalepuna, pela me ka Kakauolelo John A. Dominia, me ka hoopiha ana aku o Kahalepuna i ke kulana i paaia iho nei e Mr. Dominis. No ke pani ana ae hoi i ke kulana i hoohakahakaia iilio e B. N. Kahalepuna, ua hookohuia aku o Claus Roberts ma ia wahi, a ua hoomau hou ia aku o Miss Ellen K. Dwight i kakaupokole noloko o kela alia, me ka waiho hakahaka ana hoi o kekahi mau kulana e ae, aihiki i ka manawa e hoopihaia aku ai e ka Lunakanawai ('oko i kona wa e hana ai he mau hookohu hqu. Ma kela manawa no lioi i hooholoia ai mawaena o na lunakanawai a ekolu, e kaa i ka aha a ka Lunakanawai Coke, ka hoolohe ana i na hihia hoopii oki mare apau, pela hoi me na' hihia wdiwai; a ma ka Poakahi nei i, hoomaka aku ai oia i na hana apau oloko o kana aha.