Ka Nupepa Kuokoa, Volume LIV, Number 50, 15 December 1916 — HANA NUI NA MAKAI ME KEKAHI PAKE PUPULE. [ARTICLE]

HANA NUI NA MAKAI ME KEKAHI PAKE PUPULE.

Mc ka hana nui ame ka hoomalimali pu, pela iho la i paa ae ai he Pake opulepule i ka hopuia ,a kaa malalo 0 | ka malu o ka oihana makai, ma ke Babati aku la i hala. Aia kahi o kela Pake ame kona ohana ma ke alanui Kula, e kokoke la i ke alanui Liliha, ma kela Sabati, ua ikeia ke kulana opulepule loa 0 kela Pake, a no ka hopohopo o kona ohana, o hoopoino aku auanei oia i ke ola o kekahi poe, ua hoouna okoa ia mai la»ke kauoha i na makai, e hoea aku no ka hopu ana iaia. No ka hora hookahi ke kakali ana o 1 ka makai, e hiki iaia ke ihopu i kela Pake me ka maalahi, no ka mea e paa mau ana -oia he hamare iloko o kona lima, me ka hooweliweli ana e hoopilikia mai i ka poe apau e hookokoke aku ana iaia. No ka makemake ole nae o ka makai e loaa he pilikia i kela Pake, ma ka hoao ana e hopu iaia, me na lima ikaika, ua kauoha okoa ia mai la ke kuene oloko o ka halema'i 0 na ulia poino, he mea i kamaaina i kela Pake, e hele aku, a oia me kekahi makai okoa aku ka i 'hoea no kahi 0 kela Pake pupule. Ua hoea aku ke kuene ame ka makai no kahi 0 ka Pake pupule, a noke aku la ka mea i kamaaina o laua i ke ka- | mailio ma ke ano hoonanea i kela Pa- ' ke, a iaia i hemahema ai, 0 ka wa ia i hopu aku ai ke kuene i ka Pake pupule. a kokua pu mai la hoi me ka makai, 0 . ka paa no ia ia laua. eia nae. ua har hauia no ke kuene i ka hamare ma ka ? poohiwi, aole nae i eha. He Pake opiopio no kela nona na ma- > kahiki ma kahi o ka iwakalua, a ma--1 hope 0 ka nanaia ana 0 kona ano, ua ikeia, ua pupule maoli no.