Ka Nupepa Kuokoa, Volume LIV, Number 47, 24 Nowemapa 1916 — KE ANAINA HOOLEWA O MRS. KAMAU. [ARTICLE]

KE ANAINA HOOLEWA O MRS. KAMAU.

Mr. Sol. Hanohano, Aloha ofe: —E oluolu oe e hoolauna aku i keia mau meahou ku i ke aloha ame ka walohia: Ma ke kakahiaka Poaono, la 28 o Okatoba, 1916, hora 10 a. m., o ia ka wa e lioomakaukauia ana no ka lāwe ana aku i ke kino lepo o ka makuahine aloha M 1 "»' Nawai Kamau, o kela ka manawa o ka m£a kakau i ike aku ai i ke anaina holookoa i ko lakoū hoike' ana mai i ko lakou noho aloha ana me ko lakou makuahine, no ka mea ua helu mai na wahine i ka lakou mea aloha', a pela rta kane i ka lakou aloha, nā keiki i ko lakou mama aloha, na moopuna i ko lakou kuku aloha, na hoaloha i ko lakou hoaloha. Noluila.ua piha kela an'aina i na leo kumakena ame ka walohia, aole waimaka paa; ina e paa aku, he paa ma-ko'-na. Lohe aku la kou mea kakau i kekahi leo aloha e hea mai ana: Kuu lei lehua ike kai e, " • I poae i pohina i na nalu o Huia i ke ala e! Aala wale ka .hala, ' Me o'u lioa i ke kapa ki haehae, A mahana aku i ka poli e! Kuu mea aloha, aohe iho nei e! Na ia mau leo kanikau a ke aloha i hoopiha i ka luakini i na leo kupinai me he mea la e hosana mai ana na anela mai ka lani mai; nani ka eehia ame ka walohia o ia anaina. No kana huakai hope loa, ua hoonohonoho mai ke komite o ia hana, na kāhunapule mamua o ka huakai," o ia ka Rev. Poepoe, Rev. Kamaiopili, Rev. Kokuewa ame Rev. KaaiakamaHu; na pokii aku mahope he 15 ko lakou nui; na lala aku o ka Ahahui Kaahumanu, he 12 lala; ke kino mai o ka mea niake e paa lima ia ana e na hoahanau o Kaame na hoaloha, ke kane kahu ame na keiki aku mahope, np, ko-' mite mai o Kawaiahao ame Kaumakapili, Kahu Kula Sabati Nui o Oahu, na hoahanau ame na hoaloha ame ka lehulehu aku mahope. * Hoomaka ka nee ana o ka huaka'i mai ka lialepule aku, hele ma ke alanui aupuni aliiki ma ka ilina o A. Kauhi, kahi a ia puuwai hamama i haawi mai ai i kona lokomaikai, malaila na iwi o kamahele e waiho ai āme kona oliana no ka wa mau loā. Malaila na lawelawe hana hope loa. Na- ka papa himeni o ka Ekalesia e malama ke anaina pule; na Rev. Poepoe no i hoike mai i na manao paipai ame ka pule, a ma ia hope iho ua lohe ia aku na leo himeni aloha a kona ahahui o ia ka Aliahui Kaahumanu e himeni mai ana i ka himeni o ka ahahui. O keia ka mua loa O' na lalā o keia ahahui i hana ia ai keia hana ku i ke aloha i ko lakou hoahanau malalo o ka lawelawe ana a ko lakou komite ame kekahi mau lala mai o Honolulu, o ia no hoi ka mea nana i hookaawale ae i ka lehulehu mai ka paku ana ae mai na lala ae o keia ahahui a waiho wale mai ka lua o ko lakou hoahanau. O keia kekalii himeni nani loa; e po no i na Kaahumanu apau e hoomanao i keia himeni, mai palaka;\L o keia kekahi hoolewa- nui ma ke kuaaina nei ā'u i hoomaopopo ai, a o ka helu ekahi no paha keia. ' Nolaila he hoike āna mai ia i ka noho aloha ana o keia makuahjne aloha me na kini'ame ka lehulehu o ka aina hookama. Nani ka lokomaikai o ke Akua ame ke aloha o ko kakou Haku, s - Amene. . Ke haawi aku nei ka mea. kakau i kona. hoomaikai i na kupa ame na malihini i hoea ae ma kela anaina hoolewa hope loa o ke kino wailua o Mrs. Nawai Kamau, ame ko'u aloha a nui loa i ka Makua Rev. Kamau, ame na keiki. Na ka Makua Mana Loa e hoomama mai i ko kakou mau kaumaha. KAI'A HAMAU LEO.