Ka Nupepa Kuokoa, Volume LIV, Number 47, 24 November 1916 — ME HE MEA LA E KOHO BALOKA HOU ANA NO NA BONA AIE. [ARTICLE]

ME HE MEA LA E KOHO BALOKA HOU ANA NO NA BONA AIE.

Ina e holopono ana na wea e hoolalaia mai nei e na luna oihana o ke auf uu\ Kulanakauhale a Kalana o Honolulu nei ,alaila aole i loihi loa ka manawa e kakali aku ai, o ka ho?a mai no ia i ka wa e malama ia aku ai o kekahi koho baloka kuikawa, maluna o ka ninau bona aie, ma keia mua iho, ma ka Mokupuni o Oahu nei. Ua lokahi ka hapanui o nai lana oihana o ke aupuni Kulanakauhale a Kalana o Honolulu nei, he hookahi kumu o ka haule ana o ka ninau bona, ma ke koho ba!oka aku nei i hala, mamuli no ia o ka noonoo nui ole ia o kela ninau e na mana koho, a o kekahi no hoi, no ka maopopo ole no ia lakou o ke ano o ka lakou aoao e koho ai elike me na mea oiaio, i ikeia ma ka nui o na baloka i waiho hakahakaia, me ka nele i kekahi hoailona e hoike ana i ka makemake o ka mea koho. , O kekahi kumu i hoalaia mai e na liuia oihana o ke aupuni no ka haule ana o ka ninau bojia aie, o ia no ka maopopo ole maoli i kekahi mahele nui o na mana koho, ka waiwai ame ka pomaikai, o na hana hou i mana.oia aku ai, e aie i ke dala; a i mea nae e hoopauia ae ai na manao pohihihi apau, a e loaa aku ai no hoi ka hoonaauao ana i na mana koho, e laweia ae ana he mau keehina hoonaauao, i ka poe koho baloka, mamua ae o ke koho baloka ana, ina no ka ae mai 0 ka papa o na lunakiai, e malama hou 1 koho baloka kuikawa ma keia mua iho. Hoomakaukauia he Palapala Noi Mamuli paha hoi o ka loaa ana mai o ka i kekahi poe, ame ka hookaakaa pono ia ana ae o ko lakou maka, no na mea e pili ana i ka ninau bona aie, ua hoea okoa ae he mau noi lēhulehu imua o Harry E. Murray, ka lunanui o ka oihana wai o Honolulu nei, e kauoha aku ana iaia, e hoomakaukau i kekahi palapala noi ,a waiho aku imua 0 na mana koho baloka, no ko lakou kakauinoa ana mai. - Ua hoomakaukau ae o Mr. Murray 1 ka palapala noi, no ka waiho ana aku imua o na makaainana wa keia mua iho, me kona manaoio e loaa ana he ekolu kaukani poe e kakau i ko lakou mau inoa maluna o kela palapala, iloko o na pule elua e laweia aku ai ma na mahele like ole. Mahope iho o ke kakauinoa ia ana o kela palapala noi, e na inakaainana o ke Kulanakauhale a Kalana o Honolulu nei, ia wa e waihoia aku ai imua o ka Meia John C. Lane ame ka papa o na lunakiai no ka lakou apono ana mai.,a ina no ko lakou manao e inalamaia he koho baloka hou, alaila o ka wa ia e hoopukaia ai he kuahaua koho baloka kuikawa. !. O ke ano nui o ka palapala noi i hoomakaukauia a e waihoia aku ai imua o na makaainana no ke kakauinoa ana mai, penei no ia: "O makou, o ka poe no lakou na inoa malalo iho nei, he poe hookaa auhau a mana koho ho ke Kulanakauhale a Kalana o Honolulu, ma keia ke noi haahaa aku nei i ,ko oūkou papa hanohano, e hoomakaukau ma kekahi la kupono mua loa e ike ia ana, no ka malama'ana aku i kekahi koho baloka kuikawa maluna o ka ninau no ka hoopuka ana i na bona aie, no na hana i manāoia i hoakakaia mahope ae nei, a e hoopuka mai i kuahaua e kahea ana no ua koho baloka kuikawa la, no ka la i kauia, e hoopukaia aku ai na bona kulanakauhale a kalaiia, e- hoohanaia na dalu e loaa mai ana no na hana i hoakakaia e hoike ana: 1 "Ka Mua—Ka oihana wai, i mikini hoomaemae me na lako, ka hookoipo ame ka hana ana i na paipu wai, ma ke ano lie hapa no ka oihana wai no ke Kulanakauhale a Kalapa o Honolulu nei, $253,200. < E hookaawaleia keia huina elike me na maheliehele ana penei: (a) no ka hoomaemae ana i ka wai o Nuuanu, $1500,000; (b) no ka haiia me ka hookomo ana i na paipu wai ma Makiki ame Manoa, $7,400; Waikiki, -$3,800; Kaimuki, $37,000; Kalihi me Palama, $8,000; ame na apana waena me laula, $47,000. I "Ka 'Lua —No ka hookomo ana i na paipu Bua hou, ma ke ano he hapa no ka oihana sua o ke Kulanakauhale a Kala.na o Honolulu nei $239,500. E hookaawaleia keia huina elike me na mahelehelena ana penei: Apana o Kewalo, $36,000; apana" o Punahou, $4,000; apana o Kalihi, $40,000; apana o Iwilei, $1<?,500; ame ka apana o Wai* kiki, $130,000. t '?E hookoia no keia mau mea apau elike me na manao o ka mokuna 123 o na Kanawai i Hooponopono Hou ia o Hawaii, elike me ia i hoololiia ai e ke Kanawai 46 o na kanawai ahaolelo o Hawaii, 1915. i "Ke hoeufeu aku nei makou me ka haahaa i keia ninau bona aie malalo o ke kumu, o na hana hou ame ka'hooloihi ana aku i ka oihana wai me sua ma na apana i hoikeia maloko nei, he mea kupono loa ia no ka hoopakele ana i ka waiwai ame ke ola o keia kulanakauhale. I ! "Ke hoeueu hou aku nei makou me ka haahaa, e kaheaia i koho baloka kuikawa, 'no ke ake ana e loaa ka olelo hoohoīo maluna o ka ninau no ka hoopuka ana i na bona aie.' " Ma ka manaoio o ka Meia Lane, he mea pono no ke malama hou ia-he koho baloka kuikawa, pela vrale nb e maopopo pono ai kekahi olelo hooholO ku-

po'no. Ina ua makemake i'o ha makaainana e hoopukaia he mau bona aie, no na hana hou i pili aku i >ka pono 0 ke kulanakauhale ame ke ola o ka lehulehu, aole oia e lioohakalia iho ana 1 ke kuahaua ana i koho baloka kuikawa, me kona komo kino ana e* hooikaika ma ka hoonaauao ana i na mana koho maluna o ka ninau bona aie. O ke koho baloka aku nefi hala, maluna o kela ninau, na ka papa ia o na 'lunakiai, a ina hoi na na makaainana mai ana ke noi, no ka hoopuka ana aku i na bona aie, me ka malama pu ia he koho baloka hou ana maluna o kela ninau, he manaoio kona, aole e nele ana ka loaa aku o na manao oliohia ilok~o o na makāainana, no ka pono i'o e hanaia na hana hou e pono ai na mea apau.