Ka Nupepa Kuokoa, Volume LIV, Number 42, 20 ʻOkakopa 1916 — NOII PONOIA NA MEAAI KINI E KE KOMISINA. [ARTICLE]

NOII PONOIA NA MEAAI KINI E KE KOMISINA.

No ka liooko ana aku i ke kanawai e pili ana i ka maemae o na meaai aneane elua ka haneri mau halekūai Pake i nanaia e ka Hope Komisiria o na Meaai JSF. B. maloko o ka apana mai Moanalua mai ahiki i ke alanui Muliwai, a ua oi aku ka mamua o kp kaukani kini meaai kahiko inoino i wawahi a i kiolaia ma kelia pule aku lā i hala. Lehulehu wale ka na halekuai i ikeia e ke komisina iloko o na kulana pelapela. O na huaai maloo ame na i-a maloo a i miko e waiho wale ana ua ikeia ke kupono ole e lilo i mau meaai, pela me na kuawa i piha i na ilo nalo, oia mau mea, ka apau ua kiolaia. 'He hana keia i lawelaweia no ka pono o ka lehulehu malalo o ka hooponopono ana 'a ke komiaina o na Meaai Hansen. Ma kona manao ana ka ma ia ano wale no e hiki ai e a'oia aku na Pakē malama halekuai i ke ano o ka hoomaemae ana i ko lakou mau halekuai ame ka malama ana i na meaai e kuaiia ai me ka maemae, a e hoopau* ia āe ai ke ano kapulu o ka malamaia ana o na halekuai ame na meaai e kuaiia aku ana maloko o ia mau hale. He mau apana lehulehu e ae ka kekahi i kuekaaia e ke komisina ma ka Poakahi ne i.