Ka Nupepa Kuokoa, Volume LIV, Number 39, 29 September 1916 — E HOOMAKAUKAU. [ARTICLE]
E HOOMAKAUKAU.
E noho raai ana ka Ahahui Kula Sabati o ka Mokupuni o Kauai nei, ma ka luakini o ka Ekalesia Hawaii mua o Lihue, ma ka Poakolu ekolu o Okatoba 18, 1916, hora 1 p m. E hiki kino mai na Kahu Kula Sabati Nui, na hope, na Kahu Kula Sabati Apana, a i ole o na hope ame na elele, me ka oukou mau hoike oihana i pili i na hana i hanaia e na Kula Sabati -no eono malama, mai Aperila a i Sepatemaba, 1916, a me kekahi mau hoike e ae. i pili i keia aha. E hoomanao pu na Kula Sabati i ka akahi dala no ka waihona o ka Aha ma o na elele Kula Sabati la. ABBĪE K. KAAUWAI, Kakauolelo Ahahui Kula Sabati o ka Mokupuni o Kauai, T. H. KapJia, Sept. 2-3, 1916.