Ka Nupepa Kuokoa, Volume LIV, Number 36, 8 Kepakemapa 1916 — E HELE KOKE E HOOPAA I KA INOA NO KE KOHO BALOKA. [ARTICLE]

E HELE KOKE E HOOPAA I KA INOA NO KE KOHO BALOKA.

O ka poe i hoopaa ole i ko lakou mau inoa maloko o ka buke o ka poe kupono i ke koho baloka, ma ke keena o ke kakauolelo kalana, ke paipui aku nei ke Kuokoa ia lakou e hele koke ae e hoopaa i ko lakou mau inoa, me ka hoohakalia ole, no ka mea he mau la helu wale no koe, e hamama ai o ka buke inoa, o ka pau no ia, e kuleana ole ai ka poe i Hoohemahema wale *i keia f<>no. e koho aku ma ke koho baloka wae moho o ka mahina ae nei o Okhtoba. O ke kuleana koho baloka, aole ia he pono uuku, a kakou e hoohemahema wale ai, o kekahi pono nui keia i makeeia e ka poe naauao, ame ka poe akea o ka noonoo, no ka mea, pela iho la e loaa ai ke kuleana ia kakou, e wae ai, a e koho ai, i ka poe a kakou i manaoio ai ua kupono e lilo i mau kauwa na ka iehulehu. O ke koho baloka wae moho e hoea mai ana, he koho baloka ia a ke kanawai i haawi mai ai i kela ame keia mea koho baloka, e wae ponoi ae ai i kana mau moho i makemake ai, nolaila i mea e hookoia ai ka mak«make o ka hapanui o na mana koho baloka, iloko o kela 'ame keia aoao kalaiaina, e hoea ole mai ai he manawa no ka mihi ana, e hoopaa i na inoa i keia manawa ano, a e hoohana hoi i ka pono koho, me ka manao makee, e hoohana aku me ka pono ame ka pololei, e loaa he poe kupono, na lakou e lawelawe mai i na hana o ka lehulehu, aole hoi e pono koho wale no, i ka poe i makee wale no i ko lakou pono iho. Aole nae o ka hoopna wale ana no i na inoa ka ke Kuokoa e hoeueu aku 3iei, no keia koho baloka wae moho, aka e hele pu ae na mana koho ma ko lakou mau mahele, a hookomo aku i ko lakou mau baloka, no ka lakou mau moho, aole o ka noho i kauhale, a hele paha i kekahi mau wahi, a i ole lilo i ka inu waiona, elike me kekahi mau ano maamau i ikeia iwaena o kekahi poe o iakou o na manawa aku nei i hala. 4 l_ :o . }Ia na heihei au o ka malamaia ana maloko ae nei o ke awa, no oa po pk-o].;. ī hīkī ai la kakou ke ike, he hana paakiki Joa ia Duke Kahanamoku, e līlo i moho no na pahu like ole, aka ua ana wale ia no kona mama no kekahi mau pahu. a pela no hoi me na moho e ae, ma. ko lakou mau pahu iho.