Ka Nupepa Kuokoa, Volume LIV, Number 34, 25 ʻAukake 1916 — PA-HUIA KA HALEHANA LAKO KAUA. [ARTICLE]

PA-HUIA KA HALEHANA LAKO KAUA.

MONTREAL, Aug. 21.—Ua hoopoineia koikoi loa mamuli o ke pahu ia ana me ke kupanaha loa ke kulanakauhale o Drummondville, he kana-hiku-kumamaha mile ma ka hikina aku o. keia kulanakauhale, i ka wa i paliuia ai kekahi halehana lako kaua nui, he hale hana i kukuluia mai ka wa mai 0 ka weheia ana mai o ke kaua, a nahaha kekahi hapa. He ewalu māu kanaka i ike maoj>opoia ka make, a he iwakalua a oi i hoehaia. Aohe i maopopo ke kumu o ke pa-huia ana i keia manawa. Ua hoomaka kokeia ka niivaninau ana, a eia na makai ke huli mai nei no ka poe i hoohuoiia na lakou i hana ia hana. Ua kaohiia na manao o na luna aupuni e kali ana o ka loaa mai o ka hoike mai ka poe mai na lakou e noii pono ana i na mea pili 1 ka hihia. Mamua aku o ke kaua ana he wahi kulanakauhale o Drummondville' i emi ihp ka heluna kanaka malalo o ka 2000, o ka hapanui o na: kanaka ua hoohanaia maloko o na halehana hao, a ma ka hana ana i na kamaa buti ame na kamaa haahaa, na puka aniani a ma ka hana ana i na kaalio. Mahope iho o ke ala ana o ke kaua ma. Europa ua ulu mahuahua loa ae na kanaka m"aloko o ia kiilanakauhale, a ua kukuluia ae na halehana lako kaua a ua lilo ka liana ana i na mea kaua i hana ku mau maloko o ia kulanakauhale.

Ua kiai mau ia na halehana mea kaua me ka makaala loa no ka poe e hoao mai ana e hoopoino ia liana, eia nae, iloko iho la no o ia kiaiia ua loaa iho la no ka poino, ahiki mai i keia uaa nawa aohe ike maopopo e hiki ai ke hooiaia lee kumu o ke pa-liu ia ana ma Ua la i nehinei, he ulia paha a i ole he hana paha na ka poe manaoino, elike me na halehana e ae i hoopa-huia ai ma kekahi o na mokuaina o Ameiika Huipuia.