Ka Nupepa Kuokoa, Volume LIV, Number 32, 11 August 1916 — HOOHALAHALAIA KA OLELO HOOHOLO A ASHFORD. [ARTICLE]

HOOHALAHALAIA KA OLELO HOOHOLO A ASHFORD.

O ka olelo hooholo a ka Lunakanawai Kaapuni Ashford, e hoole ana i ke apono ana i ka inoa o William Williamson, i hoa no ka papa kahu waiwai o ka. waiwai o Mrs. Pauahi Bishop; a e hookohu ana hoi ia Mr. Chas. E. King ma ia wahi, ua hoohalahala ae nei ka papa kahu waiwai i kela olelo hooholo, imua o ka aha kiekie, a ke kakaliia aku nei, o ka oili mai o ka hopena o kela hoohalahala. Ma ka aoao o Mr. Chas. E. King, ka mea i hookohuia mai e ka Lunakanawai Ashford, i pani ma kalū o Samuel M. Damon, i waiho mai i kona noho lala ana no ka papa kahuwaiwai, ua waiho aku oia i kona bona, o iwakalua kaukani dala, ipiua o ka aha, me ke ku hope ana o ka hui New Amsterdam Casualty ! o''lsFu' loka, me ke apono kokeia aria māi ē' kā 'Lunakanawai He bona kela nona ka huina o iwa» kalua kaukani dala, no ka lala hookahi o ka papa kahu waiwai, a oiai aole i lokahi ka hapanui o ka papa, me kela hookohuia ana mai o Mr. King, nolaila ua ku kaokoa no ko Mr. King bona, a ku kaokoa no hoi na bona o na hoa e ae o ka papa. Mahope koke iho o ke aponoia ana o ka bona o Mr. King, i waiho kokeia aku ai he hoohalahala ma ka aoao o na kahu waiwai, i ka olelo hooholo a ka Lunakanawai Ashford, no ka hoole ana mai i ka hookohu o William Williamson, a hoōkohu'aleu la ia Chas. E. King ma ia wahi. Mā ka Poalima aku nei i hala, ua hoea aku o Mr. King imua o ke keenu halawai o na kahu waiwai o ka Waiwai 0 Mrs. Pauahi Bishop, i 'kulike ai me ke kuleana i loaa iaia mai ka aha mai, aka ua hoole ia mai kona noho ana aku iloko o ka halawai a kela papa, me ka hoikeia mai iaia, e hoohalahalaia ana k'ina hookohuia ana,' a aia a ike maopopoia ae ka hopena o kela hoohalahala, ia wa e ikeia ae ai na mea e hanaia aku ana nona. Ua hoike pu ia mai no hoi ia Mr. King, o Williamson, kekahi i loaa olfl kona kuleana e noho. pu mai ai iloko o k.ela papa, ma o ke ku-e ia o kona hookohu. Ala na mea e hoomaopopoia aku nei 1 keia manawa, e hele loa ana keia hihia imua o ka aha o na hoopii hoohalahala ma Kaleponi, no ka mea, ina e kakoo mai ana ka aha kiekie i ka olelo hooholo a ka Lunakanawai Ashford, a ua ku hoi i ka mana ka hokohuia ana o Mr. Iving i hoa no ka papa kahu wai■wai, ua manaoia, e lawe loa aku ana na loio o ka papa kahu waiwai i ka hihia imua o ka aha o na hoopii hoohalahala ma Kaleponi. Ua paa no hoi ka manao o ka ahahui o na hauniana oke Kula Kamehameha, e kupale no ka pono o ka hookohu o Mr. King, a i ole, e hoohalahala aku paha, ina e lioole mai ana ka aha kiekie i ka pōlolei o ka olelo liooliolo a Ashford.