Ka Nupepa Kuokoa, Volume LIV, Number 31, 4 ʻAukake 1916 — BABETIZOIA HE KEPANI I KA HAU HEHEE. [ARTICLE]

BABETIZOIA HE KEPANI I KA HAU HEHEE.

I kulike ai me kekahi meahou i loaa mai i keia kulanakauliale mai Hilj mai, e hoike ana ia i ka babetizoia ana mai nei o kekahi Kepani maluna o ka piko o Maunakea, me ka hau ,elike me kona makemake, aole hoi me ka wai, elike me lia mea maa i ka babetizoia i ka poe apau e ake ana e lilo i mau Kristiano. O ka inoa o kela Kepani o ka babctizoia ana mai nei, oia o Hideji Oyama, i noho mua me ke Kanikela Kepkni maanei nei, aka ua hoi aku nae oia a noho ma Hilo i keia wa. He mau la aku nei i hala, i kela Kepani o ka hele ana aku 110 Honomu, mai Hilo mai, ua komo iho la ka marao iloko ona, e hele aku e hui pu me ke Kepani kahunapule o kela wahi, oia o Rev. S. Sogabc, a imua ona i hoakaka aku ai oia i kona manaoio e lilo i Kristiano, e hoole ana hoi i ka hoomana a kona mau makua, no ka mea ua ku-e loa liela ano o ka hoomana ana, i ka mea a kona lunaikehala e hoike ana iaia, iloko o keia wa naauao. Ua niele pono mai ke kahunapule Kepani, i ka mea makemake e babetizoia i kekahi mau ninau maloko o ka Palapala Hemolele, a ua paneia aku iioi me ka pololei, a ma ia ninaninau ana, i ikeia ai kona kupono, me ka olelo ana mai o ke kahunapule, e hooko mai ana oia i ka hana babetizo inaluna o Oyama. Ma kela wahi i ae aku ai ka mea makemake e babetizoia, a hoike aku la, aole loa me ka wai oīa e babeti;oia ai, aka me ka-hau liehee. Aole no i hopo iho ka manao o ke kaliunapule, aka haawi mai la oia i kona ne, nolaila ua pii like aku la lain noluna o ka piko o Maunakea, aole ia he hana liiaalahi, aka ua hala okoa he mau la ia laua o ka pii ana, mamua o ka hoea aku iluna pono o ka piko 0 ke kuahiwi. Maloko o kekahi mau kipohopolio liilii i loaa ai ka hauhehēe i ke kahunapule a hoomaka mai la oia e babetizo ia Oyama, ma ka Poakolu o ka pulo aku nei i hala, a lilo ae la kela Kepani 1 Kristiano. Ma na hana babetizo apau i lawelaweia ma Hawaii nei, o keia iho la ka mua loa ma ka moolelo, i ikeia ai ka babetizoia ana o keliāhi' inea, me ka h<u hehee.