Ka Nupepa Kuokoa, Volume LIV, Number 31, 4 August 1916 — KUU POKII HELELOA. [ARTICLE]

KUU POKII HELELOA.

| Mr. Lunanooponopono oke Kuokoa, I Welina kaua:—-E oluolu mai oe no'u kekahi wahi kaawale o ka kaua hiwa» hiwa no keia wahi poomanao e kau ae la maluna, i ike mai ai na kini lehulehu o kuu pokii mai ka la puka ma ivumukahi a ka welona a ka la i Lehua. Ma ka la 23 o lune, hora 3 p. m.; i kipa ae ai ka aneia menemene a ke alo ha ole ma ka home o kuu pokii, Mrs. L>a-vid Kalili ma ke alanui Dayton, a lawe aku la i kana o ka uhane, a waiho iho la i ke kino wailua na makou, ka ohana, e paiauma aku me ka ehaeha o ka naau. Ua hoi aku ke kino me ka mea Nana i hana, a waiho iho la i ke kino lepo e hoi ka lepo i ka lepo. Ua laweia aku kona kino no kahi o Silva e hoomaemae ai. Ma ka Poakolu ae kau aku la makou i ka moku me ke kino wailua o kuu pokii a no Hilo ka pahu hopu, ke one hanau hoi o kuu pokii. Ua hoomoe ia aku kona kino me ko makou papa i hala mua aku, ame kana mau lei eha. He kookalii no pule ko-1 na vi»aiho ana i kalii moe a hala wale I aku la ;aole oia i hoohewahewa mai ia ! makou, aole no hoi i poina kona noonoo. I ke kakahiaka Sabati, ua kena mai la kela ia'u e kii i ka Makua Kakolika, ua makemake oia e penikenia. Ua kii aku au i ka Makua, a i ko'u lioi | ana mai, ua ano e loa mai la kela. Ole-1 lo mai la oia ia makou, "Aole au e I ola ana, e make ana au." Kahea mai | la oia i ka ohana apau ame na keiki e ' hele aku e ike iuia. Ike aku la no i ka j noho mai o ke kane, ninau aku la. "How is our poor children?" ;

Luuluu wale ke hoomanao ae ia mau olelo. Hiki mai |ia Makua, a penike nia iho la i kuu pokii, pau ka penike nia ana, ua makempke ka Mak.ua e haawi aku i kuu pokii i ke komunio hemolele, aole nae he hiki, ua ano paupauaho loa mai la kela. O kana olelo hope loa i ka Makua Uhane, "Father you are too late!" a pili iho la koua maka i?o ka wa mau loa. Ma ka la 21 o lune i hanau ai oia he pepe wahine, a ma ke Sabati mai no oia i haule ai. Luuluu wale! Ua hanauia kuu pokii ma Kahua, Hilo, Hawaii, i Maraki 11, 1889, mai ka puhaka mai o ko makou mau makua Alr. ame Mrs. Peter Kaimiaina. Ua hoonaauaoia oia ma na kula aupuni o Hilo ame ke kula. kaikamahine; mare oia i kana kane ia Dayid Kali.li ma Kahua, Hilo, i ka la 10 o Mei, 1908, a mai ko laua puhaka mai he ewalu keil«i, 'elua keikikane, a li'e eoiio leaikimahine, he eha i hala mua aku ma kela ao, a he eha e ola n,ei. He wahine . piha oluolu, he akahai, a he hoopono i ke ano ,o kona noho kaīie ana, lie mea nui ka ohana iaia. Ua haalele iho oia mahope nei i ke kane, na keiki makua ole eha, he mama, na kaikunane. elima, ame a'u kona hanau mua. . - Ke, haawi aku nei makou i ka hoomaikai he nui ia Mrs. fdward Kahale no kana mau kokua i ko makou wa o kailuuluu ame kana. makana lei, a peia hoi na hoaloha apau i komo pu mai me makou iloko o ke kumakena ana no ka makou mea aloha i liala aku, ame ka iakou makana pua. 0 makou iho no me ka luuluu, MKS. JOS. KALAUKOA, Me ka Ohana.