Ka Nupepa Kuokoa, Volume LIV, Number 29, 21 Iulai 1916 — LEO PAIPAI ALOHA. [ARTICLE]

LEO PAIPAI ALOHA.

Ma ka halawai a ka Ahahui Euanelio o na EHalesia Ahahuina o na Mokupuni o Maui, Molokai ame Lanai, i malamaia ma ka hale kahu o ka Ekalesia o Haili, Hilo, Hawaii, ma ka Po akolu, lulai 5, 1910, elike me ka olelo hooholo i ae like ia e na aha mokupuni apau o ke Teritore, ma ke kau o ka itha Paeaina i malamaia ma Kaumakapili, lulai, 1915, i hala; a ma ka hapa hope o ka olelo hooholo, kahi i pili i na aha" mokupuni, penei: " A e noho kela ame keia aha mokupuni, ma ka mahina o lanuan, a i ole o Feberuari paha, a me kekahi la, a mau la paha, ma ka hajja hope o lune, a i ole hapa mua paha o lulai, o kela ame keia makahiki, e noho ai ka aha paeaina, ke ae mai na Ahahui Ekaleaia Ahahuina o kela ame keia Ekaleaia Ahahuina o kela ame Keia Mokupuni o ko Hawaii Paeaina." O ka Ahahui Euanelio Mokupuni o na Ekaleaia Ahahuina o na Mokupuni 0 Maui, Molokai ame Lanai, ua ae aku ia ahahui elike me ka manao o ka olelo hooholo, ma ka halawai a ia aha i malama ia ma ka ekalesia o Wainee, La« haina, ma ka mahina o Maraki, 1916, 1 hala. A ma ka halawai hoi a ia aha elike me ia i hoakaka ia maluna, a mahope o ka noonoo ana a apono i ka hoike a kekahi'komite wae, ua noi ia mai e hoopanee i ka halawai a ia aha, a halawai hou ma ka mahina o lanuari, 1917, ma ka ekalosia o Kaluaaha, Molokai, a ma ka la hoi a ke komite eiwa e hoolaha mai ai. Nolaila, ke paipai aloha ia aku nei na kahu ekalesia, na elele ekaUeia, na kahu kula Sabati nui, na kahu kula Sabati apana ame na elele kula Sabati, ka hope peresidena o ke teritore, na pereBidena o na ahahui apana, na alakai o na pokii ame na elele o na ahahui C. E. a puni na Mokupuni o Maui, Molokai ame Lanai, na keiki sL ka aha i laikini ia, ame na lala mau o ka aha. E na hoapaahana, e makaala i ko kakou mau hana ponoi, e hele mai me ka makaukau, e hele mai me ke aloha, e hoomanao i keia. Ma kahi a ka aha makua e noho ai, malaila no na. aha apau. E hoomanao i ka moto kaulana o ka aina. "O Maui no ka oi, A o Molokai ka heke.'' # E. S. TIMOTEO.