Ka Nupepa Kuokoa, Volume LIV, Number 29, 21 July 1916 — E MALAMA LOA I NA MEA MAKE. [ARTICLE]

E MALAMA LOA I NA MEA MAKE.

« Pinepine no hoi a manuunuu wale na poino i loaa i na kamalei opio mamuli mai o ka makemake o na makua c kuai a e hoolako ia lakou iho me na pu kaupoohiwi ame na pu panapana. , Iko na makua hoolako ana ia lakou iho me keia mau mea make, ua okoa loa ka lakou mea i noonoo ai no ia mea *i kinohi; aka nae, a ka wa o ka pilikia elike iho la me na haawina i loaa aku la i kekahi keiki elike me Ka moolelo e puka aku nei ma kekahi wahi o keia pepa, ia wa iho la, uiu mai la na noonoo hoahewa ma o ka hoohemahema wale ana i na mea make ma kahi e loaa ai i na kamalii i ike ole i Ica hoomaopopo ana ma ka lawelawe ana ia mea make. Ma ko makou noonoo akahele ana i ke kumu maopopo loa i l6aa ai keia poino i keia keiki ma Hanapepe, Kauai, ua hoea mai no ia.mamuli o ka waiho hoohemahema waleia ana o kekahi pu panapana malalo o ka uluna; a i ka nee ana o ka manawa. ua loaa aku la keia mea make i na lima o ke kamaiKl 1 lawa ole ka noonoo kupono no ka hoohana ana ia mea; a lawelawe kela elike me ka nui ?.me ka ikaika o ke alakai ana a ka naaupo i kona noonoo. Ke kau leo aku nei makou i na makua mea keiki e malama loa i ka lakou mau kamalei mai keia mau mea make mai. Ina oe e ka makua e hookuli i keia. alaila, e pono oe e malama aku i kela mea make ma kou poli, a o ka mea aloha he keiki e hookaawale aku oe iaia mai ia. oe aku. Aka, ina aia no kou minamina ame kou aloha maluna o ka hua o kou puhaka, alaila, e kipaku koke oe i kela mea ino mai ka malu aku o kou home. 0 ka mea malama i ka pahikaua, w»hi a ka Buke Nui, e make no auanei oia 1 ka pahikaua. Ke iini nri makou e liiki mai ka wa e loaa ai ia kakou he kanawai oole'a loa no keia hana hoohemahema wale a kakou a na makua.