Ka Nupepa Kuokoa, Volume LIV, Number 28, 14 Iulai 1916 — HE MOOLELO NO POLENA RIKIKONA A I OLE Ke Komolima Mare Nona Kekahi Moolelo Kamahao [ARTICLE]

HE MOOLELO NO POLENA RIKIKONA A I OLE Ke Komolima Mare Nona Kekahi Moolelo Kamahao

"Aole paha kena he manao pololei ou e Waka," alaila akaaka okoa ae la ke kaikamahine opio, me ka i hou ana mai: "Aole loa e hiki ia'u ke mare aku ia Kanale Sevea, no ka mea ua kahiko loa oia, a. he opiopio loa hoi au, aia he mau makahiki lehulehu ka like ole mawaena ona ame a'u. He mea maikai ole kou hoinoino wale ana no i kekahi mea; a auhea oe, aole anei hoi au i hoike mua aku ia oe i ko'u manau?" "O ka nianao hea la ia e Polena? Ke ole au e koho hewa, ma ke ano o kau mau mea i kamailio mua mai nei, aia oe a huli hoi mai, alaila ia wa kaua e mare ai. He maikai no hoi paha ia manao ana pela, aka nae he nui na ulia o ka manawa, aole kaua i ike aku iamua aku nei, a oiai au e kakali aku ana o kou hoi mai, aia mau ka manao hopohopo iloko o'u. no kou lilo aku i ka mea okoa, a anuanu makehewa hoi ke kakali ana aku ia oe e ke aloha.". "Ina u kou manao iho la kena e Waka, alaila, aole no ka paha ou wahi hilina'i iki maluna o'u, no ko'u kupaa mahope o ka'u mau mea apau i hooholo ai, a i koho mua ai hoi?" me ke aea pono ana mai o ke poo o Pōlena iluna, a i hou mai la: "Ina he mau manao kanalua kekahi iloko ou no ko'u oiaio, alaila, ua hana hewa loa mai oe ia'u!" "E huikala mai oe ia'u e Polena," i wikiwiki koke aku ai o Waka, i ka nonoi ana ia Polena, e kala aku iaia. "Heaha no hoi kou kumu e paakiki loa nei. me ka ae ole e hooko inai i keia mea nui hookahi a kuu puuwai e li'a aku nei? "Heaha ka pilikia, ina aole k'aua e kakali ahiki i ko kaua oo pono ana ma ke kanawai elike me ia a kaua i hoolala kahiko ai, no ko kaua mare aku. aka e hooko kaua i keia mea me ka malu loa, me ka loaa ole aku o ka lohe a i ole ka ike paha i ko kahu hanai, no ka kaua mea i hana ai. O keia wale no ka mea e hiki ole ai i kekahi o kaua, ke hahaki i na mea i hoolalaia, a e noho hamau loa kaua ahiki i ko huli hoi ana mai no ka aina nei, a ina ke mau la no ke ku-e o, ko kahu hanai no ko'u lilo aku i kane nau, alaila aole a kaua mea e han'a hou aku ai, o ka hoikeike wale aku no imua o Robaka Sevea, i ko kaua palapala mare, o ka pau ae la no ia, aohe mea hiki hou aku iaia ke hana mai maluna ou, a maluna paha o'u. "O, e Polena, mai hoole mai oe i keia leo uwalo o'u imua ou," me ka hopu okoa ana mai o kekahi lima o Waka, ma ka puhaka o Polena. a hoopili aku la i kana aloha iloko o kona poli. "Malia paha e kapa mai ana oe ia'u i ka hoomanamana, aka me he mea la nae, ke halialia e wale mai nei no ia'u kekahi mea ano nui, ina oe e kaawale aku ana mai ia'u aku, aole loa e hookoia ana ka mare mawaena o kaua, a no ia kumu la, ke makemake nei au e hele kaua e mare malli i keia po, me ka ike ole mai o kou mau hoaloha a pela no hoi me ko'u, aka e malama kaua i keia mea me ka malu loa." "Aole e hiki ia'u ke ae aku i kena manao ou e Waka," wahi a Polena, me ka nana pono ana ae ma na maka o Waka. "Mai hopohopo iki oe i kekahi mea, aka e waiho mai na'u keia mea e hana, e ike no auanei oe i ka holopono, me ka loaa ole o na manao hoohuoi. Maluna iho o'u ka auamo ana i na ko'iko'i apau; a i lohe oe e ke aloha ea, ua hoolala mua au i keia mea, no kekahi manawa ae nei i hala, i hakalia wale no'i ka hooko aku, o ka pau ae la no ia, me ka nui ole o ka hana." "Mai hookikina mai oe eae akir au i kena manao ou e Waka. O ko'u ae ana aku i kou manao, e lilo ana ka'u huaka'i i ka aina mamao i mea maikai ole, e hookaumaha mau ia ana ko'u noonoo i ke ao ame ka po. Aole loa ana e loaa he hookahi minuke oka hauoli ia'u ; oiai nae, o ka'u moeuhane, oWa no ko'u ho(shala ana he manawa hauoli ma keia huakai, o keia paha auanei ka mea e poho wale ai ia manaolana ana." Hoopinana ae la ke kanaka opio .i kona lehelehe iluna, me ka minoaka ana iho, o ke ano mau o ka poe kolohe, a i mai la: "O kou hauoli wale no kau i noonoo ai, ma kau huaka'i no na aina e. a pehea iho la ka hoi au? Pehea iho la au, mahope nei, e noke aku ai i ke kakali hoomanawanui no ka makahiki hookahi a oi, oiai oe e kaahele ana mai kekahi wahi a i kekahi, a e ike ana i na mea kupaianaha he nui ? Aole anei ou noonoo iho, oiai oe e kaawaie aku ana mai kuu alo aku, e hopohopo mau ana au i ke ao ame ka po. no kou lilo aku i ke kanaka okoa?" "Ina o kena wale iho la no na kumu au i hopohopo ai no'u, alaila ke hooia aku nei au imua ou, a imua o na lani, e kupaa mau ana au mahope ou ahiki i kuu huli hoi hou ana m'ai imua ou. Elike me ko'u kupaa mahope ou, ia kaua e noho like nei ma ka aina hookahi, pela mau iho la no ka paa o kuu inanao nou i na wa apau, aole e lilo ka moana akea, i pali nana e hookaawale i ko kaua mau aloha." "(3 kau paha ia e manao nei no keia manawa, aia nae a hoea mai ka hoowalewale, e ike iho ana no oe, i ka hiki ole i kou ikaika ke pale aku." "O ke kaikaniahine e puni wale ana i ka hoowalewaleia mai, ua nele maoli no kona aloha ana i ke kanaka ana i manao ai e lawe aku i kane nana, a ua makehewa kona lilo ana i wahine na kekahi mea." "He maikai wale no kena manao ou. a'u e hoolohe aku la; aka ina he aloha i'o kou ia'u ea, alaila e hooiaio mai oe ia mea i keia wa no. me ke kakali ole aku ahe manawa okoa. O, e Polena, e Polena, aole loa au e hookuu aku ana ia oe e hele no nā aina mamao." Ia Waka i hoopuka ae ai i kela mau olelo, hopu hou aku la oia ia Polena a huki mai la a pili iaia, me ka hoopili loa ana iho i kona papalina a kokoke i kana aloha, a ke honi mai la o Polena, i ka hohono waina o ka hanu o Waka, aia hoi maluna o na maka o ua keiki nei. kekahi hiona e hoike okoa aku ana, i kona hana aku i kekahi mea, e hiki ole ai i ua o Polena ke hoopaakiki mai. "E Polena, heaha no hoi kau e paakiki nei, aole no hoi la, e ae mai oe i ko'u manao, o ka pau ae la no ia, hele ana hoi paha ua wahine i ka holoholo, aohe he mea nana oe e hoopilikia aku, a pela pu hoi au e noho iho ai me ka maha o ka noonoo." Hoao aku Ia o Polena e huki iaia a kaawale mai ia Waka aku, ke puliki loa la nae ua o Wak'a; a o ia ka Polena i ninau ae ai: "Ua hele anei kou aloha e Waka ia'u a hiki ole ke hoomaalili ia?" wahi a ke kaikamahine opio, me ke auhee ana aku o ka maka'u ame ka hopohopo mai iaia aku, a nohoalii ilio la ka oluolu ame ke akahai iloko ona, mamuli o kona manaoio loa, ua aloha i'o maoli no o Waka iaia. "Aole paha ko'u he aloha ia oe, ua hoomana maoli aku no au ia oe. me he mea la. ooe wale no imua o'u i na wa apau. He wahine oe na'u, a kou makuakane i hoohiki ai. aole anei pela e Polena? Ma ia ano t aole anei owau wale no ka mea kuleana ia oe, aole o kekahi mea e ae?" "Ae, ua pololei oe e Waka." "Imua ponoi o kou makuakane, oiai oia e aneane loa ana e haalele iho i keia ola ana. i haawi aku ai oe i kau hoohiki, e mare mai i ke keiki a kona hoaloha oiaio, aole anei pela e kuu aloha?" "Ua hoohiki i'o aku au imua ona e lilo i wahine nau, ina nae e ulu ae ana kaua a lilo i mau k'anaka makua, me ke komohia like o ke aloha o kekahi no kekahi." "Aole anei hoi, ua aloha i'o mai oe e Polena ia'u? Ina ua ike oe ia mea he aloha, aole he kanaka e ae i kupono no ia aloha ou, owau hookahi wale no." "O oe i'o ka'u mea i aloha ai, aole he mea okoa ae, o keia ka'u mea i ike maoli iho ai no ia'u." ; "He eono mahina ae nei i hala. ia kaua e kamailio ana no ko kaua aloha, aole anei o ka hoomaka ana ia o ko kaua hoopalau;.a o kou haawi ana mai hoi ia oe iho na'u

"Ae, ua hoohiki aku au imua ou ia manawa, e lilo no au i \vahine nau, ke oo nae au ma ke kanawai." m O ko kaua ae ana e hoopaa ia kaua iho īiialak) o aelike hoopalau, ua aneane loa no ia elike aku me ko kaua ku ana imua o ke kahunapule a puana aku i na olelo e liooliloia ae ai kaua i hookahi. He wahine oe na'u i keia manawa, ma ko kaua mau manao, fye hookahi wale no mea i koe, o ia ka hooko ana aku i na kanawai oka aina. Aole anei pela ka mea oiaio e Polena?" "Ke apono aku nei au i kena mau hoakaka au, a ke manaoio nei no hoi au, ua like no ka kaua mau mea i hana ai, me he mea la, he kane a he wahine ko kaua ano maoli iloko o keia manawa." "Alaila, aole anei hoi e haawi mai ana oe i kou ae, no keia mea a'u e noi hoomano aku nei ia oe eke aloha? O, e Polena mai hoole mai oe i keia uwalo a'u," alaila kulou iho la ke poo o Waka ilalo, me ka hawanawana ana iho ma kekahi pepeiao o Polena, ka mea nana i hoopupuku ae i kona mau ku'emaka. "E haawi mai i kau pane iā'u me ka hoohakalia ole, no ko kaua hele ae e hooko i ka aelike, e ana ia kaua i hookahi. Eia ka laikini mare me a'u i keia wa, aole e kala kahiko i loaa mai ai ia'u, iloko aku nei o na la i hala, a ua pau.hoi ka'u papahana i ka hoonohonoho, o ka hooko wale aku no koe. kaua hele wale aku no a kii'imua o ke kahunapule, a e hoohui la ae kaua i hookahi, o ka pau ae la no ia o ko'u hoouluhua ana aku.ia oe, a ma ka la apopo, ua hiki ia oe ke hele ma kau huak.a'i me. kou hopohopo ole mai ia'ii, a pela hoi au ia oe." "Olelo mai nei oe e Waka, aole e kala i loaa ai ka laikini mare ia oe, o ka mea oiaio anei kena?" wahi a Polena me ke kahaha. "Ae, e kala kahiko au i hele ai e kii i laikini no kaua e mareia ai. Ina no hoi paha aole e hoolalaia keia huaka'i kaahele a oukou no na aina e, ina no 'aole e hoopiolokeia mai ko'u noonoo, .a koi hoomano aku ia oe e mare mua mai me a'u, mamua o kou haalele ana iho i ka aina nei. Ua pau mua keia mare o kaua i ka hoolalaia e a'u no keia po. "Aia ahiki i ka hora eiwa o ka po, ia wa oe ame ko kaikamahine lawelawe me Ane, e hemo mai ai iwaho o ka liale, a ma ka puka-pa ma ka aoao mahope o ka liale, aia malaila kekahi kaa e ku ana. , "E kau olua me ka hopohopo ole maluna o ua kaa nei, a holo pololei loa aku no ka halepule, kahi e hookoia ai ka mare maluna o kaua, a i ka pau ana no o kela hana, ia wa oe e liuil hoi pololei mai ai no kou hale nei, me kau kauwa, a e hunakele loa aku kaua i keia meahuna t ahiki i ka' wa kupono a kaua e manao ai e hoike ae imua o ke akea. "Aole loa e hiki ia'u ke ae aku i kena nianao ou e Waka! Pehea la oe e hookikina mai nei ia'u, e hooko aku i keia mea?" me ka uwe okoa ana iho o Polena, alaila hooikaika aku la e kaawale mai ka puliki ana a Waka iaia. Nana mai la o Waka me na maka' hulili i ka huhu, liele mai la hoi kona helehelena a haikea pu, alaila kulou mai la imua, paa aku la kekahi lima ma ka lae o Polena, a hawanawana iho la i kekahi mau huaolelo ma kona mau pepeiao, ia wa i ku ino ae ai o Polena iluna, a ku kaawale aku la ma kahi e, me ka i ana mai: "O, e Waka, aole oe e hana ana i keia mea au i kamailio mai nei ia'u!" "Heaha auanei ko'u kumu e hooko ole ai? Ua hoopuka aku nei au imua ou, i ka mea a'u i noonoo ai, a o ka hooko wale aku no ka hana i koe, ke ae ole mai oe e lilo i wahine mare na'u." "Ina pela, akahi au a haawi aku i ko'u ae, aole nae ia no ka maikai, aka, W ole ai e hookoia kekajii mea a'u i apono ole ai. E makaukau i'o ana au ma ka hora eiwa o keia po; aole no paha hoi he ano nui loa o ka hooko e ana i keia hana i keia manawa; ua oi aku ko'u ae ana aku e lilo i wahine nau, mamua o kela hana hope au i hoike mai nei." No kela pane ma ka aoao o ke kaikamahine opio, akahi no a ikeia aku ka mohala maikai o ka helehelena o Waka, me ka lilo ole 0 ka hooko e ia ana o ka mare mawaena o laua, ka ukana kaumaha hoi a Polena e auamo aku ai,'i mea ano nui iloko oka 11001100 o ua kanaka nei, he hookahi mea nui, o ka lilo aku o kela kaikamahine i wahine nana, a pela pu hoi e kuleana mai ai oia i ka hapalua miliona o kana mau dala. Noke okoa ae la o Waka i ka akaaka me ka leo nui, a elike me ke kanaka i uluhia me na manao hehena o ka olioli, i lalau okoa mai ai ia Polena, a hoopili aku la iloko o konā umauma, me ka noke ana iho i ka honihoni, alaila i iho la: "Akahi au a hiki ke olelo ae, o oe kuu lei daimana haule ole," wahi ana me"l<a piha olioli. "Ua ike no au, aole oe i manao e hoehaeha mai i kuu puuwai, a ke lilo ka hoi oe he na'u, ua hiki ia oe ke hana elike me kou makemake, me ko'u komo hokai ole aku, ma na mea apau. E hoi a noho malie, me ka hoomaha ana 1 keia ahiahi,' ahiki i ka manawa i makeinakeia, a ia oe auanei e hemo aku ai ma ka puka mahope o ka hale, e loaa ai he kaapio e kakali mai ana ia oe; a ina aole au e loaa maluna o ke kaa, e hoomanao iho oe, he hoaloha ka'u mea e hoouna aku ana, a e hele pololei loa aku ana 110 au no ka halepule, me ke kakali mai o kou hiki ae." ' "O, e Waka, heaha no hoi ka mea hiki ole ia oe ke hele mai e kii ia'u, aole hoi e kauoha aku i kekahi o kou mau hoaloha?" "O ka'u no ia i noonoo mua ai, owau ponoi no ka mea nana e kii mai ia oe, eia nae ka mea pilikia, he hana ano nui loa ka'u ma kela manawa, nolaila, mai hopohopo a kanalua kou manao no'u, e hiki ae ana au i ka halepule i ka wa kupono loa." "A owai ka inoa o keia hoaloha ou e Walp, e hele ae ana e kii ia'u ?" "Mai noonoo nui oe i kona inoa, he kanaka oia au i ike ole ai mamua, a he oi 'ae ka pono, e noho pouliuli oe iaia, a pela hoi oia nou, no ka mea. ina no ka hoea mai he manawa ma .keia mua aku, e konoia mai ai kaua e hoike ae i keia meahuna, o kaua wale no ka i ike, aole o kekahi mea mawaho aku o kaua. Ua hilinai au maluna 0 keia kanak'a, a ina aole o'u hilinai iaia, e manao ana no anei oe, e ae aku ana au, e kaa aku oe malalo o ka malu o kekahi mea okoa loa? Aole, he mea nui oe ia'u, 'a o ko'u paa wale no i kekahi hana ano nui, ke kumu hiki ole ia'u ke hooko aku elike me kau e manao nei/' "Ina ua hilinai oe maluna'o kela hoaloha ou ea, alaila ua pau ae la no ko'u manao hopohopo," eia nae ke eena wale la no o Polena, no kona halawai me kekahi kanaka. malihini i ka poeleele. "Mai hoao oe e pulapu ia'u e Polena! E hoea ae.oe no ka halepule i keia po, o kakali hewa mai auanei hoi au!" "Elike me kau e makemake nei e Waka, pela no e hookoia aku ai. Ua haawi aku nei au i ka'u hoohiki, o ka hooko wale aku no koe." Hoomaumau hou mai la o Waka, i ka honi ana i kana aloha, me ke kapa ana mai ia Polena ma na inoa like ole; a oiai he nui kan.-.i mau hana i hoolaU ai no .kela mai la. ia Polenar.e hop r kuu aku iaia, o ka haawi ae la no ia o W aloha hope, mawakiia,'6'Hī ipo. a nalo aku la ua o Waka, iwaena o na laau loloa, a nalowale aku la ma kekahi aoao, ke ano o ka hele ana a ka poe aihue, he maka'u i ka hele pololei mai manlua o ke alanui e hoea ai i ka hale. MOKUNA.II. He mea pono i ka mea kakau moolelo ke hoike aku ma ke ano :iui, no keia kaikamahine no Polena Rikikona. He kaikamahine oia 1 haaleleia iho ma ke ano, he mea makua ole, i ka wa he umi-kuma-malima wale no ona mau makahiki. He oihana kalepa waiwai ka hana a ka makuakane o Polerfa, nona ka inoa piha o Apelakona Rikikona, me ka holomua loa o kana oihana iloko o kona mau la opio, me kona hoahui me Kew'uka Leikona. He mau hoaloha pilipaa kela mau kanaka mai ko laua mau la kamalii mai, ahiki wale i ko laua mare wahine ana, hanau mai la hoi ke keiki a kekahi, he kaikamahine, a he keikikane hoi ka kekahi, a i mea e mau aku ai kela noho hoaloha ana, a e mau ai no hoi ka waiho like ana o ko iaua mau waiwai, i hoopaa iho ai ua mau kanaka nei ,e mare ka laua mau keiki a elua, ke komohia like nae ka manao aloha iloko o kekahi no kekahi. 1 ka nianawa i hoomaka ae ai kela mau kanaka e komo ma ka hui kalepa waiwai ua kaa ia Mr. Leikona, ke kuai ame ka hoouna ana i ka hip.a mai Auseteralia mai. he elua manawa o ka makahiki ana e hele ai me kela mau waiwai, a e huli hoi hou aku ai no hoi i Auseteralia. ' '

I ka man'awa nae i pii mahuahua ae ai ka nui o ka laua oihana, ua hoi okoa aku la o Mr. Leikona, a noho ma Kikane, me ka lawe ana aku i kona ohana a noho malaila, he ewalu makahiki, inamua 0 ka hoomaka ana o keia moolelo. < O ko Rikikona wahi hoi e noho ai me kona ohana, maloko ia o Nu loka, 110 ka malamā ana no hoi 1 kela oihana hookahi a laua malaila, Oiai ua kaawale kela mau kanaka ma ko laua wahi i nollo ai, ēia nae ke mau la no ko laua noho aloha ana kekahi no kekahi, me kela manao, e hooikaika nui laua ma ka huli ana i ka waiwai, alaila hoi mai a noho, me ka hooikaika hou ole e hana, aka he hookahi no hana, o ka noho malie, a ai i ka hua o ko laua hooikaika ana. Oiai e hoolala ana no ka nui o ko laua mau pomaikai, i hoolala pu ia ai, ka mare aku o ka laua mau keiki, kekahi me kekahi, a o ke kumu wale no i hooko ole ia ai ko laua mau iini, mamuli no ia o ka make e ana o Mr. Rikikona, he elua makahiki, mamua ae o ka wehe ana o keia moolelo. Mamuli no o ke kauoha ame ka makemake o Mr. Rikikona, ua hooponopono iho la o Leikona i ko laua mau waiwai, a o ke kuleana o ka makuakane, i holo mai maluna o kana kaikamahine, he hapalua miliona dala. Ua hala e aku ka makuahine o Polena, he hookahi niakahiki mamua o ka ukali ana aku o kan'a kane, a ia Mr. Rikikona, i ike ai, āole he loihi o koiia mau la i koe e ola ai, i waiho aku ai oia i ka malama ana o leana kaikamahine malalo o ka malu o ia hoaloha ona, o Robaka Sevea, ka mea nana e hooponopono ana i ka laua oihana, ma na mea pili kanawai lehulehu. No ka hooponopono ana i na waiwai o ka hui, i kono okoa ia aku ai o Mr. Leikona, e'holo mai no Nu loka, a i'a wa i ike ai oia ia Polena, ke kaikamahine a kona hoa hui: mai kela manawa mai, i ikaika loa 'ai kona manao. e hoea mai ka la ana e ike aku ai i ka mare o kana keiki me kela kaikamahine. Me kela manao hoohihi iloko o Mr. Leikona no Polena, e lilo i wahine na kana keiki, i kuai hoolilo aku ai oia i kana oihana ma Auseteralia, me ka manao e huli hoi aku no Nu loka, kona aina haiiau, me kona ohana. Ma kela huli hoi ana aku nae a Mr. Leikona i Kikane, i halawai ai oia me kekahi haawina kaumaha loa, o ia ka loohia ana o kana wahine, i kekahi ma'i ko'iko'i loa, a m.ake he hookahi pule, mamua o kona hoea ana aku. I-le puupuu ikaika loa keia i halawai aku me Mr. Leikona; o kela papahoonohonoho ana, no ka huli hoi aku i Nu loka, ua weluwelu liilii ia, a ua poho hoi kona mau manaolana apau. Aole wale 0 ka make ana akū o kana wahine ka mea ano nui i halawai mai me ia, aka emi mai la ka pomaikai o kana oihana, ahiki i kona lilo ana 1 kanaka ilihune, me ka hoehaeha pu ia hoi o koiia noonoo, no ka haalele iho i kana keiki iloko o ka nele. 0 ke kumu nae nana i hoopokole mai i ke ola ana o kela kanaka, o ia no ka hoikeia ana mai o ka lohe iaia, no ka pau ana o na kaukani pen.a huluhipa ana o ka hoouna ana no Nu loka, i ke ahi, 110 ka mea, aia maluna o kela mau waiwai kona manaolana, no ka hiki iaia k,e uku aku i konā" mau aie, ua lilo kela lono, i me'a e loaa ai oia i kekahi ma'i 1010, a.hūi pu iho hoi me ke kulana kupilikii o kana waiho ana i ka ma'i pilikia ia wa, ua aneane e hiki ole iaia ke hoomanawanui i ka auamo ana i kona mau ehaeha. He maiKmahina lehulehu mahope mai a he eono h©i mahina mamua aku o ka weheia ana o keia moolelo, ua hookahahaia aku o R(Tbaka Sevea o Nu loka, i ka loaa ana aku iaia o kekahi pepainoa o Waka C. Leikona, me kekahi mau huaolelo uuku, e noi aku ana e loaa he manawa e kamakamailio pu ai, maluna o kekahi kumuhana. Ma o ke keiki lawelawe la oloko o kona keena i haawi mai ai 0 Mr. Sevea i ke kauoha. e-hookomo aku i ka malihini iloko, ia wa 1 komo aku ai kekahi kanaka opio, o iwakalua-kumamakolu makahiki, he kanaka opio o ke kulana maikai. 1 k'a wa a ka loio, no ka meap ka'Robaka Sevea oihana ia, i ike mai al i ke kanaka on' . ua haawi koke oia i kana mau mahalo ana, no ka paa rula a kula:ia keonimana oiaio o kela opio, a i kona manawa i lohe akū ai i kona moolelo, o ia ke poho ana o na waiwai o kona makuakane, a haalele iho iaia he mea nele a ilihune, ua hoopa koke ia aku ka uhane o ua kanaka nei, a mamuli no o kana mau hooikaika ana no ka pono o kela kanaka opio, i loaa ai he hana na Waka, maloko o ka hale banako, oiai o Robaka Sevea no kekahi o na iala o ka pap.a hooko o ka banako. MaWaho āe o kela hana kokua a Robaka Sevea ia Waka Leikona, ma ka huli ana i hana nana, ua hookipa pu aku oia i ke kanaka opio ma kona home, a hoolauna aku la imua o kona ohana, a imua hoi o kana kaikamahine hanai Polena Rikikona. Ma kela wa mua loa no i 4Valawai ai na opio, ua komohia koke na manao hoohihi iloko o laua pakahi, a elike me ka hoea rnau aku o ke kanaka opio e ike ia Polena, pela iho la ka pii mahuahua mau ae o ko laua aloha, ahiki i ka lilo ana he hana paakiki ke kaomi ana aku, āme ka hoopio ana aku i ke ahi o ke aloha, e lalapa la iloko 0 kc l.aua mau puuwai pakahi. Ua maopopo no Sevea ka aelike i hanaia e na makua o na opio mamuā o ko laua make ana, eia nae ua palaka pu wale oia, ahiki i ka hoike okoa ana mai o ke kanaka opio, no ka jiui o kona aloha i k£la kaikamahine. Ua mihi o Robaka Sevea i kona makaala ole i ke kaik^mahine 1 waihoia iho ai malalo o kona malu, ua lohi loa nae kona ike ana i kona hewa. Aole no kona he ku-e maoli ia Waka Leikona, no ka mea ua loaa no i kela kanaka opio na kalena kiekie, e haaheo ai kekalii wahine. ke mare me ia, o kona pilikia nui, o ia no ka hoomau o kela kanaka ma ka inu ana i ka waiona, a ina o kona ano mau iho !a ia, aole an'a e nele ka hookaumahaia o ko Polena manao, ina 0 ke kane kela e mare aku ai. No Polena Rikikona nae, ua punihei loa oia i na olelo mali a kela kanaka, a ua haulehia maoli no oia i ke aloha kulipolipo, me he mea la, ua hoopoina ae oia i na mea ;naikai ole apau, e hoea mai ana, ma o kela inu m'au o Waka i ka waiona, a ma kekahi ano no hoi ke nana aku. ua manao loa o Polena, aole ona kuleana, e ku-e ai i ka hoohiki i hanaia e kona makuakane, no kona mare aku i ke keiki a kona ho.aloha. I kinohi no o ko W r aka noi ana aku ia Polena e lilo mai i wahine nana, m'ahope iho o ka hala ana o kekahi mau manawa a laua e hui mau ai. ua haawi koke mai la no oia, i ka ae; a-i ka wa 1 ku'i aku ai o ka lohe ia Robaka Sevea, ua ku-e koke oia. me ka olelo ana ae, ua opiopio loa ko Polena noonoo, ame kona kino, e hiki ole ai iaia ke koho i ka mea pono; a ua ku-e ikaika oia no ko laua paa malalojp kekahi hoopalau, aka e waiho, malie ia ka ninau e pili ana ia laua, ahiki i ke oo ana o Polena, a komo hoi iloko o kekahi mau anaina nui, malia o hiki iaia ke koho i kana kane, me ka naauao, aole hoi me ka pupuahulu. » Ua apono loa o Polena i kela manao ku-e o kona-kahu, no ko laua nei hoopaa koke ana ia laua iho malalo o ka hoopalau; a i ka wa i lohe aku .ai d} i ko Polena manao, ua hoomaka koke oia e hoala mai i na ku-e ana, me ka hapai ana mai i na kumu maikai apau. e hoolohe ole ia aku ai ko Sevea ku-e mai. O kela ka makamua' loa o ka wawahiia ana o ka haupaa. a emi mai la 110 hoi ka paa rula o W T aka, me ka hoike okoa ana mai i kona pikanana maoli, a no kekahi mau manawa ana e hoea mai ai no ka home o Sevea, ua hele a kahi'ohi'o, aole wahi mea a hilahila iho, a i ole hof' ia, wiwo aku paha i ka ona nonā kela home, a i ke kahu h'oi o Polena Rikikona. No ka hiki ole ia Mr. Sevea ke hoomanawanui i ka W'aka Leikona mau ha!na, ua kamailio okoa aku oia v ia Polena i kekahi ahiahi, i ka i ana aku: "E Polenā, ua ike au i kou uwe ana i kela ahiahi aku nei, a no ia kumu i konoia mai ai au, e kuka pu maluna o kekahi mea nou e pono ai. Ina ua hoopilikiaia mai kou noonoo, mamuli o kekahi mau olelo, a māu hana palia ma ka aoao o Waka Leikona, alaila o ka'u e kauoha aku nei, e hoopau loa oe i kou hui a launa pu ana me kekahi kanaka o kela ano. O na kanaka elike me kela ke ano, me ka noonoo nui ole i ka pono o na lede, he makehewa ka haawi ana aku i hookahi minuke e noonoo ai no lakou." 1 il He hana paakiki paha keia ma ko'u aoao e hana ai, no ka mea ua hoohihi hpoli no ko'u na'au iaia; a ua ike no hoi oe. o ke kane kela a papa i makemake ai ia'u e mare aku, aole he kanaka hou ae." (Aole i pau.)