Ka Nupepa Kuokoa, Volume LIV, Number 24, 16 June 1916 — HE HOALOHALOHA NO MRS. ELIZABETH K. HUDDY. [ARTICLE]

HE HOALOHALOHA NO MRS. ELIZABETH K. HUDDY.

Ua like me ka anapa ana a ka uwila i pahola ae ai ka lolie apuni ka mokupuni o Kauai ma ke kakaliiaka nui sSabati, lune 4, 1916 nei, aia hoi, ua kipa ae la ka anela o ka make ma ka home aloha o Wm .Huddy ma Moloaa, Kauai, a lawe aku la i ke ola makamae 0 kana wahine i aloha nui ia, Mrs. Elizabeth Kamaha Huddy, a waiho iho la i ke kino ma kona wahi nau. No ka mea, o ka makuahine aloha i oleloia, he makuahine oluolu, heahea, lokomaikai, a ho puuwai hamama no hoi, no na malihini ame na kamaaina pu no hoi i kipa aku ma ko lau& home aloha. He makuahine hooikaika, hoomanawanui no noi i na hana a ko kakou Haku aloha o lesu Kristo. O ka makuahine aloha i oleloia, he lala a he puuku oia no ka "Hui Aloha Kokua Manawalea,' o na wahine o Koolna i Huiia, mai kona kukuluia ana ahiki i kona moe ana aku la. He *akuahine hoopono maluna o kana hana, a he hooikaika pauaho ole i na hana apau e hooholomua ai i ka ahahui, iloko o keia elua makahiki. E lilo no hoi na hana maikai apau a ka makuahine 1 hala i kiahoomanao poina ole, i na lala apau o ka ahahui i oleloia maluna. Holaila, e hooholoia, o makou o na lala o ka. "Hui Aloha Kokua Manawalea," o na wahine o Koolau i Huiia ma o ko makou mau komito la, ke komo pu aku nei makou ame oukou apau, ke kane i hooneleia i ka mea aloha ho waliine, na keiki i hooneleia i ka makuahine, na moopuna i hooneleia i ke kupunawahine, ame ka ohana no hoi apau, e manikau kumakena, a e auamo pu no hoi i na haawina o ka ehaelia ame ka u i kau iho maluna o oukou apau, me na hoomanao aloha ana aku no oukou apau imua o ka Makua lani me na leo pule, e nonoi ana e hoomaha mai i ko oukou mau luuluu a o hauoli līoi i ka hoomaopopo ana ae, aole ka makuahine i make, aka, e hoomaha wale ae ana no i na inea o keia ola ana, a ala hou mai no i ka wa a ke alii kiokie loa e hea mai ai mai kona noho alii kiekie mai, e hoi aku e noho pu me ia i ka home lani ma o ae. Ka lani kuu home ,aole maanei, Kuu pono, kuu waiwai, kuu pOmaikai e; Iluna no ia ma kahi maemae, Me lesu kuu Haku e maha pu ai. E hooholo hou ia, e haawiia i hookahi kope o keia olelo hooholo i ke kane, na keiki, na moopuna ame ka ohana o ka makuahine i moe, a e hoounaia i hookahi kope i ka nupepa Kuokoa. 0 makou iho no, me na manao kanikau aloha, MRS. LYDIA MEHEULA, MRS. KAIA HANO, MRS. JENNIE HANO, MRS. LILIA KAMAKA-I, MRS. LILIAN AKEKEI.A, Na Komite.