Ka Nupepa Kuokoa, Volume LIV, Number 24, 16 June 1916 — KAA I KA PUALI PILIPINO KA LANAKILA. [ARTICLE]

KAA I KA PUALI PILIPINO KA LANAKILA.

0 ka hookuku paikau hookahakaha ame na hana hooikaika kiuo, i malamaia ae e na pualikoa o ka Puali Kiai Lahui ,o ka Mokupuni o Oahu nei, ma ka la Sabati aku la i hala, ua aha'i ae ka puali o na Pilipino i ka helu ekahi, me ka lilo ana o ke kiaha makana i kela puali, a haule hoi na puali e ae. O ka Puali K ka i kaulike me ka puali o na Pilipino ma na mea apau, a he hookahi wale no kumu o ka oi ana o ku puali Pilipino, a i kaa ai lioi ka makana iaia, o ia no ko lakou paa mau ma na manawa paikau apau. Ma ka liookuku paikau maoli nae, ua aha'i ka puali.K i ka helu kiekie, o keia ka na keiki i hemo o Kamehameha, o ke kumu paha hoi o ko | lakou makaukau loa, o ia no ke a'o ia 0 ka paikau maloko o ke kula; a ma j kahi o ka hele mau i ka paikrfu, i haule ai kela puali, ma ka helu haahaa, eia nae ua kaa ka puali K ma ka helu elua. Ma ka hookuku paikau o ka la 14 aku nei o ka mahina o Mei, ua kaa ka helu ekahi i keia puali, a ina he pa* mau ko lakou manawa paikau, ina aole he mea nana e kaili ae i kela hanohano mai keia puali mai. Ua hoea ae o Kiaaina Pinkham ame na luna aupuiii, pela na aliikoa o na pualikoa Amerika e hoomoana nei ma keia mokupuni, a malaila pu ae no hoi na aliikoa o na pualikoa kiai lahui, mai na mokupuni mai, mawaho ae o Oahu nei, iloko o ko lakou mau aahu koa. Mahope iho o ka hookahakaha paikau ana i haawiia ai ke kiaha makana 1 ke kapena o ka puali o na Pilipino, a pe|a hoi ke kiaha makana i ka Puali K, ke ano, he makana ia no ka helu elua. Ma ka manawa i haawiia jfku ai na kialia makana, i haawi pu ae ai o Kiaaina Piukham, he haiolelo pokole, e hoike aku ana i kona piha me ke ohohia no ka makaukau i loaa i na pualikoa, a ua. makaukau maoli no e kupale i ka wa e komo mai ai ka enemi iloko nei o ka aina.