Ka Nupepa Kuokoa, Volume LIV, Number 22, 2 June 1916 — HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha. [ARTICLE]

HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha.

Kamailio mua aku la nae ua o Adele. e wehe ae i ke koloka, a e kākali oia me ka hoomanawanui, no ka mea e hala okoa ana paha kekahi manawa iaia ma ke kamailio ana me Mr.. Ekoka, māmua o kona huli hoi hou ana mai nowaho o ke ke6na hookipa. . Ke alakai la ke kauwa ia Adele ma kekahi keena nui, alaila huli ae la ma ka aoao akau, ia hoea ana mawaho o kelfahi pani puka, wehe aku la ke kauwa, a kauoha mai la iaia nei e komo aku iloko. He keena nani no keia, e huli pono ana 1 ka paka, a he ahuwale no hōi ke kahawai ke nanaia aku 1 ka lana mai o kona wai uliuli. Malalo pono iho o kekahi puka aniani nui, a maluna hoi o kepoho paipai, e noho ana ka ona home nani, oia no o Hpraki Duluka Ekoka. O kela kino ikaika a kanaka u'i a Adele i ike hope ai maloko o kfc- kulanakauhale o Bosetona, he mau mahina no i hala, ua auhee aku ia mai ia Mr. Ekoka aku, a la ka- helehelena kaumaha maluna o ua kanaka nei, ua hele hoi kona mau papalina a hohoma, a i ka nana aku, ua piha maoli oia me ka ehaeha. Kunou mai la o Mr. Ekoka i kela wa i ike mai ai i ke komo ana aku c Adele iloko, aole nae e hoohewahewaia āku, Jca oiliili aiia mai o ka ula ma kona helehelena, ke ano o ka poe i wiwo, a paweo ke halawai mai me ka # poe a lakou i makemake ole ai, a o ia ka ua keonimana nei i pane mai ai: "Aole e hiki ia'u ke ku ae iluna, a haawi aku ia oe i na hookipa ohaoha ana e Miss Lanaketa, a ke nonoi e aku nei au i kau mau huikala ana mai ia'u. E uwai mai i kena noho a kokoke maanei e jeta no ka lede opio!" Hooko aku la no hoi ke kauwa, elike me ke kauoha a kona haku, a ia noho ana iho o Adele ilalo, ia wa i ani mai ai ka lima o Mr. Ekoka i ke kauwa e haalele mai ialoko o kela rumi, a noho kokoolua iho la o Adele me ke kānaka anā i hiakemake nui ai e ike. "Ke kaumaha loa nei au i ko'u hoea ana mai la, a loaa oe iloko o keia kiilana ma'i, maluna ou. aka malia aole paha i lilo keia hoea ana mai la o'u i kumu e hoopilikia ia aku ai kou rfoonoo," i pane aku ai o Adele, ma ke ano, e hoike aku ana i ka maikai ole maoli o kona noonoo. no kela kulana ma'i o Mr. Ekoka. "Aole i lilo kou hoea ana fnai la i mea hoopilikia mai ia'u, no ka inea ua helu ia ko'u mau la, a ke hopohopo loa nei au, he pomaikai ka hala o ka pule hookahi ia'u e ola aku ai ma keia ao." "Ua puili koke ae la o Adele i kona mau lima mamua o kona alo, no ka mea ua lilo na ōlelo a Ekoka i kūmu e hoopii ia aku ai ka lia ma kona nui kino, ka mea hoi āna i haupu mua ole ai, e hoea mai ana oia. a ike i kela keonimanā iloko o kekahi kulana pilikia loa. "Ke ike aku ua hoohikilele loa iā aku kou noonoo e ka lede opio no keia maū olelo a'u, o ka .mea oiaio loa nae ia. I ka wa 0 ke kanaka i hoopuniia kona mau aoao na mea e hauoli ai oia. e loaa ai i kekahi ma'i. e hooikaika ma na ano apau, e loaa ka palekana; aka no'u nei la, aole i llf?S ka? wftiwai āme ka lako 1 mea hoohauoli mai ia'u, no ka mea, ua kāiliia aku ka hauoli mai ia'u aku, he iwakalua-kumamalima makafiiki i k'aahope aku nei . "He maikai no ko'u ola kino, ahiki fhau p'ule aku nei i liala, oiai au e kuhikuhi pono ana i hana i ke ano o ka hōomaemae hou ana i kuu home nei. iaHva au i hina aku ai mai ka'u ■wahi, e ku ana. a komo pono mai la keKahi kil& iloko o kuu wawae akau, o ko'u pilikia nui ia e noho nei i keia manāwa. Ua hanaia ria mea apau e palekana ae ai au mai ka poino nae, ua lilo kela eha i puka no kekahi ma'i okoa ae e komo mai ai, a i keia manawa, ke nohoalii nei ka mā'i koko awā maluna o'u, a ma ka hoike mai a ko'u kauka, he manāwa wale no no ? u ē haalele i keia ao. "Mai hoopilikia ia kou noonoo, no keia v mea a'ū e kamailio aku nei ia oe e Miss Lanaketa, oiāi o keia ka loa; a ua lilo kou hoea ana mai la i mea no'u e hauoli lo?, ai, Ua aj|i mai no ko'u njanao i kekahi manawa e kauolia aku ia,oe e hele mai,.aka hoomanao ae la nae au, ua nui kau māu aole i maopopo kou iVāhi e loaa aku ai i ka'u leka, a paha, hoopau wale ae la no au ia manao. i>~ • "Heaha ke ano nui o.kau huaka'i e Miss Lanaketa no Duluke Hale nei, no ke koi ana mai no anei aku ia oe i ka moolelo e pili ana ia Cicile Kolokata?" . . ' •*, "Ae. o ke ano ia o ka'u huaka'i, a*fto ka ninau ptl ana aku no hoi kekahi ia oe, .no ka mawehe ana ae ? 'ka* meahuna pohihihi, no ka mare hou ana o kuu makuakane i ka wahine; no ka lua o ka manawa." x ' r '_ • "No ka meahuna i pili i ka mare hou anp o kou makuakane i ka wahine!" wahi a Mr. Ekoka me ka puiwa, alaila hakilo loa mai la i na maka o Adele. # Ua hoomakaukauia mai la kekahiffl ; cmfwyp jpvbgkqjjpjpp "Ae, mahope iho o ko'u ike hope ana ia oe, ma ka mahina o Okatoba aku nei i hala, ua loaa" iho la ia'u kekahi hoike maopopo loa no kekahi hapa o na mea e pili ana i ke ola ana o kuu inakuahine ma ke ano ulia. Ua loaa ia'u ka palapala mare, no ka lilo ana o kuu makuahine he wahine-mare na Walaka K. Lanaketa, a ua pau hoi ko'u pohihihi, no ko'u lilo ana he keiki i loāa mai i ku i ke kanāwai, a ua kuleana hoi au i ka inoa o ke kānaka e o nei malūna o'u, aka nae —" "Ua loaa i'o anei ia oe he mare? Ihea kahi i loaa ai ia oe?" wahi a Mr. Ekoka, me ka hoōikaika ana ae ,e onioni mai kona wahi e noho ana. ' "Ke hoomanao nei no paha oe i kela kamailio ana mai au. no ka pahu lole o kuu makuahine, i waihoia aku malalo o ka malu o ka Ma"damt Papinau ea?" i hoomaka aku ai o Adele e hoakaka i ke ano o ka loaa ana o ka palapala mare o kona mau makua iaia. "Ae, aole au i poina iki i ka'u mau niea apau i kamailio aku ai, i kōu wa i noke mai ai i ka niele, i na mea e pili ana i kou makuahine." "Ua kaa maj kela pahu lole malalo o ko'u malu, he elua ae' nei mahina i hala, a oiai au e noke ana i ka nana i na ukana apau oloko o kela pahu, i kekahi mau leka i mamua a mahope mai o ko laua mareia ana. Ua huna ia kela mau mea apau loa. maloko o ke pakaukau kakau a kuu makuahine, a ma ke ano ulia wale no i loaa aku ai ia'u." .... "Nawai no e loaa ole ia'u, i kuu wa i noke ai i ka huli ialoko o ka pahu lole, eia ka ua huilaia maloko o kela pakaukau, a aole no hoi o'u noonoo iki e nana maloko ola\la. Ua lawe mai au i na mea āno nui āpau mailoko mai o kela pahu, e nalo loa 41 kona ano, e hoopohihihi ia aku ai ka poe e huli aku ana iaia, eia ka aole i'nalo, mamuli o kena mau mea apau au i hoike mai/la. I ka loa» ole ana o kela palapala mare ia'u, manao loa iho -la au aia la ia Mr. Lan'aketa." "Aia anei kekahi kumu ano nui e pono ai, e ike ole ia ae ke ano o kuu makuahine?" "Ua maopopo no anei ia Miss Edita Lanaketa kena mau mea apau au e ake mai nei e ike, a e lohe mai a'u aku?" wahi a Mr. Ekoka me ka pupuku ana ae o kona heiehelena. "Ae, ua ike oia i na mea anau n'n o Va Mike aVu nei ia oe. oiai nae. aole loa he makemake iki iloko o'u. e ike oia. a no kuu maule wale ana no. mahope iho n i-a \ na j kakauia malokn o kela nalapala mare. oia i ike ai i kela palapala. kuu anamo hookahi • na ia o kuu 1100tioo. 110 ko'u pau mekua. o ke kau ana aku o ke kaumaha maluna ona, elike me ia ana e noho mni no\ i keia manawa." alaiU kahe okoa mai la na waimaka mai na lihilihi aku o ua o Adele. "E

hoomanao oe e Mr. o kela palapala mare la o kuu mau ] makua, i loaa ai ka ike ia maua, ua mare hou aku o Mr. Lanaketa i ka wahine, no ka lua o ka manaiwa, he ekolu la mamua ae o ka makt. ana o kuu makuahine; nolaila o kela mare elua ana,,aole ia i ku i kc kanawai, ka mea nana i hoehaeha loa aku i ka manao o Edita, elike no boi me ia i hoehaeha ia mai ai ko'u no ko'u noho pouliuli no ko'u mau makua. "Ae, ua hiki loa ia'u, aka nae—" ua kahamaha e mai la nae o Adele, mamua o ka pau ana o ka Mr. Ekoka mau mea i manao ai e hoike aku: "Ua oi aku mamua o ka'mea hiki ia'u ke hoomanawanui, ke hoomanao ae i ka nui o na haawina hoehaeha i kau aku maluna o kUu kaikaina, no ka mea o na manaolana no kona mau hauoli apau, ua weluwelu .liilii iā, ma o ka hua'i ia ana ae o ka mea oiaio loa no na makua o maua. "Ua hoopalauia o Edita me kekahi kanaka opio, i kona ike ana nae aole i ku i ke kanawai ka mareia ana o kona mau makua, ua hoopalau, me ke kanaka ana i aloha ai; a no ia hana, i auhee aku ke ola kino maikai mai iaia aku, a i keia manawa, he kaikamahine ma'i oia, e loihi ole aku ai kona mau la oke ola ana. Aole he mea nui e ae i kuu noonoo o Adele wale no, oiai ua aie nui loa au i keia j ano o'u iaia, oia ka mea nana i hoopakele ia'u mai ka mana mai o ka Madame Papinau, nolaila ua oi ae kuu makee no kona pono, mamua o kuu makee no'u iho. Mamuli oko Edita hooikaika, i konoia i aku ai.kona makuakane e hapai ae ia'u mai ke kulana kauwa kuapaa ae, a kaulike me ka poe e ae, i loaa na hoonaauao kiekieia. Ina. aole 0 Edita, ina eia no paha au iloko o ka pouli, me ka ike ole" i keia mau mea apau a'u e hauoli nei. "No ko'u pono iho, a no ka pono o Edita, ka mea a'u i aloha aku ai me he kaikaina ponoi loa la no'u, ua hooi ia ae hoi ia aloha 1 keia manawa, mamuli o na mea oiaio i ikeia, eia ka he roatt keiki maua a elua na ka makuakane hookahi, i konoia mai ai au e huli me ka pauaho ole, ina paha ua oki mare ko'u mau makua, mamua ae o ka mare ana aku o Mr. Lanaketa me ka makuāhine o Edita, a i ole he mau mea e ae paha, e kau ole aku ai kekahi kiko eleele o na hoohilahila ia maluna o Edita. "O keia iho la ke kumu nui o kuu hoea ana mai la e ike ia oe e Mr. Ekoka, oiai ma kela hui hope loa ana a kaua, i hoike mai ai oe, aole loa he mea e ola nei ma keia ao, i maopopo i na mea e pili ana i ko'u makuahine, o oe hookahi wale no. ko'u nana ole i ka lauin ame ke akea o ka honua nei., me ko'u nana ole ae i ka nui o na pilikia ame na ke'ake'a. e huli no au ahiki i kou loaa ana ia'u, a hc nani hoi ia, ua hoea mai la au imua o kou alo, ke nonoi aku nei au ia oe me na manao makee, e hoike mai oe ia'u i ka moolelo piha o kuu makuahine. ahiki i kona haalele ana mai i keia ola ana." īa Adele i hoike piha aku ai i ka maiiao nui o kana misiona, me 'he niea la, ua like pu oia me kekahi loio imua oJca aha, e paio ana no ka pono o kekahi mea iloko o ka pilikiia, a ua hoopa ia aku hoi ka uhane o Mr. Ekoka, e hiki ole ai iaia ke hoole mai i ka leo uwalo o ke kaikamahine opio, elike me kana i hana mau mai ai ma na manawa e ae, a Adele i halawai pu ai me ia, a mamua o ka 'hiki ana ia Mr. Ekoka, ke kamailio mai i hoomau hou aku ai no o Adele i kana kamailioana: "Ma kekahi ulia pomaikai' i loaa ia'u, ma ka lokomaikai o kekahi "hoaloha. i hoikeia māi ai. ua pili aku kuu makuahine ia oe, ma ke āno he hoahanau, he mea oiaio anei ia?" "Pehea i loaa ai ia oe kena ike, a nawai i hoike mai ia oe?" wahi a Mr. Ekoka me ke kahaha. "Na Mr. Kolokonā'o Mepika i hoike mai ia'u i keia meā." alaila noakaka aku la o Adele, elike no hoi me ia au e ka mea heluhelu i ike mua ae nei, i na mea apau a ke kahunapule aoo, i hoike aku ai ia Adele, no kana maū mea apau i ike-ai no Mr. Ekoka ame kela kaikamahine nona ka leo nani i ka himeni ana i'lohe ai maloko o ka home nani o Kōnela Ekoka, ka luaui makuakane o Horaki Ekoka. no a maopopp ia'u, ke ano o kau mau mea i hoike ae ai ia't|, oiai kaua ma Bosetona. aia he nui a-he lehulehu wale na mea ) owili pu ia iloko o ka moolelo a'u e ake aku ana e lohe no kttu ma kuahine, e lilo ai ia mau meā i kumu nou e hoowahawaha ,mai ai ia'u. Ua kuhihewa wale iho no au, malia paha o koU kumu o ka makemake ole aria e hoike māi i kekahi mea'iaiu, no kou komo pu ana aku kekahi iloko o kekahi hana, ,e <kau aku ja|« ka hooliilahila ia maluna ou ame kuu makuahine, akahi nae a ho«>kaakaa pono ia kuu maka, no ka pono o Edita ame kona makuakane wale no kau i makee ai, e lohe ole au i na meahuna i piīi aku.i ka mareia ana o kuu makuahine.

"Me ka nana ole nae i ka pono ame ka pono, ole o kau-mau kumu i manao ai, no kou hunakele ana aole e hoike iki mai ia'u, i na mea e pili ana i kuu makuahine, ke,noi hou aku nei au ia oe, t kamailip mai i kau mau mea apau i ike ai, no keia raareia ana o kuu makuakane no elua manawa!" Kulou iho la ke poo o Mr. Ekoka ilalo no kekahi mau sekona, alaila iaia i aea mai ai iluna, haka pono aku la kana nana ana maluna o na maka o Adele, me he mea la, e hoike okoa aku ana, ua hoea mai i ka wa e hookoia ai ka iini a.kona puuwai, no ka lohe piha aku i na mea apau i pili i ka moolelo o konā makuāhine. "No kau noi e Miss Lanaketa, ua hoeā ka mahawa e hiki hou ole iho ai ia'u ke huna i ka mea oiaio, e hoike aku ana au, i na mea apau elike me kau i makemake ai," wahi a Mr. Ekoka me ka hoomanawanui ana iho i ka haale ana ae a na waimaka ma kona | mau lihilihi. j "He mea paha e hookahahaia aku ai o kou noohoo, no ka'u mea 1 nana ai, o ia no ko'u kakau ana i kekahi moolelo loihi e pili ana no' Mr. Walaka Lanaketa ame Cicilia Kolokata, elike me ka'u i ike ai no laua, me kuu haawi pu ana i ke kauoha e hoounaia aku kela palapala i kakauia ia oe, mahope iho o kuu haalefe ana i keia ao, pela pu me kekahi mau palapala e ae, i waihoia aku malalo o ka malu o kuu loio. "Ua ninau nui au no keia mea no kekahi manawa loi-hi, ahiki i kuu hopholo ana iho, aole loa he mea maikai na'u ka hunā ana, me ka hoike ole aku ia oe, i ka moolelo o ka mareia ana o kou mau 'makua. Ua ili i'o mai 'maluna o'u kekahi haaw'ina ko'iko'i k>a, no ka mea ua aloha aku au i kou makuahine me kuu naau apau, a na ia aloha i kono mai ia'u/e hana aku i kekahi hana hewa loa, a'u e mihi nei, me ka walania maoli o kuu naau; a ua hoahewa maoli mai hoi kuu lunaikehala. no ka u mau hana lokoino loa i hookau aku ai luna ou, ma ka haalele ana ia oe, malalo o ka malu o kekahi wahine, i like aku kona mau ano me ka holoholona. ' j "Oiai nae hoi, ua hoea kino. mai nei oe imua o kuu 'alo, nolaila ! e hoike aku ana au imua ou, i na mea apau, he oi aku ia, mamua 0 k( ? u heluhelu āna mailoko mai o ka palapala a'u o ke kakau ana. malia he mau niea kekahi i haule ia'u maloko o kela palapala, e pau pono hoi ia. rna ko kaua kamailio pu ana hē alo ?. he alo' "E wehe ae i ko koloka, a waiho aku maluna o kela noho, nela nie ko papale, no ka mea he moolelo loihi maoli keia a'u e hoike aku ana ia oe, a he kaa nae paha kou i hele mai nei no Duluke : Halb nei ea?" 9 "Ap. maluna mai nei au o ke kaa, me ke kalaiwa. ame kekahi kaikamahine lawelawje, "aia no laua ke kakali mai la ia'u mawaho." Kaomi aku la o Mr. Ekoka i kekahi bele ma o ka hale, a iloko o na sekona pokole loa, i oili mai ai he kauwa Paele. a o ia ka kona haku o ka i ana aku: "E hele aku oe a hoike ia Jefa. e kauoha aku i ke ka.l?hva o ke kaa o ka lede opio nei, e hoihoi aku nploko o ka halekaa. e wehewehe j 1 na lio» a hanai aku me ka hoohainu pu i ka wai, gjaila e hooma-! kaukau mai i mau meaai na Miss Lanaketa me kona mau hoa, 0 I makaukau ai, ,he hookahi horā mai keia manawa aku." Mai hoopilikia i kou noonoo e Mr. Ekoka. ma ka hoomakaukau ana mai i kekahi mau meaai na makou. no ka mea. i hakalia wale no ko makou huli hoi aku no ka hokele, 'i ka oau o kau hoike ana mai i na mea anau a'u i makemake ai; a ma ka hokele no e hoolakoia mai 1 ai ko ma'-'ou mau makemake." ' "Mai hoole mai oe e Miss Lanaketa i keia kono a'u, e noho mai e ai maloko o ka home, kahiko a kou makuahine, i luakaha ai iloko o kona mau 1a pi." me ka ha'uha'u ana iho o Mr. Ekoka e "w*. i a mea i ka niha ilihia, iaia i hoomanao ae āi no ka wahine hookahi a kona ouuwai i aloha ai. ' ' "Ke hoompnao la oe i ka'u kauoha, e hoomakaukau mai i kekaM mau meaai maikai na keia lede opio, maloko o ke keena aina, a pela

hoi me ona mau meaai na ke kalaiwa, ame ke kaikamahine lawelawe maloko o ke keena ai a na kauwa, a e ninau aku i ko laua manawa 1 makemake ai e ai i ko laua aina awakea," i hoomau hou mai ai o Mr. Ekoka i kana kamailio anā'i ke kauwa lawelawe. Haawi aku la no hoi ke kauwa i kana kunou ana, no ka hooko i na kauoha a kona haku, alaila i ka ike ana o Adele, he mea makehewa wale no nona ke ku-e hou ana mai i ka makemake o Mr. Ekoka. wehe ae la oia i kōna koloka, me kona papale, a waiho aku la maluna o kekahi noho, me ka makaukau e hoolohe mai i na mea a Mr. Ekoka, e hoike aku ana ia no kona mau makua. MOKUNA XL. KA MOOLELO A MR. EKOKA. | "I ko'u'manawa he umi-kumamalua makahiki," i hooinaka' īiiai ai o Mr. Ekoka e hoike : i kana moolelo, me ka noho pono ana inai -iluna, me ka pupuu ana mai hoi o kona māu lima, mamua o kona umauma, "oiai ke kaikuahine o kuu makuakane ame kana kane e huli hoi mai ana no ka aina hanau nei, ua māke iho la iaua ma ka moana, mamuli oka poino ana oko laua rrtoku. O ka laua kaika* mahine nae o eiwa makahiki. ua hoopakeleia mai oia mai ka poino mai e kekahi poe, a oiai aole he ohana e ae e waihoia aku ai oia malalo o ko malu, ua kaa mai la kona malama ana malalo o kuu makuakane, a hoi mai la kela kaikamāhine, a noho maloko o Duluka. Hale nei. - "Ō' keia kaikamāhine a'u e kamailio aku nei ia oe, oia no o Cieilia Kolokata. 'he' kaikuahine hoahanau no'u,- a o kou makuahine hoi e Miss Lanaketa. . "Oiai, aole o'u mau kaikaina, a mau kaikuahine paha. nolaila ,1 ka wa o kou makuahine i hoi mai ai a noho me makou, ua hoohauoli loa ia mai ko'u manao. no ka loaa o ko,'il kokoolua e paani pu ai iloko o na la kamalii. Ma ka'u nana maoli iho no iloko o kela mau la i maua e noho pu ana, ua pipili loa aku ko'u noonoo ia Cicilia, a pela no.hoi i plpili mai ai kona manao ia'u, pehea hoi e hiki ai ke aīo ae, e tfili mau ana ka hoi maua i na manawa apau. "Elike'me ka pii mahuahua mau ana ae o ko maua mau kino i ke kanaka makua, pela iho 1a no ka oi aku o ka pioili o ko'u iaia. E heluhelu pu ana maua maloko o ka buke hookaHi, a oiai aole he ku-e mai o kuu mau makua no ko maua hele pu, ua lilo iho la keia- uinili mau o maua, i mea hoohauoli mai i ka manao, owau nae ka'u i ike iho ai. i ka nui maoli o ko'u hauoli. . He hookahi ko maua hele like ānā i ka holo lio; i ka holoholo no hoi maluna o ka waapa. a ma ke ano nuf ke olelo ae, ma kahi a kekahi o maua e liele ai, malaila no kekahi e ukali aku ai. . "I ko'ii ulu ana ae a kanaka makua, ua oi loa aku kuu aloha no kuu kaikuahin'e hoahanau, mamna o ka mea hilei ia'u ke uumi iho, a elike me ke aloha o kekahi kanaka i haawi aku ai i ka wahine a kona ouuwai i li'a mau ai i ke ao ame ka po. pela iho la ke aloha i loaa ia'u no kuu Cicilia. Ika piha ana ia'u ona makahiki he umi-kuma-mawalu, ua hookomo aku 1a kuu makuakane ia'U, maloko o ke ktlla kiekie o lale, a hoi aku la hoi o Cicilia a noho maloko o kekahi kūla noho oaa o na kaimakahine ma Pilikelepia. "Mamua nae o ko maua hoi ana aku e nolio paa maloko o ke kula, a no ka nui palena ole no o kuu aloha ia Cicilia, ua hoike okoa aku la au imua ona i ka meahuna a kuu puuwai e pulama ana. me kuu hoohiki ana akU iaia, aia a nau n'a la o ko maua noho ana iloko o ke kula, ia wa au e lawe maoli mai ai iaia i wahine~na'u, a noho aku maua iloko o ka hauoli, i ke koena aku o ko maua mau la i koe 0 ke ola ana. "la'u e hua'i pau aku ana i ka nyi o kuu āloha iaia, me ka manao, e pāna'i mai ana 110 hoi oia ma kona aoao ia meahuna hookahi, nokē wale mai la no kela i ka akaaka, me ka olelo hoopaani ana mai, e kakali au ahiki i ko'u kanaka makua ana, ia wa au e noonoo aku ai no ka mare ana i ka wahine. Ua koi paakiki aku la no au iaia, e haawi mai i kona ae, aole nae ona-hoolohe mai ia mau olelo. "Aia mau no nae o'u manaolana. e hoea mai ana no i ka la ana e haawi m-" *'* iaia iho, malalo o ka'u mau pulama ana aku. i ko'u nana ae no hoi. aole he mea e ae imua o kona alo, owau hookahi wale no. Ua konoia mai au e kakali me ka hoomanawanui, mālia aia a pau na la a maiia e noho ai māloko o ke kula; a i ko'u wa e noi hou akli ai iaia, o kona wa ia e ae mai ai, nolaila me kela manaolana mau iloko o'ū, no ka hoea mai i ka mahawa e hookoia ai ka iini a kuu puuwai.'ua hoi aku la au a noho maloko o ke kula, a kaawale hoi mai kuu Cicilia mai. "He elua makahiki o ko'u noho ana maloko ō ke kula, ua-hoo-kamaaina ihō 1a au me Walaka. Lanaketa kekahi o na keiki oluolu a maikai no hoi, nolaila, ua lilo iho la maua i mau hoaloha pili , paa loa. O Nu loka kahi o kela keiki, a ika wa i hoomaha liilii ai ke kula i ke kolu o na'makahiki o ko'u noho ana, ua kono okoa aku la au i kuu hoaloha, e hoi maua no ko'u home e hoohala ai i ka wa hoomaha. "O keia ka hana nana i hoopoino mai i kuu ola ana, oiai .nae, ua kono wale aku no au iaia elike me ke ano o na hoalohā. eia ka auanei o ka alopeka keia nana e wawahi iko'u mau maPnaolana apau. He hookahi paha hoi kumu nui o ko'u kono iaia. mamuli 110 ia o konh hoike ana mai ia'u, ua hoopalau oia me Edita Pota, nolaila aole o'u hopohooo iki, no kona hoao aku e pahele i ka noonoo o kuu Kaikuahine, ke ike aku oia i ka helehelena nohea a huapala o Cicilia. "Wahi a Walaka Lanaketa i hoike mai ai ia'u, ua pili pu loa ka waiwai o na makua o Edita Pota me na waiwai o kona makuakane, a mamuli no o ka makemake o na makua i hooholo ai lakou e hoo- ' hui i na keiki iloko o ka berita mare. i mau ai no ka Waiho ana o kela mau waiwai, me ka pilikia ole. Ua aloha maoli aku 110 kekah? I kekahi, oiai 'mai ko laua wa liilii mai no ko laua kamaaina ana ia laua wale ike kaawale ana, ma oka naauao la. Mamua o ka hoi ana ae o Walaka Lanaketa i ke kula, ua kuapo komolima Iho la oia me. Edita Pota; a oiai aole no laua i hoopalau maoli ia, aka nae mawaena o laua iho, me he mea la, ua paa laua malalo o kekalii aelike, nolaila e hoomaopopo mai oe. iloko o ko laua noonoo, me he mea la. ua hnopalau maoli ia no laua." • "He oiaio anei, ua hoopalau mua ia o Mr. Lanaketa me ka makuahine o Edita mamua ae o kona hookamaaina ana me kou kaikuahine hoahanau?" wahl a Adele. "O ko laua ano maoli iho la ia. ma kela manawa a Mr. Lanaketa o ka hele pu ana mai 'me a'u no ko'u honie nei a halawai pu ai me Cicilia; ua pii ae kuu kaikuahine hoahanau mai kela ano kamalii ona. a i ke kulana o kekahi moiwalrrne, pii pu mai la no hoi me kona wahine u'i. O kela mau makahiki ana i noho ai iloko oke kula ka mea nana i hoolilo ae iaia i wahine e ume ia aku ai na manao hoohihi o kekahi kanakā e ike aku ana iaia. "Ua kulike loa no ka helehelena o kou makuahine me kou, me na maka uli poniponi, a he nani ia, ua ike aku la.no oe i-kekii o kou makuahine, aohe a'u mau mea hoii e hoakaka aku ai nona. "Elike no hoi me a'u i kono aku ai ia Mr. Lanaketa e hoi mai me a'u e hoohala ai i ko maua manawa hoōmāha, fpela no o Cicilia 1 kono āku ai i Koiia hhaloha, ōiā ō Miss Beneta,' a no ka pule hookahi, he keu aku ko makou hauoli, o makou eha ka na kanaka e kamailio mau ai, no ko makou piha laiva-le. "Ua hele o Mr. Lanaketa a hoohihi maoli i ka u'i o Cicilia. a e haawi mau ana i kana mahalo iaia, me ko'u ike mau aku ia laua e pili ana ma kela ame keia wahi, me kuu moeuhane mua ole nae, ua hookipa mai au i kekahi iliohae. maloko o ka pa waina o kuu makuakane. He mau mahina nae mahope mai, i ike ai au i ko'u kuhihewa maeli. no ka mea a'u i hana aku ai. "I ka pau ana o ka wa hoomaha, huli hoi aku la rrtaua no ke kula. a pela no hoi riie Oieilia ame kona hoaloha, ma keia noho an.i 0 makou. aole he loaa o ka manawa kuponp ia'u, e hoike hou aku ai 1 ka nui o kuu aloha no kuu kaikuahine, eia. nae, ina iio paha au e nooniele hou aku ana no kona manao, e lilo ana no ia i mea makehewa, oiai e hoahiuhiu mau ana kela ia'u, nawai ole no ka piena eia I ka ua lilo ka noonoo ia Mr. Lanaketa. ' "T ka hoea ana mai hoi i ka manawa e o ke kula, ua kry.o okoa mai la o Mr. Lanaketa ia'u, e hoi maua no kona home. ae rku 1a po hoi au i kona koi mai. a,ia wa au i halawai pu ai me Miss Pota. o kela no kekahi o na kaikamahine huapala, a o ia ka'u i har"vi r'-u ni i ka'u mau hoomaikai ana i ua o Mr Lanaketa r kona laki, i ka Joaa ana he wahine o kela ano. (Aole i pan.)