Ka Nupepa Kuokoa, Volume LIV, Number 20, 19 Mei 1916 — Malama Na Pualikoa He Paikau Hookahakaha [ARTICLE]

Malama Na Pualikoa He Paikau Hookahakaha

Ma ka hookuku paikau o na pualikoa kiai lahui, o ka malamaia ana ac ma ke kakahiaka o kc Sabati aku la i hala, i aha'i ae ai ka pualikoa K i ka helu eka,hi, ma o ka loaa ana i kela pualikoa, na pakeneka he kanawalu-kumamalima, a o ka Puali B hoi ka lielu haahaa loa me na pakenelea he kanalima-kumama-hiku. He umi ka nui o na pualikoa i komo ae ma ka hookuku paikau ana ma kela la, a o ka hopena o kela hana, o ia no ka aha'i ana o ka puali K, o ia hoi, ka puali o na keiki o Kamehameha i leomo iloko o ka 'pualikoa kiai lahui i ke eo. Ma kahi o ka ewalu haneri koa i huliamahi ae ma kela hana paikau hookahakaha, no ka hoomakaukau ana no ka la o Kamehameha, e hoea mai ana, a ma ke ano nui ke olelo ae, aole he mau hoohalahala ano nui e nemaia i kela mau puali, uo ka mea ua hoike mai lakou i ka maamaalea ma ka oihana koa. Oiai nae he mau hookahakaha hoo* maamaa wale no keia, mamua o ka hoea ana mai o ka la kulaia aupuni maoli, e hoolilo ia aku ana na la o keia mau pule ae i manawa e hooiia aku ai ka "makaukau o na puali, ma ka noke ana i ka i kela ame keia manawa.

0 ka puali ukali aku mahope o ka puali o na keiki o Kamehameha, o ia no ka puali o na Pilipino, 0 ko na Pake aku malalo, a pela hoi na puali i kaliiko iloko o ka oihana. Ma ka hookuku lele-pa nae, ua kaa ke eo i ka Puali G, a no kela ame keia mau hana hookuku like ole, i aha'i ai na puali i ka lanakila, i haawiia ae ai he mau makana like ole. He heluna nui o ka poe makaikai i hoea ae ma kela kakahiaka, me ka haawiia ana o na hooho mahalo, me na pa'ipa'ilima mai ia lakou aku, elike me na ano maikai iloko o na puali e hookuku ana ma ka paikau ana, a ma na lealea e ae no "hoi. - Mahope iho o na hana hookuku i huli hoi aku ai na puali apau maloko o ka halekoa, no ka hoomaha ana, a no ka ai ana i na .meaai i hoomakaukauia no na koa. 1 kekahi Kepani e makaukau ana e huli hoi no lapana, mamuli o ka wili mau a ka ma'i akepau iaia, ua hookahaha loa ia kona manao i ka wa a kona hoaloha i nanao iho ai i kana eke dala maluna o ka mokuahi, ua puehu aku i ka aihue, nolaila ua hiki ole iaia ke hoi no lapana.