Ka Nupepa Kuokoa, Volume LIV, Number 19, 12 May 1916 — HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha. [ARTICLE]

HE MOOLELO NO ADELE LANAKETA A I OLE Ke Kaikamahine i Kaa Malalo o na Hookauwa Ana a ka Lokoino, i Kau Nae i ka Hanohano Mamuli o na Lima Kokua Aloha.

Ua piha loa o Edita i ka maka'u, me ka hopohopo pu no kona hoaloha. a iloko o kona mau manao pihoihoi, i holo aku ai a loaa ke kau!a o ka hele huki mai la me ka ikaika, a oiai e kakali ana o ka oili mai o ke kaikamahine lawelawe, ua hoi hou aku la oia ma ka aoao o'Aeiele. e waiho la me ke kupouli o kona noonoo. Ma kela hoi hou ana mai nae a ua o Edita no kahi e waiho malie aku ana o Adele, akahi no oia a haupu mai la no ka apana pepa e waiho ana iluna o ka papahele, alaila lalau aku la oia, me ka manao e nana iho i na mea i kakauia, komo e ana no nae ke kaikamahine lawelawe, alaila kauoha aku la o Edita iaia, e hana mai i kekahi mea e pohala mai ai o Adele: "Mai hopohopo oe no kou hoaloha nei, e pohala ae ana no oia i ka wa kupono," wahi a ke kauwa, a oiai he kino ikaika kona, o ka lalau iho la no ia ia Adele, a hoomoe maluna o ke ko-ki, wehewehe ae la i na pihi o ka lole, akahi no a maikai ka hanu ana ae ā Adele, me ka ī ana aku o ke kauwa ia Edita: , "E hoi koke oe e komo i kamaa no kou mau wawae, o loaa hou mai auanei oe i ke anu, o ka nui loa aku ia o kou pilikia," i ua kauwa nei i ike aku ai i ke olohelolie-o na wawae o»Edita. Ike iho la o Edita i ka pololei o na olelo a ka wahine kauwa iaia, a i kona ike ana mai no hoi kekahi, aole he pilikia o Adele, ke waiho mai malalo o ka lawelawe ana a kela wahine, o ka hoi aku la no ia 0 Edita noloko o ka rumi moe, no ke komo ana mai i lole kupono nona me ke komo pu ana i mau kamaa ma na wawae. Aia no nae ka apana pepa ana i hopu aku ai maluna- o ka papahe!e. ke paa la iloko o kona lima, hooponopono iho la oia, ahiki i ka i>au ana o ka minomino, a hoomaka iho la e nana i an manao i kakauia maloko. a ia pau ana, ua kokoke loa oia e maule, nie kona hooho ana ae i keia mau olelo o ke kahaha: "He mea oiaio loa anei keia? Ihea la keia leka kahi i loaa aku nei ia Adele, a nawai no e ole kona maule? Eia anei au ke moeuhane nei. a i ole he mea oiaio lōa anei keia?" Kuwakuwai ae la ua o Etlita i kona mau maka, me ka manao, ka pohina paha ke*kumu o kona kuhihewa i kana mau mea o ka heluhelu ana, alaila nana hou iho la i ka palapala, he o ia mau no na olelo apau, elike me ia ana i ike mua ai, a pane hou ae la: "He oiaio loa, he kope keia no kekahi palapala mare. no ka mea eia na inoa ke kau nei. i kakau ponoi ia e na mea i ae ia laua iho e hoolilo i hookahi iloko o ke apo o ka mare. Owai hoi ia mea maule ole i ka piha maoli no o keia mea me ka pohihihi, eia ka ua hoea mai i ka akaa ia ana ae o kekahi meahuna pohihihi loa, no ka mareia ;-na Cicilia A. Kolokeka me Walaka Lanaketa, ma ka la 10 o Sepatemaba, 18 —. "Ua aneane e hiki ole. ia'u ke manaoio i ka pololei o keia palaT>ala. eia nae, aole e hiki ia'u ke hoole ae. eia na mea oiaio apau imua T »on<»i o kuu alo. He oiaio anei, o Cicilia Kolokata, ka makuahine Voi o Adele. o ka wahine mua ia a kuu makuakane? Aole anei. he Walaka K. Lanaketa'okoa loa no keia? Aole loa o'u manaoio, he rlua mau kanaka ma ka inoa hookahi, aka o keinb ka makuakane hookahi nana mai o Adele āme a'u','eia ka he mau hoahanau ponoi ]<»a maua!" Xo kekahi manawa. aole e hiki i ua o Edita ke pane hou ae, n<i ka mea ke hoala mai la oia i kona noonoo no ko laua ano o ka noho ana mai kinohi mai, alaila hoomaka hou ae la e kamailio: "\awai no la e ole ko'u aloha iaia. mai kela manawa mua loa ko maua kamaaina ana kekahi i kekahi, eia ka he mau keiki ponoi loa maua a elua, na ke kanaka hookahi. Ua hoohauoli loa mai c»e e Adele ia'u i keia la, a oi aku mamua o ka mea hiki ia'u ke olelo ae. eia ka he kaikuaana oe no'u, a owau kou pokii ponoi loa," alaila hookahe mai la oia i kona mau waimaka o ke aloha oiaio no kona mau makua. ■ , ■ ,( He nani hoi ia o keia ka hoike nui nana i hoauhee aku i na mea pohihihi i pili i kou hanau ana e kuu Adele hoomanawanui, a o oe ponoi ke keiki mua a ka makuakane o kaua, he kuleana hapalua kou 1 kona mau waiwai apau, a e pau ka hele ana e hooikaika kino wahine. elike me keia au e hoomanawanui nei i wahi e pono ai kauā. "Akahi a hiki ia oe ke lawe mai i ke k&naka au i aloha ai, a mare akn iaia he kane nau, a ma ka la auanei au e kapae ae ai i ka inoa Lanaketa mai ia oe aku. o ka la hookahi no ia a kaua a elua, e waiho aku ai ia inoa, a lawe mai i mau inoa hou ko kaua, a ola aku iloko o ka hauoli a kaua i li'a mau ai i na manawa apau." Komo awiwi iho la oia i kona lole, me na kamaa, a i ka lohe ana akn i ka leo o Adele. e kamailio ana i ke kauwa, akahi no a hoi pono mai la kona noonoo maikai, ia wa i oili aku ai oia iwaho, aia hoi ka minoaka ma kona mau papalina, me kona hele pololei loa ana aku. a apo ae la i kona lima, ma ka a-i o Adele, pane aku la me ka leo oluolu: "Ke ike aku nei au, ua pohala ae oe, mai kekahi haawina, nana i hoopilikia loa mai i kuu noonoo. He keu ka hoi ko'u hikilele, no keia kumu o kou maule ana, eia ka o ka nuhou hauoli la, o ka.mea ka ia nana e hoolilo i kou kino ikaika i mea ole!" me ka honi ana aku o ua o Edita i na lehelehe o ka mea ana i lawe mai ai i kela minuke, he kaikuaana nona, aole hoi he hoaloha. Xana pono mai la o Adele maluna o Edita me ke kahaha, aole i maopopo iaia kela nuhou maikai a Edita i kamailio aku ai, alaila pane hou aku la q Edita: "Ua loaa ia'u kela apana pepa au o ka ike ana i na mea i kauia maloko, a ua ike i na mea apau—" aole nae i pau pono aku ka Edita mau mea i makemake ai e kamailio mai, ua kahamaha e aku la o Adele, ma ka pane ana mai: "E hamau, mai kamailio nui ae oe," i hawanawana aku ai o Adele ma ka pepeiaQ o Edita, me ka awilri ana mai hoi ma kahi o ka wahine lawelawe e npho aku ana, a i hou mai la: "Ua maikai loa au i keia manawa, e olelo aku ōe i ke kauwa, ua pau ae la no kana hana. e hoi oia a e waiho mai ia kaua wale no maleko nei o keia keena!" Ma kahi nafe o ka hoike ana aku i ka wahine kauwa. elike me ka Adele i kamailio aku ai, ua kauoha aku la o Edita iaia.e hele noloko o ka hale kuke, a e lawe mai i pola ti. me ona meaone na Adele, a i ua wahine nei i kaawale aku ai, hopu hou aku la o Edita ma ka a-i o Adele, a me ka leo oluolu, o'ke aloha hoahanau oiaio, kamailio hou mai la: "Ke nana aku i kou helehelena, he keu aku a ka nui o kou kailmaha, aole anei i hoohauoli ia aku kou manao, mamuli o ko'u lilo 1 aku he kaikaina nou? Ua loaa ia'u kela palapala hookahi no paha" au i heluhelu ai, a maule ai oe, eia ka o. kpu ipakuahine, ka wahine' mua a papa i mare ai. Aole anei he nuhou hooh'alioli mai keia ia kana? O papa kekahi e hoohauoli ia, o kona hala wale ana no ma kela ao. me ka maopopo ole o keia mea. "Ua nana mau aku no au ia oe ma ke ano he kaikuaana no'u, oiai kaua e hele ana ma ka inoa o pana: aole loa nae au i mua. e hoea mai ana he wa no kaua a elua e ike ae ai i ka mea oiaio loa. no ko kaua lilo ana he m? 1 i Ve ; ki ra ka makuakane hookahi. "He hookahi mea nana i hpokahaha 'na m*».. i ko'u o ia no ka noho ana o kou makuahine ma keia wahi, a kaawale hoi kou makuakane ma kahi'okoa loa: a o >eka*v k"r»n : ainV. a . ia no ka mare hon ana akii o ka napa i ko'u makuahine." alaila hooki honua wale iho la no o E4ita i kana kamailio ana aku, no ka mea

komo mai la kekahi noonoo maikai ole iloko ona, alaila ku ae la iluna, me ka hoike okoa ana īnai o kona helehelena i kekahi ano maikai ole. "Ea, heaha ke ano o keia m«a a kaua i ike ai i keia la e Adele?" Hopu malie mai la kekahi lima o Adele ia Edita a huki» aku la a pili ma kona aoao, me ke kamailio ana mai me ka leo oluolu loa: "O ka mea a kaua i ike ai i keia la, aole ia he wahi mea uuku, aka he mea nui loa, a'u e hoolana aku nei i kou manao e Edita, e noonoo kaua i keia mea me ke akahele, a e kukakuka hoi mawaena o kaua iho, malia pela e maweheia ae ai na pohihihi no keia kumuhana ano nui. . "Ke kaumaha loa nei au, no ka loaa ana o kela palapala ia oe, a ike hoi oe i na mea apau maloko olaila. Ua like me kekahi uwila mai ka lani mai, i anapu ae a'pa ma kuu kino, pela iho la ko'u ano ma ka manawa a'u i ike ai i na mea apau i pili i ko'u mau makua, a nawai e ole ko'u maule, i kau a mea o ke ano e maoli, o ka oili ana ae nei o keia mea oiaio. Ke kaumaha nei no hoi au, i ko'u maule ana, ina nei no ka hoea ole mai o kela haawina maluna iho o'u, ina ua hunaia e a'u kela palapala e ike ole ai 'oe i keia meahuna." " "Alaila ua manaoio anei oe, ua hana hewa loa aku kuu makuakane? Ua pili anei ka hewa mare iaia?" wahi a Edita, me ka hele piai la a kunahihi kona mau maka. "E kamailio kaua i keia mea me ke akahele loa, a mai hoopihoihoi i kou- noonoo, o lilo auanei ia i kumu nou e ma'i ai," i hoomalielie mai ai P Adele ia Edita. "E noho iho oe ma kuu aoao nei, ā kamailio kaua me ka hoala ole mai i na manao, e lilo ai i mau mea hoopilikia mai ia kaua!" "Alia, e kakali iho oe pela," me ka huki ino ana aku o Edita i kona lima, mai ka paa ana a Adele, a holo aku la noloko o ka rumi moe, aole no hoi i emo iho oili hou ana me kela palapala mare iloko o kona lima. Aia ma ka Jielehelena o Edita ma kela hoea hou ana aku imua 0 Adele, na haawina o ka eHaeha ame ke kaumaha, aole nae o Adele 1 hoohewahewa i ke kumu i hoea inai ai ia haawina maluna o kona hoaloha, ua kulike aku no ia me na haawina i loaa iaia, i kona manawa e noho ana me ka pohihihi no kona mau makua ponoi. "Auhea oe e Adele, eia kela palapala mare, a maloko nei ka.ua e ike ai, ua mare aku kuu makuakane ia Miss Cicilia Kolokata ma ka la 10 o Sepatemaba, 18 —, a he ekolu nae makahiki ma ia hope mai, ua mare aku la oia i kuu makuahine, mā ka la 16 o Dekemaba, 18—, elike me ka hoike maloho o keia palapala kono," alaila waiho aku la oia imua o Adele, i kekahi pepa i loaa aku iaia iwaena o na palapala a kona niakuakane, he elua makahiki mamua aku. "E noonoo pono mai oe e Adele. ma kela leka a kou makuāhiue a kaua i ike ai, aole oia i make i kela manawa i mare hou ai kuu makuakane i kana wahine elua, aka he ekolu la mahape mai o ka hookoia ana o kela mare, i make aku ai kou makuahine. O e Adele, aole anei e hiki ia oe ke ike mai, o ke kulana i kau'āku maluna ou. ka mea au i kapa mau iho ai maluna ou, he kaikamahine i nele i ka inoa, o ko'u ano aku ana ia? O ka mea a'u i kapa aku ai he makuakane no'u, o oe o kaua ke kuleana e lawe ae ai i kona inoa? alaila noke okoa iho la o Edita i ka uwe nle ka piha i ka ehaeha. "O kela mare ana o ko"u mau makua, aole ia i ku i ke kanawai, a he keiki au i loaa mai ma ke ano hewa, aka o oe e Adele hookahi wale iho no ke kuleana e o aku ai o ka inoa Lanaketa aole hoi owau.O na waiwai apau o knu makuakane, aole loa o'u wahi kuleana iki, aka nou ia inau waiwāi aoau, akahi nae au a hoomaopopo i keia manawa, i ka nui maoli o ka ehaeha au i auamo hoomanawanui ai iloko o na la apau o kou ol.a ana." Me na lima aloha puili mai la o Adele ia Edita', no ka mea ke noke la o Edita i ka uwe. a o ia ka Adele i pane aku ai: "E hoomanawanui e kuu Edita aloha, a mai hookaumaha i kou noonoo, malia aia kekahi kuhihewa nui, ma na mea' e pili ana i keia mau la, i hoakaka ia ma keia mau palapala. He mau mea a'u e noonoo nei, ina e hiki ana ke hooiaioia. ka pololei i keia mau la, alaila aia-hou aku no he mea pohihihi, a'u e mana'pio nei, he kanaka okoa loa aku ka mea i mare i ko'u makuahine, malia he hoahanau oia no kou makuakane, e kukakuka nae kaua i keia mea me ke akahele loa. . . . "Mai hoao oe e Adele e hoomalielie mai ia'u, 'njcTka mea ua ike no oe, o kau mau mea e kamailio mai nei, ua ku-e aa i kou lunaikehala. Mamuli o kou manaoio āna, o ke kanaka a'u.i kapa mau aku ai iaia, he makuakane no'u, o ke kanaka hookahi po ia i mare aku ai me kou makuahine, pela iho la i maule ai oe; ā ke hoike okoa mai nei ko'u lunaikehala, o kaua a elua, he mau keiki kaua na ke kanaka hookahi. no ka mea aole loa he. elua mau kin.o kanaka, me ko laua mau inoa like loa ma na ano apau." ' . . "Ina ua pololei kena mau mea au e kamailio mai nei e Edita, malia ua loaa palia ke ku-ee ana mawaena o ko'u makuahine anīe kou makuakane, a mamuli mai o kela ku-e i hookomoia ai he hoopii oki mare, a ua hookaawaleia laua malalo o ke kanawai, mamua ae o ka mare hou ana o Mr. Lanaketa i kou makuahine." ' "Aole loa he mea o kena ano i hanaia e kou mau makua; aole anei ou hoomanao i kela leka a kou makuahine i kakau ai, me ka pau pono ole, e olelo ana 'e kuu kane aloha,' ame na huaolelo e hiki ole ai ke hoohewahewa ia aku ka nui makee maoli o kou makuahine no kana kane? "E hoomaopopo hou mai oe e Adele, i ka.noho aloha o kou mau makua, oiai laua e kaawale ana, mamuli o kela hapa o ka leka a kou makuahine e olelo ana: 'Nani ka iini o kuu puuwai, e pau kela hana au ma Europa, i hiki ai ia oe ke huli hoi hou mai i ke alo o kau wahine ame kau bebe.' Ma Europa i'o kuu makuakane iloko o kela manawa. a ua mare aku hoi me kuu makuāhine, he ekolu la mamua. ale o ke kakauia ana o kela leka, e ola ana no kou makuahine. "Ua hiki ia'u ke nana aku i na.mea apau i hanaia, me he aniani kilohi la. Pehea la kuu makuākane i hoao ai e hana aku i keia karaima ino loa, ma ka mare ana me ko'u makuahine, me kona ike no, he wahine no kana e ola ana ia manawa? O ka h«wa ana i hana aku ai, me ka hoomaooopo ole, na'u auanei na kana keiki, e auamo aku me ka ehaeha. O ke kanaka a'u i nana mau aku ai, he makuakane aloha, he kanaka i piha i ka oluolu ame ka makee no ka pono o kana kaikamahine nei, eia ka oia kekahi o na kanaka ino loa iloko o ke koloka o ka hookamani." "Mai hoopuka wale aku oe e Edita i na olelo e hoinoino wale ana i kou makuakane, a makuakane hoi o kaua, aka e hoomanawanui a e uumi i na manao maikai ole.apau, a e l)oea mai ana no i ka manawa e hoauheeia aku ai ko kaua pohihihi uo keia mea. Ua nana aku kaua maluna o Mr. Lanaketa, ma kekahi ano', he keonimana, i piha me ka oiaio ame ka pololei, e makee ana i ka pono, a'u no e manaoio nei. aole loa oia i hana i kekahi mea o keia ano, ma ka mare ana. oiai no kana mau wahine a elua ola ana. O ka'u e manaoio nei, aia kekahi mea oohihihi i pili aku i keia mare elua ana o kou makuakane i ka wahine: a, me he mea la elua keia mau kanaka ma ka inoa hookahi. Uā hoehaeha mai oe e Editā i ko'u manao. ma kou hooili wale ana aku i na ahewa ana maluna o kou makuakane, kekahi o na kanaka maikai loa a'u i ike ai, e loaa ole ai kona lua." Ua Ike no n»e ua o Adele. aole e hiki ia Edita ke aM ae mai kana mau mea o ke kamailio ana mai, no ka mea ina no ka pohala koke ae o ua o Adele mai kona maule ana, e hunakele loa ana oia i ka palapala mare o kona mau makua. me ka hoike ole aku ia Edita, ua o' kona hele ana mē ka inoa ole. mamua o ka hoenaeha ana aku i ka manao o ke kaikamahine a kona hoopakele. Aole loa he kanalua iki iloko o ua o AePele. no kona lilo ana he ' eiki i mai e' na makua i mareia malalo o ke kanawai ,o ia hoi o eieilia Koloka+a ame Lanaketa. me ike nn-nae i ka oiaio. e hoao mau ana oia e kupale no ka pono p Edita, elike me kana e ike ai ma kahi o na mea e kau ole aku ai ka hoohilahila maluna o Edita. ! "He hookahi wale no kanaka ma ka inoa o Walaka K. Lanake- j ta, aole he elua." i mau mai ai no'ka Edita kamailio ana no konai "He hookahi wale no ohana o napa. he >1.11 make r>o nae oja- i i*r>na kamilii. a oia h'ooVahi wale no ka i I ola m-u o kona ohana," alaila hoololi ae 1a ua o Edita i kana mea e katriailio mai ai. ma ka ninau ana aku: "Ihea i loaa ai keia palapala nin-« in oe e Adele?" Eu ae la o Adele a hele aku la no kahi o ke pakaukau, me ka lawe

ana mai i kahi pakaukau a kona makuahine, me ka hoakaka ana aku i ke ano i loaa ai o kela palapala mare iaia, elike no hoi me ia au e ka mea heluhelu i ike mua ae nei. "O ka palapala mare wale no anei kā mea i loaa aku ia oe, aole he mau mea okao ae kekahi?" "Ae, o keia wāle 110 ka mea i loaa ia'u, me ko'u hoopuiwa loa ia mai, no ka mea ia'u e hoao ana e wehewehe ae i keia wahi pakaukau, ia wa i haule honua mai ai ka palapala mare, eia ka o keia ka meahuna i pili loa i ko'u hanau ana aine ko'u mau makua." "E nana mai oe e Adele, ua like no keia aoao o ke pakaukau, me kela aoao, ua nana no anei oe maloko o kela aoao?" I "Pehea hoi e hiki ai ia'u ke noonoo no kekahi mea okoa aku, o i keia palapala wale no ka mea nui, i kuu wa i ike iho ai i na mea i kakauia maloko, a mahope aku o kela manawa. ua maule aku la au, me ke kupouli a maopopo ole o na mea e hoopuni ana ia'u." "Malia paha aia hou aku kekahi meahuna maloko o kena hapa o ke pakaukau, e wehe kaua e nana e Adele, mamua hoi o ko kaua hoao ana aku e imi i kekahi mau mea e hoauheeia aku ai na pohihihi no kou ohana." Aole he makemake maoli o Adele e wehe i kekahi hapa o ke pakaukau, o oili hou ae auanei ia mau mea hoopioloke noonoo, aka no ka hooko ana aku nae i ka manao o Edita, ua wehewehe ae la oia i ,na kui ko-lu i hoopaaia ai ma na kihi eha o kela hapa, a i ka hemo ana ae, aia hoi, e wāiho ana he kii, me kekahi mau leka eha ka nui iloko. O Ēdita o laiia ka mea i lalau koke aku i ke kii, a mahope iho o kona nana ana iho no kekahi mau sekona, i hoomaka ae ai oia e kuwo, a huli aku la ke alo i kahi e, me ka hookahe ana aku i kona mau waimaka, me ka ehaeha. Lalau aku la hoi o Adele i ke kii e paa ana iloko o ka lima <f. Edita, a i kona nana ana iho, aia hoi, e waiho ae ana ka helehelena 0 Walaka Lanaketa, iloko o kona mau la opiopio, o iwakalua-kuma-malima paha makahiki, a ma kona aoao hoi, kekahi wahine opio, niina na makahiki ma kahi o ka iwakalua, a ua o Adele i koho iho ai, o ka helehelena ia o kona makuahine. \ Me ka maha o kona noolloo. i hoopili ae ai o Adele ike kii ma kona mau lehelehe, alaila lalau aku la i na leka e waiho atia iloko o ke pakaukau, me ka noonoo nui ana iho iloko ona, i ke kumu i haalele ai o kona makuakane i kona makuahine. Aole no he mau mea ano nui mploko o kela mau leka. he ho<v kahi nae mea a ua o Adele i ike koke iho ai me ka hoohewahewa o!c. !'aikanjahine poUoi loa oia na Mr. Lanaketa. a ma ia ano, he ku'eana kona i na waiwai apau o ke kanaka ana« i nana mau aku ai 1 kinohi, he hoaloha a he hoopakele nona. Ala mai la ka manao hoonaukiuki iloko o Adele no kona lilo ,'ana i mea nana e hoopilikia aku i ka noonoo o Edita, aka nae aia ;Moko ona. ka manao. aole loa oia e lawe mai ana i hookahi keneka j o na dala a Mr. T anaketa, aka e waiho aku ana no'oia i kela mau I waiwai apau no Edita, no ka mea ua aloha maoli no kela kanaka ! iaia, inamua oia nei. j ,Akahi no a ala mai na hoomanao ana ilokn o Adele. malia o i kela iho la ke kumu nui i hunakele loa ai o Mr. Ekoka, mai ka hoil *e mai iaia nei. i ka moolelo i pili aku i kona mau makua. no I ka makemake ole o kela kanaka e huai'ia 'ae ka oiaio, oia maoli 110 ke nololei a Mt\ Lanaketa, a malia he kumu okoa aku no paha, aol& nae he maopopo iki iaia o ia mea. MOKUNA XXXViī. HOLO HOU O \ADELE NO KA lIEMA. Mahope iho o ka hoi pono ati« mai o na noonoo maikai iloko o na kaikamahine opio, ua noke iho Ia laua i ke kamailio ma kela ame .keia mea, aole no nae' he loli ae, mai na mea oiaio mai, i pili loa 'aku ia laua, a no Edita hoi ua nui maoli kona kaumaha, elike 110 paha me ka poe apau e ike ana, aole i pono ka mareia ana o ko lakou mau makua. Ua loli loa ko laua kulana mai ko laua mau ano kahiko mai, o ia hoi ua kaa aku la ka hauoli ia Adele, no ka hoauheeia ana aku o na ao hakumakuma e hoopoluluhi mau ana iaia. "He mea makehewa wale no ma kou aoao e Adele, ka hoao ana mai e pale ae i ka mea oiaio," wahi a Edita, i ka wa & Adele i olelo aku ai, e noho no laua pela, e hoomanawanui ai, malia o hoea mai no i ka manawa e hoopauia ai ko laua kanalua, no ke ano o ka mare ana o Mr. Lanaketa i ko laua mau makuahine. "Aole loa e hiki ia'u ke alo ae mai keia mea oiaio loa imua o ko 'kaua mau maka, ,no ko'u lilo ana i keiki poo ole, a o oe e Adele ke keiki a Mr. Lanaketa, a e kakau koke aku ana au i kuu loio ma Nu loka, me ka hoike ana aku iaia i na mea oiaio loa, a e hoihoi ae i na waiwai apau i manao mua ia no'u ma kou inoa, me ka hoouna ana. mai i kou kuleana o ke dala i kela ame keia mahina. "Mai hana naaupo oe e Edita, elike me kau e manao nei, o oe a owau wale no ke ike i keia mea, aole e hoike wale aku i kekahi mea mawaho aku o kaua, no ka mea aole keia he hana uuku, aka he mea nui loa keia, a'u i makemake ole ai, e ike wale mai ko ke ao nei, i na mea i loaa ia kaua i keia la. No kela manao 011, e hoihoi mai i na dala apau a kou makuakane na'u, ke hoole loa nei kuu lunaikehala, i ka hoopa ana i hookahi keneka o ia mea. Pehea 1a oe i hoao mai ai e hoehaeha i kuu noonoo, me kena manao ou ? O ka manao maoli o kou makuakane, o oe ke kuleana i kona mau waiwai apau, lia ike oe ia mea, a o kaua no a elua, nolaila aole a kaua kamailio ana no ka mea i hanaia e kou makuakane, a e ka makuakane hoi o kaua. "Heaha ia mea he kanawai i ko'u manao, he hookahi wale no mea nui, o ia ko'u nana mau aku ia oe, he kaikamahine na Mr. Lanāketa." "O, pehea la e hiki ai ia'u ke ae aku i kou manao e Adele? Aole anei ua ike mau no o papa, aia he wahine hou ae, me ke keiki e ola ana, a o kona hoao ana e lawe hou aku i wahine nana, ua hana aku oia i kekahi hana i like 'aku ka hewa ame ke ko'iko'i me kekahi karaima pepehikanaka?" "Alia oe e Edita e hOoili wale aku i na ahewa ana maluna o Mr. Lanaketa, ua nana aku au maluna ona, ma ke ano oia kekahi o na kanaka oluolu, a makee mau i ka pololei, malia aia kekahi pilikia ma kekahi wahi, a ka.ua e wikiwiki wale nei i ka hoahewa ana maluna ona." "No kou paakiki loa hoi e Adele ea, pehea aole anei hoi he mea pono e mahele hapalua ia keia waiwai mawaena o kaua, mamua o kou hoole loa i ka lawe aila aku i hookahi keneka. "Aole a kaua kamailio hou ana maluna o keia kumuhana i keia manawa, aka e hoomanawanui no kaua, a malia o hoea mai no hoi kekahi manawa, e hoopauia ae ai keia pilikia nui," "Akahi a hiki ia oe ke mare aku ia Harola e Adele, ua hoauheeia aku la kekahi ao nana i alai ae i kou -ola ana, 110 ka mea iloko o kou hoke mau i ka hoole, aole e mare aku i kela kanaka opio, ua hiki hou ole ia oe ke hoole i keia wa, a o ka'u wale no e olelo ae ai, e komo aku olua iloko o ko olua hauoli> ana/' O keia no kekahi o na mea mua loa i oili ae iloko o ka noonoo I o Adele, iaia i ike iho ai, ua mare pono ia kona mau makua, a he keiki hoi oia i loaa mai ma ke ano i ku i ke kanawai, a i kela kamailio ana mai a Edita 110 kona mare aku ia Harola, ua hohola ae la' ka ula ma na papalina ō Adele, a o ia kana o ka pane ana aku: "Aole i'o e hiki hou ana ia'u ke hoole aku i ke koi mai a kela kanaka opio, e mare aku au iaia, aka aole nae ia he hana na kaua e pupuahulu ai, ua hiki na ke hoomanawanui ia ahiki mai i ka wa kupono. ' Aole īoi ua o Adele i manao e hoike aku ia Harola, no ke auhee ana aku o na mea hoohihia i nili i kona hanau ia ana, no ka mea i kona hana ana aku pela, e ikeia ae ana. eik ka aole o Edita he kaikamahine i ku i ke kanawai, aka oia kekahi o na kaikamahine i loaa mai ma ke ano hewa. nolaila aole he pono e lohe wale ia keia meahuna a laua wale no i ike iho la. Ua n?na aku na mea apau i kamaaina ia Mr. I.anaketa. ma ke ano oia kekahi o na kanaka maikai loa, a ua kapa aku no hoi lakou ia F,di*a, oia' kana kaikamahine aloha, nolaila e nana mau ia mai oia pela e ko ke ao nei. aole hoi e hookomoia aku iloko o na hoehaeha ana, e lilo ai ia i ma'i nui no ke koena aku o kona ola ana. (Aole i oau.) j