Ka Nupepa Kuokoa, Volume LIV, Number 19, 12 May 1916 — KOMO OLE KA HOIHOI LOKO O NA HAWAII. [ARTICLE]

KOMO OLE KA HOIHOI LOKO O NA HAWAII.

Iloko o ka pule i hoakaawaleia ai, no ka nana ana i na bebe o na lahui like ole e noho nei ma keia kulanakauliale, o na- Hawaii ka poe i hoike ole iuai i na manao ohohia a hoihoi paha no kela hana, elike me na mea oiaio i ikeia, ma o ka heluna o na bebe i laweia mai e na makua no ka nanaia aku o ko lakou kulana ola kino. He 411 ka nui o na bebe i nana ia, maiyraena mai o na lahui like ole e noho nei ma keia kulanakauhale, a mailoko mai nae o kela nui o na bebe, he elua. mau bebe i nanaia, i piha ia laua ka haneri pakeneka o ke ola kino, no laua na inoa o Miss Barbara Jane Conningliam, he umi-kumamaha mahina, a me Master William Gertz, a o Miss Hilda Medeiros, he hapa-pakeneka wale no kona haule, alaila piha aku ka hookahi haneri pakeneka. Iloko o kela heluna bebe apau 1 nana ia, he 159 i loaa ia lakou na pakeneka he kanaiwa-kumamalua a oi aku, iloko o ksia lieluna, he-elua i loaa na pakeneka he kanaiwa-kumamaiwa me ka hapa, he hookahi he kanaiwa-kumamaiwa pakeneka, he umi-kumamakolu i loaa ke kanaiwa-kumamawalu paknneka, a he ewalu i loaa he kanahiku-kumamalima pakeneka. 0 ka bebe haahaa loa o kona mau pakeneka i nanaia, he bebe o kanahakumamaha mahina, mai ke alanui Liliha mai, he kanahiku-kumamakahi wale no ona mau pakeneka o Jce ola kino maikai. 1 ka mahelehele ana i na bebe ma na lahui, he iwakalua-kumamaha he Pukiki, he kanakolu-kumamalima Pake; he kanalima-kumamavfralu Kepani; he ka-naiwa-kuipamaono Amerika; elua Hawaii; ekolu Paniolo; he kanaono-kuma-malima Korea. He mau bebe e ae no kekahi i nanaia, o ia na bebe o na koko hapa, aole nae i hookomoia mai iloleo o ka huina maluna ae. No kela mau bebe i nana ia, he hookalii haneri me kanawalu-kuma-niaiwa he mau kaikamahine, a o ke koena aku he mau keikikane w r ale no. 0 ka mea hookahaha no ka hopena o kela hana, o ia no ka hoohemahema o na Hawaii, i ka lawe ana ae i ka lakou mau bebe no ka nanaia aku o ko lakou kulana ola kino, a pela hoi ka lawe aku i na moa maikai a kupono, e a'o ia mai ana' no ka pono o na bebe, no ka mea o na Hawaii ka oi ame lee kiekie loa o na make iwaena o ka poe opiopio, maloko nei o keia kulanakauhale, elike me ka hoike o ka papa ola.