Ka Nupepa Kuokoa, Volume LIV, Number 12, 24 March 1916 — POWAIA ME KA MANAO KU I KE KOLOHE MAOLI Halawai he Kauka Malihini me ka Poino ma ka Hale Hanahao Honolulu MAOPOPO OLE IAIA KONA MEA NANA I POWA Haoia Kana Mau Dala Apau me ka Aihueia o Kana Uwaki me ke Komolima [ARTICLE]

POWAIA ME KA MANAO KU I KE KOLOHE MAOLI

Halawai he Kauka Malihini me ka Poino ma ka Hale Hanahao Honolulu

MAOPOPO OLE IAIA KONA MEA NANA I POWA

Haoia Kana Mau Dala Apau me ka Aihueia o Kana Uwaki me ke Komolima

Mahope Uoke iho o ka hora eiwa o ka po o ke Pabati aku la i hala i powa ia ae ai lie malHiini makaikai honna, nona ka ino.a o Kauka A. Lehmann, mamuli o kona hahauia ana me kekahi eke ōne a hina ilalo, alaila laweia aku I la kona komolima (laimana, pela me kana uwaki gula, ame kekahi huina (lala mahuahua mailoko aku o kona mau pakeke. O ka waiwaiio o ke komolima daimana i ailiueia ai, aia ma kahi o ka ekolu haneri dala o kela komolima ame ka uwaki gula, he mau makana ia mai na wahine aku, a o ko laua lilo ana i ka aihueia, ua lilo ia i mea hookaumaha loa aku i kona noonoo. Ua hoea mai keia haole malihini no Honolulu nei, ma ka la 35 aku nei o ka enahina o Feberuari, a ua manao oia, 9 huli hoi aku no Kikako, halawai e nae me kela pilikia, ka mea nana e hookaakaa aku i kona mau maka, ua noho ka poe kolohe ma na wahi apau o ka honua nei. ITa loaa aku kela haole malihini iloko 9 ke kulana kupilikii i kekahi koa o ke kaalo ana mai, a na kela koa i hoike aku iaiā, i kona halawai ana mai me ieekahi mau koa elua e holo ana, he lipine ulaula nae ma ko laua mau papale. Ua eha kela haole ma ka a-i, e hoike mai ana i kona hahauia ana aku me kekahi eke one mahope mai o kona kua me kona ike ole, ua eha pu hoi me kona lehelehe, manmli paha o kona hina ana aku ilalo, a hooku'i me kekahi mea paakiki. Aole i maopopo iki i kela haole ke ano o kona hoea ana ma kahi o ka hale hana hao, o kana wale no i hoomaopopo ai, o ia kona hoohala ana i kekahi wa o kela la ma na aekai, a huli hoi mai n oke taona nei maluna o ke kaa uwila, a. o na mea aku mahope o kela manawa, ua pouli pu kona noonoo. laia o ka hoea ana aku no ka halewai, o kana mau olelo o ke kamailio ana ae, o ia no kona pepehiia ana me ka haoia ana o na waiwai apau oloko o na pakeke o kona lole.