Ka Nupepa Kuokoa, Volume LIV, Number 7, 18 February 1916 — Nuhou Kuwaho [ARTICLE]

Nuhou Kuwaho

LON DON, Feb. 14.—Ma ka lono kelekalapa i loaa mai ianei mai Tokio mai ma ka po nei i hoikeia mai ai ka loaa ana i na koa kipi o Kina ka lanakila. Ua hoakakaia mai ke ka'i ana aku o na pualikoa kipi o ka okana aina o Yunnan ma ke ala e hoea aku ai no Szeehunan, a me ka lilo pio ana mai ia lakou o na kulanakauhale o Luehow a me Chun King, ma kahi o ka inoa hope ma ka oleloia ua hui pu mai ila pualikoa o ke aupuni me lakou. NEWPORT NEWS, Feb. 15.—E hoomaka aku ana ka mokukaua pilikua Pennsylvania hou e holo ma keia 'Poa- j 'ha 'ao ma kaua kelepa' hoiao miia 'loa, elike me ke kauoha i hoopukaia mai e j ,ke keena kaua i nehinei. NEW YORK, Feb. 14.—Ua pau ike ahi i keia la ka halehana lako kaua a ke General Electric Co. Na ka hui kinai ahi ponoi no a ka hui i kinai i ke ahi. Ua hoikeia mai ma ke ano e hiki ai ke manaoioia aku he oia mau ka pohihihi o ke kuniu o ka a ana ae o ke ahi. LONDON, Feb. 14. —Ua hoolahaia ae e ka nupepa London Times i keia kakahiaka e hoomaka koke aku ana ke aupuni e hoololi i na liale hana wiseke lehulehu apau i mau halehana lako kaua. Up manaoia e liookapu loa i ka hookomoia ana mai o ka bale no ka hanaia ana o ka wiscke. Maloko o ka aha apana ma ka Poalua aku la i hala i hoopa'iia ae ai he umi-kumamahiku Pake no ka liewa piliwaiwai, ma ka pa-umi dala pakahi. WASHINGTON, Feb. 15.—0 ka bila kanawai a ke keena waiwai e hoopau ana i ka pauku o ke kanawai auhau waiwai a Underwood no ke dute ole maluna o ke kopaa, i kupono e hoohanaia ma a mahope aku o ka la 1 o Meir ua hoikeia aku i ka hale o na lunamakaainana i'keia la e ka Lunahoomalu Claud Kitchin o ke komitc o na loaa ame na hoolilo, ka mea nana i noi aku e noonoo kokeia. .»»