Ka Nupepa Kuokoa, Volume LIII, Number 53, 31 December 1915 — HIUIA HE KOA E KA MAKAI I KA HUIPA [ARTICLE]

HIUIA HE KOA E KA MAKAI I KA HUIPA

Xo ka hiii ia ana o kekahi koa me ka huipa e ka Makai Krammor, ma ka po o ka Poaono nei, i lilo ai i hana nui na ka Makai Nui Rose, ka liuli ame Ua noii pono ana aku i ke ano o ke ala ana mai o kela hana, ma ka aoao o ka makai. Ma ka oleloia, ua ulu ae he haunaele ma kela po Poaono, ma ke alanui Hokele,. e i ke kihi o ke alanui Nuuanu, mawaena o kekahi poe haole koa, a no ka lioopau ana ae i kela haunaele, i holo okoa mai ai o Krammer me kona lio iwaena o ke aluka. Oiai ka ke kanaka o k.e aupuni e hoauhee aku ana i ka poe hoohaunaeie, ia wa i ku'i okoa mai ai kekahi mea i ka ihu o kona lio, me ka puupuu, a hoao okoa mai la hoi kekahi e hopu i na kaula kaohi, o kona wa ia i hahau aku ai i kana huipa, eia nae aole i pa aku maluna o ka mea nana i ku'i mai i-kona lio, aka pa hewa aku la ka huipa i kekahi koa, ku wale mai ana me ka hoopilikia ole mai iaia. Ua hookomo okoa ae ke koa i eha i ka huipa i kana hoopii i ke kanaka o ke aupuni, me ka lilo ana o kekahi poe lehuleliu i mau hoike no kela hana.