Ka Nupepa Kuokoa, Volume LIII, Number 51, 17 December 1915 — HOPUIA HE WAHINE MALUNA O KE SIERRA. [ARTICLE]

HOPUIA HE WAHINE MALUNA O KE SIERRA.

Ma ke ku ana mai o ka niokuahi Sierra no keia awa mai Kapalakiko mai, ma ke kakahiaka o ka Poakahi nku nei i hala, i lioea aku ai na makai 0 Honolulu nei a hopu i kekahi wahine ohua ,no ka hewa aihue, i kulike ai me ka lono kelekalapa o ka hoounaia ana mai i ka oihana makai mai Kapalakiko mai. Ma ke ano ohua o ka j>apa elua kela wahine o ke kau ana mai o ka n.okuahi Sierra, he uuku ioa kona mau ukana, he wahi paiki hook&hi wale no, jme kekahi huina dala uuku malaio o kona malu. Wahi a ke kupakako o kela mokuahi, ua hoea aku ka kela wahine imua ona, a waiho aku ]a i kona mau lako hoonani, me ka olelo ana aku, e haawiia aku ke tikiki iaia, e holo Joa ai do Aufieteralia, a o ke a'o a ke kupakako, o ia no ka hoouna ana aku he kelekalapa 1 Kapalakiko mai nei aku, no ka hoomau ana aku i kona alahele no kana wahi i makemake ai. Aole he mau hoakaka lawa pono i loaa mai i k& oihana makai maanei nei, no ke ano o ke karaima, i hanaia e kela wahine, koe wale no ke kelekalapa e hoakaka ana no ka hewa aihue; a ke kakaliia aku nei o ka lofta mai o na kauoha mai Kapalakiko mai, no na me» e hana aku ai i pili iaia.