Ka Nupepa Kuokoa, Volume LIII, Number 51, 17 December 1915 — HOPUIA KE KAKAUOLELO E. H. HART. [ARTICLE]

HOPUIA KE KAKAUOLELO E. H. HART.

I kulike ai me ka hoike a ka nupepa Maui News o ka la 10 o keia inahina, ua paa ae ke Kakauolelo Edmund H. Hart, oloko o ka aha kaapuui o Maui, i ka hopuia, no ka pokole ana o na dala he elua haneri me kanalima iaia, maliope koke iho o ke awakea o ka Poalua o ka pule aku nei i hala. Ua hoohikiia ka palapala liopu e ka Loio Kalana Bevins, a na ka Makai Nui Clem Crowell i hooko aku maluna 0 Mr. Hart. E hoakaka ana kela meahou i pili i ka hopuia ana o Mr. Hart, aole ka o ka huina dala o elua haneri me kanalima, na dala wale no i lawe koloheia e Mr. Hart, aka lie nui aku, e maopopo aku ai nae, ma ka manawa e huli ponoia aku ai kana mau buke e ka Lunahooia Charles Wileox. Ma na mea ka i lioomaopopoia, ua ae o Mr. Hart no'ka hiki ole iaia ke hoike ae i kalii o ka pau ana o na dala mawaena o ka ekolu ame ka eha kaukani, eia nae ua manaoia, ua oi aku niamua o kela huina ae la na dala i pokole iaia. ' Aole ka i hoohuoi iki ia, aia kekahi mau hemahema ma ka aoao o ke kakauolelo o ka aha kaapuni, ahiki i ka hoike ana ae o ka Lunahooia Charlcs Wilcox, no kona makemake e hooiaio i na huke o fca aha; ia wa i hoike okoa aku ai o Mr. Hart, i ka Loio Kalana TJcvins, no ka pokole o na dala maloko o kana mau buke. Ma ka olelo ia no hoi, no na makahiki i oi aku maniua o ka ekolu, i waiho wale ai na buke a ke Kakauolelo 1 Hart me ka hooiaio ole ia.