Ka Nupepa Kuokoa, Volume LIII, Number 50, 10 December 1915 — Nuhou Kuloko [ARTICLE]

Nuhou Kuloko

Ma ka Mauna Loa o ka Poalua iho nei i hoea mai ai o Senatoa ame Mra. Baker o Kona no keia kulanakauhale. Pilia mau na ahiahi a ka Haieuanelio Brown ma kela mau po aku nei, nie kc ohohia nui ia o kana mau haiolelo hoeueu. Ma ka Mauna Kea o ka Poalua nei i lioea mai ai ka Pilipino pepenikanaka 0 Hawaii, malalo o ka malu o ka Makai Nui Sam Pua. Aole e hoouna wale ia aku ka Nupepa Kuokoa i kela ame keia mea e kauoha mai ana, ke ole e hoouna pu mai i ka inoa ame ke dala pu. Ma ka halawai a ka papa lunakial ma ka po o ka Poalua aku nei i hala i aeia mai ai e hele o Ghas. M. Costa e hoomaha no ekolu pule. 8 Ma ka hoike a ka Puuku Kalana, o na elala iloko o ka wailiona, ma ka la 1 o ka mahina o Dekcmaba nei, ua hiki aku ma kahi o ka $182,212.89. Ma ke kakahiaka nui o nehinei i kiia ae ai ke Korea aihue i ka pu e na makaikiu a hoihoi ia ae noloko o ka haukapila me ke kulana kupilikii. No ka piha loa o ka pepa i keia pule, ua hoopaneeia ka lioopuka ana aku i kekahi mau palapala i kakauia mai e na makamaka, a loaa kahi kaawale. I kulike ai me na mea i loaa mai i keia kulanakauhale, o ka Peresi(lena Wilson ana no ka moho pei«sidena a ka aoao Demokarata ma keia kau koho baloka ae. Ua hooholo ae nei ka Papa Lunakiai o ke Kulanakaunale a Kalana o Honolulu ni-'i ,e haawi aku 1 kekahi hapa o Kapiola'n Paka, malalo o ka lu.olimalima i ka hui paani polo.

Ma na lono kelekalapa i loaa mai i keia kulanakauhale K ua ala hou mai la ke kaua kipi ma Kina, me ka huliamahi ana o kekahi mau koa o ke aupuui ma ka aoao o ka poe kipi« He hale kii onioni hou ke weheia ae ana ma Kapalama ma keia mua koke ilio, nia ka aoao makai o ke alanui Moi, ma kahi kokoke i ke kahua mua i ku iho nei ka h'ale kii onioni kahiko. lle ahamele me hulahula ke haawiia ae ana e ka Hui Ilimeni Kawaihau Glec C'lub inaioko o ka Phoenix Hall, ma ka po o ka Dee. 33, no ka pomaikai o ka halepule ma Kahana, Koolau. No ka lilo ana o kekahi Pake i ki-i e hoike ai i kft nupepa Advertiser, no na wahi e malamaia ana o na hana piliwaiwaij fcpaa ae ai o Henry Lee Chin i ka hoimiā, 110 ka hewa puhi opiuma ma ka ; Poalūa nei. '

Uoko o ka aha a ka Lunakauawai Maunakea ma ka Poalua nei i hoopa'iia ma:i ai ka.limahana oloko o'ka hui kaa 0 Schuman no ka aihue ana i ka laholio. He eono ona mau mahina o nolio ai ma Kawa. 1 Aia ma ke alanui Liliha mo Kula, ma ka aoao ma Ewa o ke alanui, he keiki Hawaii akamai loa i ka hana hou ana i na mikini humuhumu i poino, ua j hiki ]>u no iaia ke hoomaemae i na pahu olelo kahiko. Ua hoounā aku nei ka Ahahui Ku-e Hale Inurama o Hawaii nei he mau palapala hoopii no ke kakauinoa ana mai o na kanaka e hoeueu ana no ka liooholoia mai o ka bila hookapu waiona lahui i plli 'ia Hawaii nei. Mamuli o ka inoino o ke alanui Kalakaua, ua lioopaneeia aku la na heihei ! helewawao, mo hoihei kaa baikikala, i manaoia ai no ka auwina la o ka la 19 o keia mahina, a iloko o na la hope o ka mahina o lanuari o keia makahiki ae. Mamuli o ka loaa ana o ka eha i ke kuli o 'kekahi wahine, o ka hina āna ma o lee kakali olē o ke kaa uwila ahiki i kona haule pono ana aku ilalo o ke. alanui, i hookomo aē ai o Mrs. Mairy E. Neves i kana hoopii koi poho o hookahi kaukani. dala i ka hui kaa uwila. Ma na lono i loaa mai nei i keia kulanakaūhalē, ua ku a hoohihi maoli kekahi mau kaikamahine o Kapalakiko i na keiki hookani pila o Honolulu nei, o ka hoonanea aiia i ka poe makaikai ma ka hale hoikeike o Hawaii ma kela kulanakauhale, a «a mare okoa mai nei kekahi mau keiki i mau wahine haole na lakou.