Ka Nupepa Kuokoa, Volume LIII, Number 9, 26 Pepeluali 1915 — AOLE HOI HE WA UA AO AI IA E KA HAULIULI. [ARTICLE]

AOLE HOI HE WA UA AO AI IA E KA HAULIULI.

Ma ka Nupepa Kuokoa o ka la 19 o Feberuari, ua hoopuka ae o Daniel Kahooio i kekahi manao malalo o ke poomanao, "Aole Hoi He Wa Ua Ao Ai ia e ka Hauliuli," a malalo iho o ua manao la, ua wehewehe ae oia i kona manao e pili ana i kekahi hana i hana ia e Hope Makai Nui E. K. i ka hanai ana a ka Pake haleaina kekahi poe Pilipino makaikiu, ame hele ana mai o ka wahiue a ka Pake haleaina imua o ka Nui Samuel K. Pua me ka buke aie a na Pilipino i ai ai i ka ai a laua, a pela aku.

O ka manao nui o keia wehewehe Manao a Daniel Kahooio oia no ke alakai aku i ka noonoo o ka lehulehu e lilo keia hana i hana e alakai ai i ka noonoo o ka lehulehu e kula'i i ka Makai Nui Samuel K. Pua a e hoonoho ae ia Keolanui ma ia wahi i hookohu ia aku ai oia i Kapena Makai no Hilo Akau. Ke hoomanao nei no oe e Mr. Daniel Kahooio i ka olelo kaulana a Keolanui i kona wa e noho Makai Nui ana, a penei ua olelo la: "Na ka hewa e hoopau ke kanaka mai ka oihana ae." Heaha ka mea i ike ia, aole oia i malama i kana olelo. I kona wa e noho ana o James Mattoon, Sr. ka Hope Makai Nui o Hilo Akau, Daniel Kahooio ke Kapena, a o Wilson Nahakuelua he makai. Ma ka noho ana a Wilson ame Kahooio, ua hopu ia na lio o laua e Angus Wilbers no ke komo hewa a lawe ia. I ka hiki ana o Wilbers mamua iho o ko William Kahaleohu hale, malaila o Wilson Nahakuelua i hele aku ai a okioki i ke kaula 0 kela mau lio me ka pahi a lilo mai na lio iaia. Hoopii ia o Wilson, aole i lawe o Jas. Mattoon, Sr. i kela hihia. Hele o Wilbers i Hilo a hoolimalima ia Judge Ferry i loio nona a nana i hoopuka mai i ka palapala hopu no Nahakuelua. Hookolokolo ia a hoahewa ia o Wilson Nahakuelua no kela karaima ana i hana ai i kona wa i maopopo ai e hoopii ia ana oia, ua hele ae lakou mawaho o ka Hale Hookolokolo a kukakuka me ka Loio Ferry ame Wilbers. a ua ae aku la oia nana e uku i.ka Loio he $80.00 a hoopau wale ia kela hihia me ke kau ole ia mai o ka hoopa 'i a ka Lunakanawai H. S. Rickard. O kekahi hihia auo nui loa kela a Nahakuelua i hana ai. Heaha ka mea i ike ia, aole o ,William Keolanui i ma lama i ka olelo, "Na ka hewa o ke kanaka e hoopau ae iaia mai ka oihana ae." JAMES M. KEPOO.