Ka Nupepa Kuokoa, Volume LI, Number 12, 28 Malaki 1913 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

"Hc liana liiki <.le loa ia'u ka ao ana aku e lawe mai j na majiawalea mai ia oe mai elike me keia au e olelo mai nei, aohe o'u aie, heaha ke ano o keia mau hana au e Mrs. Lakana?" "Aole no au i manawalea waie aku i kou noho ana mai ma ko'u hale nei, oiaio no nae, aole a'u malihini i piha loa ai i ka makee elike me oe, e hiki ole ai no ia'u ke kaki aku ia oe i kekahi mea. Ua pau kou mau aie apau i ka ukuia e Kauka Motimea, no ka mea ua hoike mai oia ia'u, he malihini oe nana, a u& lawe ae oia i na ko'iko'i apau o na hoolilo o kou noho ana maloko o kuu hale nei, a pelaj pu hoi me na lilo o ka ai ana nou ame kau kaikamahine," i hoakaka pono aku ai o Mrs, Lakana i ke ano o ka ili ole ana aku o kekahi bila aie maluna o Cicilia. Aohe no a Cicilia mea e kamailio hou aku ai, o kona hoi aku la no ia noloko o kona rumi, a iaia o ka hele ana mai e ike ia Kauka Motimea maloko o ke keena hookipa, ua noi mai la oia i ua keonimana la, e haawi aku i kona hila aie, i hiki ai iaia ke uku mai j mamua o ka haalele ana iho no kana huakai ma kela la no Saratoga. i Lalau mai la o Kauka Motimea i na lima a elua o Cicilia a pane i mai la me ka leo malie loa: "Ua olelo mai hoi oe e Cicilia ia'u i kekahi manawa pokole wale ae nei no i hala, ua nana mai oe ia'u | ma ke ano he kaikunane nou, a ma ke ano kaikunane, ua liana aku au i na mea apau nou e pono ai, ma ka uku ana i kou mau hoolilo apau o ka noho ana ma keia wahi, a'u e manaoio nei, e apono mai ana oe i ko'u hana ana aku pela. "He kino kane ko'u, a he ikaika 'ko'u mau lala ame ko'u noonoo e hiki ai ia'u ke huli aktt i ka waiwai iloko o ka manawa pokole, oiai no nae, ua lawa no au' ia mea he dala iloko o> keia manawa, a ma kou aoao hoi, he kino wahine kou, i nele i na hoaloha ame ka ohana na lakou ey kokua mai ia oe. Ua ike au i ka nui o na hoolilo o ko 'kakou ola ana, a ua hoopilikiaia aku no hoi kou noonoo no ia mea, e hoolana nae i ka manao e Cicilia, oiai ia'u i lawe mai ai ia oe i malihini na'u, ua auamo au i na hoolilo apau loa ma ko'u aoao, a' ke nonoi aku nei au no kou pono, a no ka pono hoi o kau kaikamahine a'u i aloha aku ai me he keiki ponoi loa la na'u, e lawe aku i ka'u mau kokuai apau me na manao mai'kai, a mai noonoo iho oe, me ke ano he aie kekahi au e uku mai ai ia'u." Ua hiki ole ia Cicilia ke pane aku, e laa paha ka hoole ana aku i ka lawe ana mai i na hana maikai a Kauka Motime, oiai o kona apono ole ana a'ku i na hana maikai a kela kauka, ua like 'pu no ia me kona hoowahawaha ana aku iaia, eia nae ua hele oia a piha me ka ilihia i "kela manawa, no na mea i hanaia mai ma ka aoao o 'ke kanaka ana i hoole aku ai aole e lilo i kane nana. Ua hoomakaukau iho la lakou nei no ka haalele ana iho i kela home, a kau aku la maluna o 'ke kaa, aia ka pahu hopu no ka hale hoolulu ma Okalana, kahi a ua o Cicilia ma e kau aku ai maluna o ke kaaahi, a haalele mai hoi ia Kauka Motimea mahope. Ua pau mua ka ukukaa i ka ukuia e Kauka Motimea, o ke kaa o ka papa ekahi ko Cicilia ma no ka makee no o kela kauka e hoopilikia oleia mai o Cicilia ame kana kaikamahine maluna o ke kaaahi. Ia lakou o ka hoea ana aku no 'ka hale hoolulu, ua lawe aku la 0 Kauka Motimea ia Cicilia a hoonoho maloko o ke keena hooluana, alaila nalo aku la oia no na halekuai, a iaia o ka oili hou ana mai, aia he mau puolo lehulehu iloko o kona mau lima, alaila hoihoi aku la oia i kana mau malihini noluna o ke kaa, a haawi aku la hoi i na puolo ia Magarita, eia ka he mau mea paani, e laa na mea a na kamalii/ i makemake loa ai, me ka noke ana iho 1 ka honihoni ma na papalina elike no me kana hana mau ia Magarita i na apau ana q paani ai me kela kaikamahine. Oiai ke kokoke loa ae la i ka manawa e haalele mai ai ke kaaahi, ua hele mai lal o Kauka Motimea, a lalau mai la i na lima o Cicilia, me ka hiki ole nae iaia ke pane koke mai, aia hoi kona mau lehelehe ke eueu wale la no, o' ia no oe o ka mea e kokoke iho ana e uwe, a i mai la me 'ka leo kaumaha: "Ke kaumaha loa nei au i keia kaawale koke ana o kakou, aka nae e hoomanawanui no au, oiai pela iho la e pono ai olua, a ia oe e Cicilia e hoea aku ai ma, Saratoga, mai poina oe i ke kakau ana mai ia'u, a e hoike mai i ko olua ano, ina no ka pilikia, ua hiki loa ia'u 'ke holo aku me ka hoohakalia ole iho." "Ae e kakau mai ana au ia oe, ma ka la no a'u e hoea aku ai no Saratoga, aka nae, auhea oe e kuu hoaloha maikai, ua lilo io i m ea ehaeha 110 ka noonoo, ka hookaawale ana o na hoaloha eli"ke me keia, a oiai he nui kau mau hana maikai o ka hana ana mai no ko maua pono, ua nele nae au i na huaolelo kupono e hiki ai ia'u ke hoakaka aku, i ka nui o ko'u mahalo ame na hoomaikai kiekie ana nou e Kauka Motimea, E hoomanao nae, eia au ke kaawale nei mai ia oe mai, aia mau no nae na hoomanao poina ole, no kau mau hana aloha apau no'u ame kuu lei aloha." 'Aohe hoomaikai e ae au e Cicilia e haawi mai ai ia'u, i oi aku mamua o 'kou hooia ana mai la, e hoomanao mau oe no'u iloko o kou puuwai, ua lawa ia no ke kukuni paaia ana o ko kaua ano, he mau hoaloha oiaio, a i ole ma kekahi olelo ana ae hoi, he kaikuahine a he kaikunane." "Mai kanalua iki oe no ia mea e Kauka Motimea, aole loa au e poina nou, pehea ka nui o na hoao e halawai mai ana me a'u ma keia mua a'ku, aia mau he wahi nou a'u i hookaawale ai iloko o kuu puuwai." Ke haalulu wale la no o Kauka Motimea, a ke eueu la hoi kona mau lehelehe me kona kokoke no e hoala hou mai i kela kumuhana kahiko a kona puuwai e hiipoi mau la, o ia ke aloha, aka nae oiai ua haawi aku oia i 'kana hoohiki, aole e kamailio hou no kona aloha, ua uumi malie wale iho la no oia, me ka makemake ole e hoehaeha aku i ka manao o Cicilia. I "Aole no o'u kanalua, no kou hoomanao mau ana no'u, auhea! nae oe e Cicilia, i noho oe a halawai hou me kekahi pilikia—a ina j no paha i makemake oe i mea nana e kokua aku ia oe ma leekahi'l mea, mai poina i ka hoike ana mai ia'u, ua makaukau mau au ma ke ano he hoaloha e kokua aku ia oe, elike me ka'u mau kokuaj o 'ka wa i hala." i "Aole o'u hoaloha e ae ma keia ao, o oe hookahi wale no e Kauka Motimea, a he oiaio, i halawai hou au me kekahi mau pilikia ma keia mua aku, aole no a'u mau wahi e ae e hoona mai ai, a e! ui mai ai paha, o oe wale 110, ka mea i makaukau mau i na manawa apau e mauna mai i kona ola iho no ka pono o ha'i." Iloko o kela manawa i kani mai ai ka bele hoailona, no 'ka makaukau ana o ke kaa e haalele iho i ka hale hoolulu, o ke ku ae la no ia o Kauka Motimea iluna, a pane aku la ia Cicilia: "Na ke Akua e hoomaikai mai ia oe, a Nana no e hoopakele mai ia oe mai na pili'kia mai apau; a ina aia he hauoli nou ke kakali mai la mamua o kou alahele Oia no ka i ike i na mea apau,"

alaila honi aku la oia no ka manawa mua loa ma na papalina o Cicilia, elike me ke kaikunane i kona kaikuahine, o kona oili mai l.i no īa mai ke kaa mai, me ka helehelena o ka mea i piha me ke aloha poho. No Cicilia hoi, ia hala ana mai o Kauka Motimea, ua palulu i koke ae Ia oia i kona mau lima ma na maka, he hookahi hana, o lea noke i ka uwe, aole he uwe hookamani, aka he uwe kulipo maoli, o ka mea i loaa he aloha oiaio no kekahi hoaloha. I Ua nui io ka ehaeha iloko o laua pakahi ma kela hookaawaleia ana o laua a kekahi nae o laua o ka moeuhane mua oie ana, o kela ko laua ike hope loa ana ma keia ao, a na keia nee ana aku o ka moolelo, e hoike mai ia hopena ku i ke aloha. la Cicilia nae e laweia la e ke kaaahi, me he mea la o kekahi noonoo nana i hoehaeha loa aku iaia, o ia no kona hoea kino ana mai no Kapalakiko, e lilo ana ia huakai ana, i mea e alaiia ae ai na aoao malamalama o ka holomua o ke ola ana o kela kauka opio. He hookahi pule mahope mai o kela.huli hoi ana aku a Hawada no Nu loka no ka hele ana i ka hana, i wahi e hoopoinaia ai kona mau manao kaunlaha. no kana mau mea aloha, ana e manao la ua make kekahi, a ua lilo aku hoi kekahi na ke kane okoa, ua hoea aku la o Cicilia ma no Saratoga, a hoolimalima aku la i mau rumi no laua maloko o ka Hale Konakele. j Mamua o ka haalele ana aku o Cicilia ia Kapalakiko, ua kele-, kalapa mua aku oia, ia Maka i Nu loka, e holo ae a loaa oia ma Saratoga, a e hookuu aku i na kaikamahine hana a laua oloko o ka hale hana lihilihi, e hele i ka hoomaha a hiki i ko laua huli hoi| hou ana aku no Nu loka, a ma kela hoea ana aku o ko Cicilia ma j kaaahi no ka hale hoolulu ma Saratoga, e ku mai ana o Maka me j ke kakali ana o ko laua nei hoea aku, a he manawa ia o ka hui. ploha ana o kekahi me 'kekahi, mahope o ke kaawale ana no na pule loihi. Ua hoopihaia aku o Maka me ka puiwa ame ka hikilele pu hoi, i ka ike ana mai'i ka helehelena hohoma o kona haku wahine, aole hoi kela kino nui maikai ana o ka ike hope ana, he 'kino keia i ku i i:a hoomaka'uka'u ke nana mai, aole nae ia he manawa no ka ninauj x no ka pane ana, he hookahi hana, o ka hoi aku no ko lakou mau j rumi, a mahope aku ka imi ana i na mea e maikai mai ai ke ola kino. Miki mai la o Maka elike no me kona ano mau o ka makee ia Magarita a kaa aku la iaia ka malama ana, me kona hoopuni mau ana mai no hoi i ko Cicilia mau aoao, me kana mau hana hoohauoli, akahi no; a ike io iho ua o Cicilia i ka maha mai o 'kona uhane, aole hoi ka lilo mau ma ka noonoo ana no kana kaikamaliine, elike me kela manawa a laua e noho ana ina Kapalakiko. He hookahi wale no pule o ko Cicilia noho ana aku ma Saratoga, -ua loli koke mai la no 'kona ano, aole kela ano haikea, kela hohoma o kona mau papalina, hele mai la oia a piha pono, lamalama mai la no hoi na papalina, a ke minoaka mai, o ia no oe o kekahi anela o ka malamalama. Aole a Cicilia mau hana e ae iloko o kela pule hookahi, o ka hoomaha wale, iho Ia no, ka hele mau ana no hoi i ka holoholo ma na kakahiaka ame na ahiahi, ma na wahi e loaa mai ai na ea oluolu, n pela hoi 'ka hele mau ana i ka auau i kela ame keia la. Na kela mau mea a Cicilia e hana la ma kela w r ahi, i hoano hou ae iaia, ono mai la no hoi kana ai, a ma ka olelo pokole ana ae, ua ikaika maoli kona kino, a ke hoi pono mai la kona ano kahiko, ke ano a na kanaka opio i hoohihi aku ai iaia, i 'kona wahine u'i. Ma kela la au e ka mea heluhelu o ka ike mua ana ae nei i loaa ai ka ulia ia Cicilia, a i hoea aku ai o Kauka Akoni no ke kokua ana iaia, i ka holoholo ua o Cicilia ame Maka me kana kaikamahine, elike no me ka lakou liana mau, a no ka loihi loa o ka lakou hele ana, i pane aku ai ua o Cicilia i kona mau hoa: "Ua lawa paha keia hele holoholo ana mai nei a kakou, e huli hoi kakou no ka hokele!" ua lilo nae kela koi a Cicilia i mea hoihoi ole ia Magarita oiai o 'ke aho no o kela kaikamahine o ka paani ma na wahi akea, a noke mai la oia i ke kue i kaj manao o kona makuahine a hiki i ke komo okoa ana mai o Maka ma ka uwao ana mawaena o ka makua ame ke keiki, i ka i ana mai: "He nani hoi ia ke paakiki loa nei no o Maka, e noho e paani maloko nei o ka paka, nolaila e hookuu mai oe i kona makemake ; a na'u no hoi e makaala aku iaia, a owau no hoi kekahi i makemake e noho loihi ilio, aia no hoi a pau ko maua nanea ana alaila huli hoi aku maua. Aole no hoi i mamao loa ka hokele mai keia wahi aku, ua hiki no ia'u ke hapai aku ia Magarita, ina he maloeloe oia i ka hele wawae." Aole no he hookololohe maoli ko Maka, aka ua ike oia, o kela koi ana mai a Cicilia e hoi lakou no ka hokele, no kona makemake e hooiuolu, a ua ike o Maka aole e loaa ana he hiamoe maikai ana i kona haku, ina o Magarita kekahi ma ka hokele, e lilo ana kela kaikamahine i mea hoouluhua aku i kona makuahine, ma ka paani ana me ka hanakuli pu iloko o ka rumi. "Ke makemake la no hoi olua e noho a hala 'kekahi manawa, ua hiki no, aka no'u nae, kq hoopoluluhi mai Ia ko'u mau mak'a i ka hiamoe, no ka ohea paha hoi kekahi i ka la, a no ke ano hu'ihu'i hoi kekahi o ka makanj," wahi a Cicilia, pela iho la oia i hoi hoo'kahi mai ai no kahi o kona kaa e ku ana, a na ka loaa e ana i kekahi ulia, pela oia i halawai ai me Kauka Akoni. Ina paha no ka huli hoi like mai o Cicilia me Magarita, ina ua loaa koke aku ka ike ia Kauka Akoni, i ke kaikamahine a kona hoaloha, aole nae pela, oiai he alahele okoa no *ka ke Akua, i hoomakaukau mua ai no ka hoohalawai hou ana i ke kane me kana wahine, i ka makua hoi me ke keiki. MOKUNA XXXV. .. He ekolu Ia mahope mai o ka hala ana aku o Cicilia ma no Saratoga, ua haalele pu mai la o Kauka Motimea ia Kapalakiko, aole o ka haalele a hoi hou mai, aka, ua haalele mai oia no ka manawa mau loa, ua hoi aku oia ma kela ao, a pau na auwe ame na ehaeha, a o ka hookoia ana hoi o na olelo a Cicilia iaia, na ke. Akua e haawi mai i uku no kana mau hana maikai apau, o kela iho la ka uku, o ka lawe ana aku i kekahi kanaka maemae e hoopaumaele oleia ke koena aku o kona mau la o ke ola ana, iloko o na noonoo uluahewa o kona mau manao luuluu. He mea ehaeha no e ka mea heluhelu ke kikoo kokeia ana mai o kekahi 'kauka oluolu elike me kela ae la, aka aole nae hoi ia kakou ka ike i na mea apau e hoopuni ana i ko kakou ola ana, malia paha pela iho la no ka ke Akua mau hooponopono ana. Penei ke ano o ka hoopokoleia ana mai o na la o ko Kauka Motimea ola ana: E huli hoi ana oia no kona mau rumi hoolimalima mai kona keena hana aku, mahope iho o kona haawi ana aku i na kuhikuhi ana i kana poe ma'i o ka lulumi ana ae no kona keena kauka ma kela la, a iaia o ka oiii ana aku ma ke "kihi o kekahi alanui, ua ike aku la oia he kaa ukana, i hele a kaumaha e iho mai ana ma kekahi ihona, e lilo ai i hana paakiki lea hoopaa ana i ka holo o kela kaa. Iloko nae o kela manawa i ike aku ai ua o Kauka Motimea i ka holo ana ae o kekahi keiki uuku mai kekahi aoao mai o ke alanui, e hiki ole ai ke alo ae mai ka hooku'iia mai e kela kaa, nolaila ua kahea okoa aku la o Motimea i ke leeiki e hoi hou mai, aole nae i loheia mai kela leo leahea, a no ka hoopakele ana ae i ua keiki nei, ua holo koke aku la oia iwaena o ke alanui, a mai loaa ole no he pliikia ma kekahi ano, aka ua puhiia mai la nae kona papale e ka makani a lele aku la a pa kekahi o na lio, o ka hoomaka ae la no

ia e puiwa, me ka holo ana mai a hooku'i i kekahi pou ipukukui. Ua hoopakeleia aku la ke kamaili mai na poino mai, aka nae no Motimea, ua hooku'iia mai la oia e ke kaa, mo ke kau ! ana mai ona huila maluna ona, ai ka manawa oka h*>lt> an;i aku 0 na kokua no ka nana ana iaia ua manaoia, ua make la ua kauka rei, eia ka aole, a hoihoiia aku la oia no kona home no ka lapaauia mai e na kauka. I He mea kaumaha a hookuihe no keia i kou nootnK> eka moa heluI'elu, i ka halawai ana o keia kauka maikai, a oluolu me kekahi ulia poino, aka nae ua mahalo loa oia no kela hopena, he oi ae ia mamua i» kona noho hoomanawanui ana e auwe mau ai i ka ehaeha «> kona naau, mamuli o ka hooko oleia ana o kona iini e lilo mai o eieilia i wahine nana. Ma kela haalele ana aku a ua o Kauka Motimea a huli hoi aku la mau rumi hoolimalima, i ka nana aku maluna o kona helehelena, me he mea la ua aneane maoli no e hoea mai kona hopena, eiai iaia o ka hoea ana aku a ike i na wahi a Cicilia ame Magarita e noho mai ana, ua lilo kela hiona i mea e hooliloia ai kela kino :kaika o ua kauka nei, a me he mea la he kanaka ma'i loa oia. No na hora elua, i hoohala ai oia ma ka noho mehaineha ana maloko o kona mau rumi, me ke pani ana aku i na puka a paa, he hookahi ana hana nui iloko o kela manawa, o ia no ka hoonana ana 1 kona mau maiiao kaumaha apau. Ke au la kana nana ana ma kela ame keia wahi o> kona mau rumi, me he mea la ke ike okoa !aku la no oia i 'ka noho mai o Cicilia, ame kana wahi kaikamahine, j tia nae iloko o kela mau minuke o ka ehaeha, aia ua kauka la ke waiho la i kona mau manao luuluu apau iloko o ka lima o ke Akua, J ine ka nonoi ana» iloko o kona naau, e lawe aku i ke kiaha o ka ehaeha mai iaia aku. I kela oili hou ana mai a ua o Kauka Motimea iwaho, aia ka manao paa maluna o kona helehelena, eia nae me he kanaka Ia oia i liele a kahiko na makahiki, alaila hooho ae la oia i keia mau olelo: "O kou ma'kemake ke hanaia, aole o ko'u." laia o ka hemo ana mai noloko o ke keena hookipa, ua pa mai la j kona wawae me kekahi mea oole'a, a iaia o ka lalau ana iho a nana iae, eia ka o kekahi o na kaniaa o Magarita, a ia manawa i noke okoa I iho ai oia i ka uwe me ka piha i ka walania, me he mea la ke lohe okoa aku la no oia i ke pahupahu mai o na kapuai wawae o ke kaikamahine ana i aloha ai, me he keiki ponoi loa la nana. Oiai o kalii mea hoomanao hookahi wale no kela i haaleleia aku mahope nana, ua lawe aku la oia a kau maluna o ka paepae o ka puka aniani, no kona manao, o kela wale no kahi e hiki mau ai iaia ke nana aku i na manawa apau ana e hoi aku ai noloko o kona keena hookipa, o kahi no hoi o ka waiho ana a hiki wale no i ka loaa ana aku ia Hawada, au e ka mea heluhelu o ka ike ana ae nei ma kekahi mau mokuna i hala. Ia haalele ana mai a ua o Kauka Motinica i kona niau rumi hoolimalima no ka hele ana no kona keena kauka, ua hoao <ūa e hoopoina i na mea o ka wa i hala, a lawelawe aku la no oia i kana inail hana maa mau, me he mea la aole he mau mea na lakou e hoopilikia rnai i kona noonoo, eia nae he elua la ma ia hope mai, ua hoihoi houia aku la oia no kona mau rumi, aole he kanaka kino ikaika elike me kela ana o ka hele ana aku no kona keena hana ma ia la„ aka he kanaka i mainoino mamuli o ka ulia poiuo, a i makaukau hoi e waiho aku iaia iho na ka hoomaha mau loa, kahi e ike hou ele ai i na kaumaha ame na inea o keia ola ana. laia o ke komo aua aku maloko o kona rumi moe, ma o ka hoihoiia ana aku e ka poe kokua, loaa 'koke iho la iaia ka hoomaopopo ana, aole loa e hiki hou ana iaia ke haalele iho i kona rumi me ke kino ola, aka na kela poe no e lawe aku ana i kona klno kupapau, a hoomoe aku ma ka ilina o na mea make apau, kahi ana e ike hou ole ai i na hoehaehaia o kona puuwai, elike me ia ana e hoomanawanui mau la. Oiai nae ua hele ka ehaeha a nui maluna o kona kino, ma o kela ulia poino i loaa iaia, ua minoaka mai la no nae oia mamuli o ka loaa ana aku o ka hoomaopopo ana, o kela' ka hoea ana mai i ka hookoia ana o ka wanana a Cicilia, o ka hoike mua ana mai iaia, "na ke Akua no e haawi mai i ka uku makana oi ae," akahi ua o Kauka Motimea a ike, aole he mea i oi ae mamua o ka make, kahi e ike hou ole ai i na ehaeha o keia ao hewa. Ma ka nana ponoia ana o na wahi o ke kino o Kauka Motimea i poino, ua hoike aku la na kauka na lakou e nana ana iaia, no ke kokoke loa ana mai o kona hopena, a o ia ka ua o Kauka Motimea 0 ka i ana aku ia lakou me ka pane nana i hookahaha aku i kona mau hoa kauka: "Ua maopopo no ia'u, aole he loihi o ko'ti mau la e ola ai ma keia ao, a ua makaukau au iloko o na manawa apau e hele aku e halawai me kuu Akua ma kela ao." Ua hoea io mai ka hopena o ke ola ana o kela kauka i piha i ka oiaio, ka lokomaikai ame ka oluolu, a ua makaukau oia e hele aku e halawai pu me ka mea nana oia i hana mai, alaila pane mai la oia 1 kekahi o na kauka e noho ana ma kona aoao i ka i ana mai: "Pehea la ka loihi o ko'u ola ana a hoi aku au ma kela ao?" me ka lamalama pu ana ae o kona helehelena, e hoike mai ana i kona maka'u ole i lea make. "He mau la helu wale no kou e ola ai, malia he elua a ekolu paha, o ke Akua wale no ka i maopopo i kou hopena." • "Ina pela, ua makaukau au, aka e kauohaia aku nae kuu kaikuaana e liolo mai e ike ia'u," alaila kamailio aku la oia i na o\e\o o ke kelekalapa e hoounaia aku ai i kona kaikuaana, a pela hoi me kona wahi noho. "E lawe mai i peni ame ona pepa kakau na'u, me lea inika pu mai, H wahi a ua o Motimea i ke kokoolua o na kauka. Me ka lima haalulu i kakau iho ai oia i kana palapala kauoha hooilina, a imua ponoi o na kauka elua e noho pu ana me ia, i kakau iho ai oia i kona inoa ponoi. me ka lilo ana o kela mau kauka ame Mrs. Lakana i mau hoike no kana kauoha, a i ka pau ana o kela hana, ua nonoi mai la oia ia lakou e hookuu hookahi aku iaia e noho mehameha, he noi hoi i hookoia aku e kona mau hoaloha, oiai ua maopopo no ia lakou, aole loa he mau pilikia ma ka h<v>kmi hookahi ana aku iaia e noho maloko o kona rumi. I kela noho hookahi ana aku, o ua o Kauka Motimea maloko o kona rumi, ua hoomaka iho la oia e kakau i kekahi leka loihi na Cieilia, a o keia iho na manao maloko o ua leka nei ana: "E kuu Aloha:—Eia au ke kakau aku nei i kekahi nuhou hoolelehauli ia oe, a'u nae i manao ai, he oi aku ko'u hoike okoa ana aku ia oe no ia mea, mamua o kou lohe ana mai kekahi mea okoa aku. He mau la helu wale no ko'u i koe e ola aku ai, a hoi aku au no ka hui pu ana me ko'u Mea nana i hana mai. oiai ua kau iho maluna o'u kekahi poino nui e hiki ole ai ia'u ke ola loihi, ma o ko'u halawai ana me kekahi ulia i keia la. "E waiho ana au i kekahi mau mea na ko'u mau hoaloha e hoikepiha aku ia oe, mahope iho o kuu haaiele ana iho i keia ao, no ka mea aole he nui o ko'u manawa e kakau ai i keia leka, a na lakou e hooko aku i ko'u mau makemake apau. Ua nui na palapu ame na ehaeha e kau nei maluna o kuu kino, eia nae he oluolu maikai no au ma keia manawa a'u e kakau aku nei ia oe, a ke hoolilo nei au i keia mainawa makamae, nou wale no e Cicilia. "Nani l<uu hauoli ame ka mahalo kiekie nou e Cicilia, ua pololei maoli no kau wanana o ka pane ana mai ia'u, no ko'u makanaia mai e ke Akua, ua hiki mai i ka hookoia ana o ia wnana au, no ka mea. akahi a hookaakaaia kuu mau maka, no ko ke Akua hoohana ana mai i ke alahele no'u e pono ai, a e hookaawaleia ae ai na auwe ana mai ia'u aku. Mai lilo nae keia i mea hoehaeha a hookaumaha aku ia oe, aka e hoolana i ka manao, he oiaio aole loa kaua e hlawai hou aku ana leekahi me kekahi ma keia ao, aka nae e hui hou ana no kaua ma kela ao ma o, a ma ia hui ana, aole he mau hoopilikiaia ana o ko kaua mau manao, aole hoi he aloha ana, aka he liui ana ia iloko o ka hauoli. (Aole i pau.)